HOSEA 13:15 - KITAB NU TUMPU ALLA LELE MA'IMAI'

¹⁵ Naumo Israel sinanangmo na kantumuu'an nu aha susumo hemput anu molumba' panyo Ku pokauje na mombun nu kabete'an anu mapanas hondo lengkat mae i padang anu mateges. Mombun aijo' na montiisi iwi-iwi na mata nu uee tiba to bubu-bubung. Sahingga manggasmo iwi-iwi' na anu mahan na olinyo.

HOSEA 13:15 ပူးပေါင်းရင်းမြစ်များ

KAJADIAN 41:23

Lantas po'ule' mule' nimbua' popitu' na bua'nyo nu gandum anu toto kipa-kipak ka' makadampihi' kalana kinonamo nu mombun anu lengkat mae i padang bola.

KAJADIAN 41:52

Ia notatae mule', “Tumpu Allah nombee'imo to ana-anak hi belengku i tempo'nyo aku kinasusa'an”, lantas anak ko ohua'nyo sinanggohannyomo “i Efraim”.

KAJADIAN 41:6

Lapas aijo' nimbua' mule' popitu' na bua' nu gandum sangga'at, anu toto kipa-kipak ka' makadampihi' kalana kinonamo nu mombun anu lengkat mae i padang bola.

KAJADIAN 48:19

Panyo ginagakon nu tuumanyo, ia notatae, “Ku sumbu', na anakku, ku sumbu'. I Manasye timbali daka' na kuasanyo ka' lee'nyo timbali bansa anu manjoo'. Panyo utusnyo ise' na lebe daka' na kuasanyo molingkudui ia ka' lee' nu utusnyo ise' aijo' timbali to bansa-bansa anu manjoo'.”

KAJADIAN 49:22

I Yusuf sumomo keledai anu daagi' bata'nyo, keledai anu ma'ela' koko mata nu uee lewa' mopadeka' isohipi' nu bungkutnyo.

AYUB 18:16

Iwi-iwi' na bakatnyo nanggasmo ka' nakadampihi'mo; iwi-iwi' na panga'nyo toto ise-ise' nanggasmo ka' nakapimo.

MAZMUR 1:4

Panyo mule' miana nu ma'idek na kinyonyoanyo: ia sumomo ota' motimpuhamo nu puhi nu mombun.

MAZMUR 109:13

Bakas da iwi-iwi' na lee'nyo opateimo, ka' sanggonyo nu kolilimimo nu tulunan anu aiya mae i ahop.

YESAYA 14:21

Pongkolotan sampamo lia-lia' otampu'uni! Anak nu beleyum anu toto momo'ane silakamo kalana do'a nu mompolee' nu aha. Madi' kosamiannyo na anu aijo' hi aha timbali mompalentah idunia aiya kabai lewa' mombau kota'.”

YESAYA 17:13

Aha nolambanimo mae sumomo ahi' iaba' anu okabuhuk. Panyo Tumpu nompahatakutmo aha, lantas aha nopalaimo sampe najo'onmo. Aha iloloi'mo sumomo ahi' ota' i, ampinyo nu bungkutnyo anu ilahabakonmo nu tombusisi'.

YESAYA 27:8

Tumpu nohukumo mian anu palesayamo hi Ia aijo'mo nomboa aha pinojoong ilipu' nu mian anu isalipu'an. I laa'-Nyomo na aha nu mombun anu ma'idek lengkat mae isasu kabete'an.

YESAYA 41:16

Beleyum montapimo aha lantas aha nu lahabakonmo nu mombun ka' nu sagakonmo nu antong anu daka'. Beleyum lame'mo kalana Aku, Tumpu, ka' bilahimo kalana Aku, Tumpu nu Israel.

YEREMIA 20:5

Sampobali' nu aha Ku pojohokmo da mompahuhuakon ka' mongatomo oboa i Babel iwi-iwi' na kakaya'an anu ikota' aiya, ka' mule' ingko-ingkot na halata' nu aha, ka' mule' santo paka-pakakas pusaka' nu to tomu-tomundo' Yehuda.

