HOSEA 12:4 - KITAB NU TUMPU ALLA LELE MA'IMAI'

⁴ Daagi' pe'e i uno nu ma'alum i Yakub mompolee' nu aha nongagoimo i Esau utusnyo anu hapi-hapi'nyo aijo'; ka' salatan dinaka'mo i Yakub nahaluku'mo tiba Tumpu.

HOSEA 12:4 ပူးပေါင်းရင်းမြစ်များ

KAJADIAN 25:26

Salatan anak ko ohua'nyo pinohampemo, limanyo kanyi-kanyinyit i pantigan hi Esau. Kalana aijo' ia sinanggohanmo i Yakub. I Ishak umunnyo anompulu'mo na taun tempo'nyo aha i hampe'.

KAJADIAN 32:24

Panyo ia sausa'nyo daagi' jinojoong. Lantas tinokamo na samian na mo'ane nahaluku' tiba i Yakub sampe dodododopnyo subu-subu.

KAJADIAN 32:25

Salatan ingo'anmo nu mian aijo' taalu' ia madi' untung i pahaluku'an aijo', jinagunnyomo na i Yakub i lampeokannyo aijo' sahingga tinonggoisi'mo na ia.

KAJADIAN 32:26

Lantas mian aijo' notataemo, “Lapasakonmo mae na aku, madi'mo pin sinaa bete'mo.” Tinaaman i Yakub, “Madi' ku lapasakon na kita Tuan, beilako' kita Tuan mombalakati mae aku.”

KAJADIAN 32:29

I Yakub notatae, “Poto'i mae na sanggo nu Belento Tuan.” Panyo mian aijo' nontaami, “Madi' palalu nu pokilawa ihe na sanggongku!” Lantas binalakatan-Nyomo na i Yakub.

KAJADIAN 35:15

Tampat aijo' sinanggohannyomo “Betel”.

KAJADIAN 48:15

Lapas binalakatannyomo na i Yusuf, ia notatae, “Tumpu Allah, Iamo na Tumpu, anu nu sombah i Abraham ka' i Ishak. Iamo na nolaya' aku sampe tempo' uuka aiya;

MAZMUR 66:6

Ambai ingabali'-Nyo tinimbali tano' anu kinantisanmo, mompolee' mami notaapmo nokiijo' i santoanyo i lumajang tengke. Sahingga kami i lame'mo kalana palabuatan-Nyo.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

1 TESALONIKA 4:17

Lapas aijo' kita anu daagi' tumuu' tempo'nyo aitu, hingga-hinggat o hangkat tiba aha i uno nu kundom da mompahakabot tiba Tumpu i langa. Lantas kita jojoongmo hingga-hinggat tiba Tumpu sampe toka sidu-sidutu'.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.