HOSEA 13:10 - KITAB NU TUMPU ALLA LELE MA'IMAI'

¹⁰ Belemiu momoitamo tomundo' tiba anu bau polaya' nu belemiu, panyo iyamo na aha uuka iwi-iwi'? Pa' timbali na aha moko ala momposalamat belemiu mian da'isan?

HOSEA 13:10 ပူးပေါင်းရင်းမြစ်များ

1 TOMU-TOMUNDO' 12:20

Salatan songko-songko na mian da'isan nu Israel nohongomo taalu' i Yerobeam ninsusule'mo lengkat mae i Mesir, aha nolagamo ia da toka mae i pongobuan lantas i hangkatmo nu aha na ia binau tomundo' nu Israel. Ola mian da'isan tulunan mae nu bansa Yehuda na tataap montuluti lee' mae i Daud.

2 TOMU-TOMUNDO' 17:4

Panyo daagi' ko sa'angu' na tempo' i Hosea nonsaimo mian hi So tomundo' nu Mesir momoita da montulungi ia. Lantas i Hosea madi'mo nombayan hasin anu sataun toka sataun obayan hi tomundo' Asyur. Salatan i Salmaneser nonsumbu'mo kalakuan i Hosea aijo' ia nohakopmo i Hosea ka' pinosoopnyomo i uno nu talungku'.

MAZMUR 10:16

Tumpu mompalentah sampe toka sidu-sidutu' to bansa-bansa anu madi' monsumbu' Ia, saidi' mae madi'mo daagi' ko anu aijo' itano'-Nyo.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 44:4

Tano' aijo' madi' pino ago nu aha nonggunakon bajak misa' ola posi kahosonan nu butong nu aha sahingga aha inguntungmo na nahampate, panyo kalana kakuasa'an tiba jingka salaku tanda daagi' ko Belento hi aha kalana Belento na sanang ahi' hi mian anu palesayamo hi Belento.

MAZMUR 74:12

Salatanmo pe'e momonanyo Belentomo na tomundo'ku, o, Tumpu, Belentomo na nomposalamat mae kami.

MAZMUR 89:18

Belento nompo'untungmo hondo kami mahampate, kalana samata-mata kanonongan nu Belento sahingga kami inguntungmo na nahampate.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

YESAYA 43:15

Akumo na Tumpu nu beleyum anu susi', Tomundo' nu beleyum anu nompotimbalimo beleyum o, Israel!”

YEREMIA 2:28

Iyamo mae na pilogot nu belemiu anu bibinaumo nu belemiu? De ko kasusa'an, pokau na aha da momposalamat belemiu de memang ahi' aha moko ala! O Yehuda, pilogot nu belemiu sumomo ahi' konjoo'nyo nu kota' nu belemiu!

YEREMIA 8:19

Hongo ahi' isongko-songko nalipu' kinolongnyomo kihis tiba haang nu bansangku mompokilawa, “Pa' madi'mo daagi' ko Tumpu kiita' i Sion? Iyamo mae na tomundo'nyo uuka aiya?” Tinaamanmo nu Tumpu, tomundo' nu aha, “Kadaka' belemiu tinolodadupumo monsombah to pilo-pilogot anu madi' hondo-hondo ko gunanyo? Kadaka' sinakitanmo nu belemiu na kinyonyoang-Ku nononsombahmo to pilo-pilogot?”

MOHAANGI 4:20

Aha nohakopmo tomundo anu pinile'anmo nu Tumpu, mian anu obuulakon mami salaku anu mombee'i kantumuu'an, ka' monjagai de ko sampobali'.

HOSEA 10:3

Madi'mo daagi pin aha motataemo, “Kita madi'mo ko tomundo'nyo kalana kita madi'mo nabuhuk hi Tumpu. Apaa na gunanyo samian na tomundo' hi kita?”

HOSEA 13:4

Tumpu notatae, “Akumo na Tumpu nu belemiu anu nomboamo mae belemiu nosabat lengkat i Mesir. Belemiu madi' ko Tumpu ola ahi' samata-mata Aku. Samata-mata Aku na anu nomposalamat belemiu.

HOSEA 3:4

Sumo aijo'mo na bau-baunyo na aha bansa Israel; pini ahi' hondo na aha tumuu' madi' ko tomundonyo kabai polaya', madi' ko koloban kabai tugu anu pinotinjo i tempat ponsomban, madi'mo ko to pilo-pilogot, kabai to aji-ajimat anu mompoto'i lahasia anu jadi aiya mae i ahop.

HOSEA 7:7

I uno nu napisu nu pusa nu aha, aha nompateimo to pola-polaya' nu aha. Iwi-iwi' na tomundo' nu aha pinateanmo toto samian. Panyo maumo sumo aijo' na ka ada'an nu aha madi'mo tinalakana' madi' ahi' ko samian pe'e na balado'a mae hi beleng-Ku momoita tulung.”

HOSEA 8:4

Mian-Ku anu palesayamo mompile'i tomundo' madi' nu pokilawa pe'e mae nu aha hi beleng-Ku pa' Ku situjui. Aha mohangkat bau polaya' madi' pinaisale' pe'e mae hi beleng-Ku. Aha mongala mosoni' tiba salaka nu aha lantas nu baumo nu aha patong nu pilogot anu nonsaduakonmo aha ihansun.

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

1 SAMUEL 8:7

ka' Tumpu notataemo, “Popo ii'mo na poitaon iwi-iwi' nu aha bansa aijo' hi beleyum. Kalana misa' beleyum na madi'mo nu ala nu aha, panyo Aku ahi'. Aha madi'mo daagi mongala Aku bau tomundo' nu aha.