YEREMIA 4:11

Tempo'nyo tokamo mae mian nu Yehuda tiba mian anu jojoong i Yerusalem mohumpak mo lele koonyo mombun anu mapanas lengkat mae ipadang tampat anu mateges hau-haunyomo tobung mamba hi aha. Mombun aijo' misa' mombun biasa anu ola molahabakon ota',

YEREMIA 4:12

panyo mombun anu makansang hondo anu toka mae atas palentah nu Tumpu da mombee'imo hukuman hi aha mian anu palesayamo hi Ia.

YEREMIA 51:1

Tumpu notatae, “Ku palentahmo na mombun anu mongidei anu tobung mamba i Babel ka' mamba hi mian anu jojoong ikiijo'.

YEREMIA 51:36

Mokonyo aijo' pinoto'imo nu Tumpu hi aha mian anu jojoong i Yerusalem, “Aku montinjohimo palakala nu beleyum ka' mombalosakonmo palabuatan nu sampobali' nu beleyum anu binaumo nu aha hi beleyum. Iwi-iwi' na mata nu uee tiba kaunyo iwi-iwi' anu daagi' i Babel Ku paha otimo.

YEHEZKIEL 17:10

Memang ia nahosonmo na tinumuu', panyo pa' moko ala ahi' na ia satu tumu'nyomo ka mompaka podensu'? Pa' madi' ahi' ia mangkaluale de nu puhimo mae nu mombun anu lengkat mae i sasu Kabete'an? Pa' madi' ahi' i manggas i tampat kinatumuu'annyo?”

YEHEZKIEL 19:12

Panyo ia ginautmo nu lima nu to mia-mian anu pinusamo, lapas aijo' ilumbu'akonmo i tano'. Mombun anu lengkat mae isasu Kabete'an, nomanggasimo bua'nyo anu ma'ima'. Panga'nyo nopato'mo ka' nanggasmo lantas pinapuanmo.

DANIEL 11:8

Tempo'nyo aitu ia minsusule'mo i Mesir, nu boamo na patong nu pilogot anu nu sampobali'nyo tiba to paka-pakakas mosoni', ka' salaka anu sinombahkonmo hi pilogot aijo'. To pia-piangkuka na taun na kopinnyo ia madi' mompahampateakon tomundo' nu lipu' sasu utara.

HOSEA 10:1

Israel sumomo kau' anggur anu mahampe na bua'nyo. Mompaka panjoo' na kakaya'annyo, mompaka panjoo'mule na mezbah anu nu bau nu aha. Mompaka sanangmo na kantumuu'an nu aha ka' mompaka pa'ima' mule' na aha mombau to pato-patong nu pilogot anu nu sombah nu aha.

HOSEA 2:3

De ia tataap masala', Ku ukatakonmo na baju'nyo da ia langgo' susumo ia salaje i hampeakon. Ku pojadije na ia susumo tano' anu kinuunmo, ka' nategesmo, ia natemo nu megot.

HOSEA 4:19

Kalana aijo' aha mingkotmo susumo anu nu puhakonmo nu mombun. Aha nohumpak alu kalana iwi-iwi' na koloban nu aha anu sinombahkonmo hi to pilo-pilogot.

HOSEA 9:11

Katalasanggoan nu Israel tontilapmo susumo tomonsi'; madi'mo daagi ko anu poboa ka' madi'mo daagi ko to ana-anak anu ohampeakon.

YUNUS 4:8

Salatan batu nu sinaa binete'mo, Tumpu nompalentahmo mae baleba' anu mapanas anu lengkat mae i kabete'an. I Yunus kiniboli' kinotusmo na kinyonyoanyo nu batu nu sinaa anu sumomo mompapui mae ubaknyo. Madi'mo kino halapan apa-apaa na ia ka' mongka'ima'imo da sahanyo silakamo. Ia notatae, “Lebe ma'ima' aku silakamo ka' de mule' aku daagi tumuu'!”

NAHUM 2:9

Agoimo na mosoni' iwi-iwi' tiba salaka! Halata' i kota' aiya talalo hondo manjoo'!

PO'ULE' INGULIT 33:17

I Yusuf daagi' ko sa'angu' na sapi' anu bau kahosonannyo, ka' tanduk nu sapi' lakinyo anu ma'ela' aijo'mo momada-madala na aha mian nu Manasye ka' pulu-pulu'annyo na madala na mian nu Efraim. Iwi-iwi' na bansa tinanduknyo ka' sinalakonnyomo tinoka-toka i puusnyo nu tano'.”