HOSEA 13:8 - KITAB NU TUMPU ALLA LELE MA'IMAI'

⁸ Ku sa'umo na belemiu susumo beruang anu no lapusmo na anaknyo. Ku bea-beakmo na belemiu. Susumo singa Ku sa'umo na belemiu itampat nu belemiu, ka' susumo binatang anu bahangihi' mombea-beakmo butong nu belemiu.

HOSEA 13:8 ပူးပေါင်းရင်းမြစ်များ

2 SAMUEL 17:8

Belento Mian Daka' tantu monsumbu'mo i Daud tiba to sulu-suludadunyo baani hondo na mahampate. Ko baaninyo nu aha sumomo ahi' tinanyo nu beruang anu nolapusmo na anaknyo. Ka' mule' i Daud anu saja'mo nahampate, jadi ia pinandemo ahi' na mahampate, madi'mo toho' hoyot maninggalum tiba to sulu-suludadunyo.

MAZMUR 50:22

Soba palahatikan, belemiu anu mongkolilimi Tumpu; bala ingati mae dumo belemiu Ku silakai, ka' madi' ko anu momposalamat.

MAZMUR 80:13

O, Tumpu, kadaka' tinua'akonmo nu Belento na balabatnyo, sahingga de ko mian anu motulu montipumo bua'nyo?

AMSAL 17:12

Lebe ma'ima' singkabot tiba tina nu beruang anu nolapusmo na anaknyo; ka' de mule' tiba mian anu ponga' anu saja' tasiaga ikaponga'annyo.

YESAYA 5:29

To sulu-suludadunyo molohuu' susumo singa anu sala'je nonsa'u kaanonnyo lantas pinopadeka'akonnyomo ka' madi' ko anu moko ala mongagoi aijo' hi ia.

YESAYA 56:9

Tumpu nompokaumo to bansa-bansa anu isalipu'an mae da toka susumo binatang anu mahangas da monsilakaimo miannyo anu palesayamo hi Ia.

YEREMIA 12:9

Aha sumomo ahi' tomonsi' anu kahanda'mo nu sabut nu bonyia' anu lengkat mae iyaya na tampat. Lagamo mae iwi-iwi' na binatang nu alas da suele ahi' mongingkotimo aha.

YEREMIA 25:38

Susumo singa nosabatmo mae lengkat i liangnyo, sumo aijo'mo na Tumpu nosabatmo mae da mohukumo mian anu palesayamo hi Ia. Kasinggian nu pahampatean tiba tambuha' nu Tumpu nongabali'mo lipu' aiya sahingga tinimbalimo padang tampat anu mateges.

HOSEA 2:12

Ku hansunimo na to kau-kau' anggur ka' to kau-kau' nu ara, maumo koonyo aijo' binaumo tambo pongkalibosinyo aha sindua'annyo. Ku abali'imo na to ale-ale' nu anggur ka' to ale-ale' nu ara da tinimbalimo kuhat; to bina-binatang anu mahangas na mongidei.

HOSEA 5:14

Susumo singa montumbuhi sumo aijo'mo na Aku montumbuhi mian nu Israel tiba Yehuda. Posi Akumo na mombea-beak aha lantas Ku pala'imo. De Ku hela'mo na aha mamba madi' ko samian pe'e na moko ala mompolapas aha.