HOSEA 12:7 - KITAB NU TUMPU ALLA LELE MA'IMAI'

⁷ Kalana aijo' belemiu lee'i Yakub palesaya ahi' na Tumpu nu belemiu ka' po ule' mamba mae hi Ia. Tumuu'saja' mongkalibosi ka' madi' tageo' na kinyonyoa, ka' saba-sabaan ahi'na montanda'i da Tumpu je ahi' na montantukan apa-apaa.

HOSEA 12:7 ပူးပေါင်းရင်းမြစ်များ

KAJADIAN 49:18

O Tumpu, kasalamatan anu obee' nu Belento aijo'mo na anu kupo-kupopea'.

AMSAL 11:1

Tumpu mongka'ideki mian anu mompake timbangan anu mongakali; panyo Ia sanang hi mian anu mompake timbangan anu totu'u.

AMSAL 16:11

Tumpu mongkahanda'i mian anu madi' tageo' na kinyonyoanyo ihan badagang; ka' mule' monggunakon timbangan ka' ihan monsukat.

YESAYA 3:5

Aha to mia-mian mompaha bebee'mo kasusa'an. To oli-olitau madi'mo mompajuli aha to tu'a-tu'anyo ka' mian anu kasiasi madi'mo mompajuli mian anu kaya.

YESAYA 56:1

Tumpu notatae hi mian anu palesayamo hi Ia, “Baumo apaa na anu adin ka' anu situju hi atulan-Ku. Kalana madi'mo daagi' pin Aku tokamo mae momposalamat belemiu ka' ka'adinan-Ku oponyata'mo.

YEHEZKIEL 16:3

Tumpu Anu Matangkas na Kuasanyo nonsaimo mae aku da mompotokakon potuunon aiya hi aha Yerusalem, “O, Yerusalem, beleyum i hampe i tano' Kana'an. Tuuma nu beleyum mian nu Amori ka' tina nu beleyum mian nu Het.

YEHEZKIEL 22:29

To mia-mian kaya lewa' mongakali ka' mompahuhuakon halata' nu mian. Aha sola' monsuka-sukai na mompalentah mian kasiasi ka' sola mongala ka untungan hi mian nu aha salipu'an.

YEHEZKIEL 28:5

Memang beleyum pande na badagang ka' uuka aiya kinayamo hondo, ka' kakaya'an nu beleyum atina' nonsaduakonmo beleyum da kinobubuunmo!’ ”

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

YOËL 2:12

Tumpu notatae, “Panyo uuka aiya pinsusule'mo mae hi beleng-Ku ka' totu-totu'unyomo ahi' na kinyonyoa, ka' bapuasa'mo, tumando' ka' humangmo.

AMOS 2:7

Aha mongkabisa'i mian anu madi'mo moko ala mombau apa-apaa ka' mola'mo mian anu kasiasi. Tuuma ka' anak mongkamale'imo posaihon boune; bounemo ai-aijo', sahingga mongideimo sanggong-Ku anu Susi'.

AMOS 3:9

Bebaakonmo na aiya hi to mia-mian anu jojoong i Mesir ka' Asdod i laigan nu tomundo, “Posa'angu'mo i to bungku-bungkutnyo anu atina' i Samaria ka' potoakon na kahengge'an anu talalomo hondo, lewa'mo nompakisa anu nu mian ikiijo' mae.”

AMOS 4:1

Potombihing mae to bou-boune nu Samaria anu nompaka polompo'mo susumo to sapi-sapi' anu molompo' kiijo' i Basan! Belemiu mongkabisa'i mian anu madi'moko ala, lewa' mompakisa mongala anu nu mian kakiasi, ka' mompa kisa mo'ane nu belemiu da saja' momposadiakon inumon anu moko palangu hi belemiu!

AMOS 5:11

Belemiu mongkabisa'i mian anu kasiasi ka' gandumnyo ingagoan nu belemiu. Kalana aijo' belemiu madi'mo daagi' jojoong i laigan nu belemiu anu toto ima-ima' atina' anu binaumo nu belemiu aijo. Belemiu madi'mo monginum anggur lengkat i ale' nu anggur anu sinu'ananmo nu belemiu.

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.

MIKHA 7:2

Mian anu madi' tageo' na kinyonyoanyo imadi'mo ko anu jinojoong ilipu', mian anu tulu-tulutan hi Tumpu madi'mo daagi' kinabot. Batu-batu mian montanda'imo kasampatan kahanda'mo mompatei. Toto samian nompokonamo so'o da bau pohakop sangko mian.

ZAKHARIA 14:21

Iwi-iwi' na kuhon anu daagi'i Yerusalem ka' mule' i songko-songko na Yehuda obee'mo samata-mata hi Tumpu, Tumpumo Anu Daka' na Kuasanyo na tumpunyo. Mian anu jojoong i Yerusalem de monsombahkonmo koloban na mompake da bau pongunjangan antok nu binatang anu opalasombahkon. De tokamo na tempo'nyo saidi' mae madi'mo daagi' ko padagang anu mobalu-baluk i Laigan nu Tumpu Anu Daka' na Kuasanyo.

ZAKHARIA 5:8

Malaekat aijo' notatae, “Boune aiya mongibalatakon palabuatan anu ma'idek.” Lantas boune aijo' inyonyohakonnyomo da po ule'mo minsoop mokaiyong i uno nu kalajang ka' po ule'mo kinolobannyo na kalajang aijo'.

ZAKHARIA 7:9

“Pa' sangkuka na taun anu ihikuhakonmo binee'-Kumo na palentah haha aiya hi mian anu palesayamo hi belengku, ‘Belemiu tionyo ahi' saja' adin, ka' mongkalibosi mian, ka' mule' manonong hi sangko manusia.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

YOHANES 2:16

Lantas Ia notatae hi anu mobaluk tomonsi' malapati', “Hangkat na aiya iwi-iwi'. Boli opotimbali na Laigan nu Tuumang-Ku tampat badagangan!”

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.

1 SAMUEL 12:3

Uuka aiya aku tuminjo i ahop nu belemiu! De aku nombaumo kasala'an, pisala'i na aku i ahop nu Tumpu ka' i ahop nu to tomu-tomundo' anu pinile'an-Nyomo. Pa' toho'mo aku nongala sapi' kabai keledai nu aha mian sangga'at? Pa' toho'mo aku nongakali kabai nonsakisa kabai nongala doi anu pinontamboi da mombau anu ma'idek. Poto'i mae da mau pa' apaa na anu ingalangkumo po ule' ku sule'akon.”