HOSEA 13:14 - KITAB NU TUMPU ALLA LELE MA'IMAI'

¹⁴ Bansa aiya madi'mo Ku posalamat i kakuasa'an nu dunia nu mian anu sinilakamo. O kasilaka'an loloakonmo na panyakit anu molele! Baumo na pakalaja'an nu beleyum anu lewa-lewa' mohansuni aijo'! Aku madi'mo daagi' mongkalibosi bansa aiya.

HOSEA 13:14 ပူးပေါင်းရင်းမြစ်များ

AYUB 33:24

Molibos hondo na malaikat aijo' kalana aitu ia notatae, ‘Polapasakonmo na ia, madi' timbali ia mintatau' i dunia nu mian anu silakamo. Aiya na doi bau pontokong, da ia po'ule' pe'e bebas.’

AYUB 41:22

Tundunnyo mahoson hondo, sahingga iwi-iwi' mabuhuk i ahopnyo.

MAZMUR 16:10

Kalana Belento madi' mompojohok aku da silakamo; mian anu nukalibosi nu Belento madi' nupojohok nu Belento da silakamo.

MAZMUR 30:3

O Tumpu-ngku, aku notataemo daka-daka' nomoita tulung hi Belento ka' Belento nompo alinmo mae aku.

MAZMUR 49:15

Susumo domba, aha tinantukanmo da silaka; kasilaka'an na timbalimo polaya' nu aha. Daagi' subu aha nu pokalamo nu mian anu hodi' nakinyonyoanyo; butong nu aha sampamo mahutak idunia nu mian anu sinilakamo, majo'onmo ikajojoongan nu mian anu kaya.

MAZMUR 49:16

Panyo Tumpu na mompobebasmo ahi' aku, Ia mompobebasmo aku da madi' nu kuasai nu kapatean.

MAZMUR 71:20

Belento nombee'imo mae aku manjoo' hondo na kasansala'an anu toto boa-boat, panyo Belento po'ule' mae mombee'i aku kahosonan ka' po'ule' mompotumuu' aku anu i lamunmo.

MAZMUR 86:13

Kalana Belento saja' mongkalibosi aku, ka' kalibosan nu Belento tahahumo hondo; Belento nohangkatmo nyawangku da boli jojoong kaiyong i uno nu kubun.

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

YESAYA 26:19

Mian anu palesayamo hi Belento sisinilakamo saidi' mae po ule'mo tumuu', bangke-bangke' nu aha po ule'mo tumuu'. Mian anu ilamunmo i uno nu tano' saidi' mae po ule'mo tumuu' ka' lame'mo na lewa' molo ais. Sumomo dondu'ok mompoloopmo tano', Belento mompotumuu'mo mian anu palesayamo hi Belento anu pini-pininmo na sinilaka.

YEREMIA 15:6

Belemiu madi'mo nontalima ka' mule' nompala'imo Aku, kalana aijo' Ku tangkakonmo na limang-Ku da mohansunimo belemiu, kalana na osamo na Aku nongintim tambuha'-Ku.

YEREMIA 20:16

Pojohok da mian anu momboa lele aijo' pokakanamo sumo kota-kota' anu ihansunanmo nu Tumpu madi'mo nonginau kalibosan. Pojohokmo da ia mohongo kihis nu mian kalana nalanitmo daagi' subu, tiba ais nu anu nahampatemo sonsu'un sinaa.

YEREMIA 31:35

Batu nu sinaa pinosadiamo nu Tumpu da monjingkai sinaa; bitu'on tiba to manda-mandala' da monjingkai pihi. Ambai kinula-Nyomo sahingga bokon jinadimo bokon daka', Tumpu Anu Mahakuasa aijo'mo na sanggo-Nyo.

YEHEZKIEL 37:9

Tumpu Allah notataemo mae hi belengku, “O manusia Anu Madi' tumuu' batu, potatemo hi mombun. Poto'i Aku Tumpu Anu Matangkas na Kuasanyo nompalentahmo ia da tokamo mae lengkat iyaya mae na tampat, da mompuhakonmo santuu' i uno nu butong haha aijo' anu daagi' mate sahingga aha po ule'mo tumuu'.”

HOSEA 6:2

I uno nu uansinaa kabai tolunsinaa aiya, Ia mompa'alinmo kita, ka' kita tumuu'mo i uno nu ponjaga'an-Nyo.

HOSEA 7:10

Katabuulan nu aha mian Israel nanasamo hondo na otoa ka' tinimbalimo bukuti' nu kasala'an nu aha. Maumo iwi-iwi' aijo' jinadimo panyo aha madi' ahi' molio Aku kabai minsusule' mae hi beleng-Ku Tumpu Allah nu aha.

MALEAKHI 3:6

“Akumo na Tumpu, ka' Aku madi' mongabali'. Kalana aijo' belemiu lee' mae i Yakub, madi' ahi' opatei.

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

ROMA 11:15

Kalana aha madi'mo tinalima nu Tumpu, sahingga pompahasumbu'an nu dunia tiba Tumpu mompo'ule'mo ma'ima'; apaa mule' de aha otalima nu Tumpu! Tantu aijo' pokakanamo sumo mian mate po'ule'mo tumuu'!

ROMA 11:29

Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.

2 KORINTUS 5:4

Kalana hau-haunyo kita jojoong i laigan anu i dunia aiya, kita motusa' kalana o'oa'into maboat hondo. Misa' kalana kita mongka'oho'mo da butongto anu i dunia aiya olapasakontomo, panyo kalana kita mongka'oho'mo mompokona butong anu lengkat mae i suluga' aijo', da butongto anu timbali silaka aiya nukuasai nu anu tumuu'.

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.

1 TESALONIKA 4:14

Kita palesaya i Yesus sinilakamo ka' nompo'ule'mo tinumuu'. Aijo' na sababnyo kita palesaya suele, saba' Tumpu mompo'ule'je mompotumuu' iwi-iwi' na mian anu pinalesayamo hi Yesus ka' anu sinilakamo, da aha tumuu'mo tiba Ia.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

ANU PINOTO'I HI YOHANES 20:13

Lantas ambai nombee'mo to mia-mian anu sinilakamo, anu kiijo' i unonyo. Kapatean ka' Dunia Kapatean suele nombee'mo to mia-mian anu sinilakamo anu daagi' kiijo' hi ia. Ka' mian haha aijo' anu sinilakamo iwi-iwi' pinokonanmo hukuman anu sinitimbangmo tiba anu binaumo nu aha.

ANU PINOTO'I HI YOHANES 21:4

Ia na monsapuimo iwi-iwi' na lolu' i mata nu aha. Madi'mo daagi' ko anu silaka; kasusa'an, mohaangi, kabai kasakitan suele madi'mo daagi'. Hahan anu pininmo madi'mo daagi'.”

ANU PINOTO'I HI YOHANES 6:8

Aku nontoa, lantas nondinmo sa'angu' na ajahan anu me'es. Anu nonsake'i sanggonyo Kapatean. Aitu mae i hikunyo, batu-batuk, ka' ohani hondo na Dunia Kapatean. Dunia aiya o bagi opat sambagian na obee' hi aha da nukuasai nu aha, da nupatei nu aha i uno nu pahampatean, kasusa'an i anu o kaan, panyakit anu molele, ka' nukaan nu to bina-binatang anu bahangihi'.

1 SAMUEL 15:29

Anu Talasanggo hondo Tumpu Allah nu aha Israel madi' baleko' ka' madi' mule' mombabali'i apa na anu tinaloakon-Nyomo, kalana Ia misa' manusia.”