HOSEA 12:8 - KITAB NU TUMPU ALLA LELE MA'IMAI'

⁸ Tumpu notatae hi aha bansa Israel, “Belemiu tageo' na kinyonyoa sumomo mian nu Kana'an; to pada-padagang nu belemiu saja' mongakali mian anu lewa mongoli hi belemiu balang, mompake timbangan anu madi' totu'u.

HOSEA 12:8 ပူးပေါင်းရင်းမြစ်များ

MAZMUR 49:6

Aku madi' mabuhuk de nu tokaimo mae nu kasusa'an, kabai de aku nu tumbuhimo mae nu sampobali' anu ma'idek.

MAZMUR 52:7

Panyo beleyum nu silakaimo nu Tumpu sampe toka sidu-sidutu'; beleyum ohakopmo ka' ohela'mo lengkat atina' mae ilaigan nu beleyum, ka' o'alinimo da madi'mo jojoong idunia nu mian anu tumuu'.

MAZMUR 62:10

Manusia ola susumo monguusakon napas, tu'anyomo kabai daagi' anak bubuu' madi' ko angga'nyo. De otimbang, aha laing hondo, nulingkudui na kolaingnyo nu napas anu ouusakon.

AMSAL 11:1

Tumpu mongka'ideki mian anu mompake timbangan anu mongakali; panyo Ia sanang hi mian anu mompake timbangan anu totu'u.

AMSAL 30:12

Daagi' ko mian anu mongoa'i butongnyo susi' padahan ia mahumimi' hondo.

AMSAL 30:20

Sumo uuka na bau-baunyo nu samian na boune anu madi' tulu-tulutan hi langkai'nyo; moko lapas na masala', ia nongkaanmo lantas mongambu'i mo nganga'nyo, lantas motatae mo, “Aku madi' nombau apa-apaa!”

YEREMIA 2:23

Baani hondo na beleyum motatae tukooyum, beleyum madi'ko palabuatan ma'idek, ka' tukooyum Baal madi' toho' tinulutan nu beleyum! Soba toa na palabuatan nu beleyum akaong ibangka'nyo tutugi na palabuatan nu beleyum ma'i-ma'idek ka' akuimo! Beleyum sumomo ahi' unta behenyo anu mongkahanda'imo ohasi' nu lakinyo maha popadeka'anmo mokiijo' ka' mo uuka mae madi'mo opoko ala otahani,

YEREMIA 2:35

belemiu notatae koonyo nu belemiu, belemiu madi' kosala'nyo, koonyo nu belemiu Aku madi'mo daagi' montambuha'i belemiu. Panyo Aku, Tumpu mohukumo belemiu kalana belemiu madi'mo mongakui taalu' belemiu sinala'mo.

YEREMIA 5:27

Susumo mian anu saja' mohakop tomonsi' nongisimo kalatannyo nu tomonsi' sumo aijo'mo na aha nongisi laigan nu aha nu bala-balang anu ihumpak kalana lewa' mongakali. Sumo aijo' na aha sahingga binalakuasamo ka' kinayamo.

YEHEZKIEL 28:5

Memang beleyum pande na badagang ka' uuka aiya kinayamo hondo, ka' kakaya'an nu beleyum atina' nonsaduakonmo beleyum da kinobubuunmo!’ ”

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

HOSEA 4:8

Belemiu kinayamo kalana dosa' nu mian-Ku, anu palesayamo, kalana aijo' belemiu mongka'ima'i da aha saja' baladosa'.

AMOS 8:5

Belemiu notatae i posi butong nu belemiu, “Ibe na kinopinnyo na sinaa mombau lamean. Ku kahanda'i da lia-lia' opobaluk na gandumto, panyo lamean aijo' madi' sampa lapas. Hipian na sinaa nu Sabat lapasmo, da kita kahanda' mobaluk mule'? Kita mongka'ima'i mobaluk mompake jalan anu madi' ma'ima', ka' mongakali nu takalan ka' mongakali nu timbangan.

HABAKUK 1:16

Lapas aijo' buani aijo' nu sombahmo nu aha ka' mule' nu sombahkonmo nu aha na koloban saba' kalana buani aijo' sahingga aha nohumpakmo lejeki manjoo' hondo ka' binilahimo na kantumuu'an nu aha.

ZAKHARIA 11:5

Anu mongoli domba aijo' nompateimo domba haha aijo', pada han madi' kinohukumannyo. Aha anu nompobaluk antoknyo nu domba haha aijo' notatae, ‘Opuji' na Tumpu! Uuka aiya kita nompaka kayamo!’ Topo laya' potuu'on haha aijo' madi' kinokalibosan hi domba haha aijo' anu nu jagai nu aha.

MALEAKHI 2:17

Belemiu nongosaimo Tumpu nu potatae nu belemiu. Panyo pinokilawamo nu belemiu, “Te mosia na kami nongosaimo Tumpu?” Ka' notataemo, “Iwi-iwi' na mian anu nombaumo palabuatan anu ma'idek nu anggap nu Tumpu ma'ima', ka' mule' Ia situju hi aha.” Kabai nompokilawa mule' ahi', “Iya na Tumpu anu o'a-o'anggap adin aijo'?”

MALEAKHI 3:13

Tumpu notatae, “Potatae nu belemiu totu-totu'u nongalumo Aku.” “Panyo pinokilawamo mae nu belemiu, ‘Apaa na anu sinisikmo mami lewa' nongalu belento?’

LUKAS 10:29

Panyo gulu' agama aijo' mompai pototu'u butongnyo. Ia nompokilawa, “Ihe na sangko mianku?”

LUKAS 12:19

Lapas aijo' kutaloakonje i posi butongku, ‘Beleyum mohumpakmo dale'! Iwi-iwi' anu ma'ima' daagi'mo hi beleyum ka' madi' ko kamingkotannyo sataun toka sataun. Pingkainmo tempo' uuka! Lewa'mo pongkaan ka' ponginum ka' o'oa'i na kasanangan nu kantumuu'an!’

LUKAS 16:13

Madi' ko samian moko ala mombau kalaja hi aha ohua' na tuan; kalana ia lebemo mongkalibosi samian lantas sangga'at madi'mo. Sumo aijo'mo mule' na komiu. Komiu madi' moko ala mombau kalaja nu Tumpu Allah ka' mule' halata' nu dunia aiya.”

LUKAS 16:15

Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

PO'ULE' INGULIT 8:17

Jadi boli hondo-hondo bapikin kalana usaha ka' kahosonan nu belemiu sahingga kinayamo na belemiu.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.

ANU PINOTO'I HI YOHANES 3:17

Belemiu notatae, ‘Kami kaya ka' sukup; kami madi' kakulangan apa-apaa.’ Panyo madi' osumbu' miu, palias na ko kasiasinyo ka' ko susa'nyo na ka'ada'an miu! Belemiu kasiasi, to langgo-langgo' ka' mapisok.