HOSEA 12:2 - KITAB NU TUMPU ALLA LELE MA'IMAI'

² Iwi-iwi' apaa na anu binaumo nu bansa Israel lengkat pe'e daagi' subu sampe malom madi' ko gunanyo ka' saja' ko kinyonyoa mompatei susumo mombun nu kabete'an. Katageo'an tiba kabuhingisan ko sida-sidanyomo aijo' hi aha. Aha sola'mo mombau palajanjian tiba Asyur ka' momboa lanya' i Mesir salaku tanda mompahabela'mo.”

HOSEA 12:2 ပူးပေါင်းရင်းမြစ်များ

2 TOMU-TOMUNDO' 17:4

Panyo daagi' ko sa'angu' na tempo' i Hosea nonsaimo mian hi So tomundo' nu Mesir momoita da montulungi ia. Lantas i Hosea madi'mo nombayan hasin anu sataun toka sataun obayan hi tomundo' Asyur. Salatan i Salmaneser nonsumbu'mo kalakuan i Hosea aijo' ia nohakopmo i Hosea ka' pinosoopnyomo i uno nu talungku'.

MAZMUR 78:36

Panyo aha ola nombaleko'i Ia, anu, nutaeakon nu aha madi' ko anu totu'u.

ANU MOMPOLELE POTATAE NU TUMPU 5:15

Aijo' totu-totu'u moko susa' hondo kinyonyoanto. Kita mamba sumomo tempo'nyo kita uuka aiya tinoka mae. Kita ola ahi' malawe na mololoi' mombun ka' apaa na hasinnyo?

YESAYA 10:12

Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 24:21

Tempo'nyo aijo' Tumpu mohukumo to mia-mian anu balakuasa aita' ilanga tiba to tomu-tomundo' idunia aiya.

YESAYA 3:11

Panyo silakamo na mian anu ma'idek na kinyonyoanyo! Aha osakisamo susumo aha nonsakisamo mian sangga'at.

YESAYA 30:6

Sumo uuka na potuunon nu Tumpu kona hi aha binatang-binatang anu jojoong i tano' sasu salatan, “Tomia-mian anu sinai aijo' nompaha posake'imo keledai tiba unta nu aha anu opalasenakon, lantas nololonga'mo daerah anu manjoo' hondo na anu okabuhuk kalana kajojoongan nu singa, ulo anu kobisa'nyo ka' mule' ulo anu kopolipiknyo. Palasen haha aijo' nu palasombahkon nu aha hi sa'angu' na bansa anu madi' moko ala montulungi aha.

YESAYA 59:18

Ia mombalosimo aha to sampo-sampo bali'-Nyo sitimbang tiba palabuatan nu aha. Ka' mule' to bansa-bansa i togong anu toto jo'o-jo'on madi' ahi' bebas ihukuman-Nyo.

YEREMIA 25:31

Toka-toka ipuus nu tano' na loung nu potatae-Nyo; Tumpu nahampalakalamo tiba to bansa-bansa. Iwi-iwi' na mian oputusimo na palakalanyo ka' anu ma'idek na palabuatannyo obee'imo hukuman mate.’ ”

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

HOSEA 4:9

Sahingga belemiu saja'mo sansala pokakanamo mian da'isan! Ku hukumo na belemiu sitimbang tiba palabuatan nu belemiu.

HOSEA 7:1

Tumpu notatae, “De Aku kahanda'mo mompa alin mian-Ku Israel anu palesayamo ka' po ule'mo mompokopiani kalakuan nu aha, panyo anu Ku toa ola ka'idekan tiba dosa' nu aha. Aha mompaha bale-baleko'i, aha mompinsoopi laigan nu mian ka' mombulingi, ka'aha mongagoi anu nu mian i jalan-jalan.

HOSEA 7:11

Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!

HOSEA 7:2

Madi' toho' tonginau' i uno nu pikilan nu aha saba' Aku na saja' ahi' monginau' iwi-iwi' na palabuatan anu ma'idek haha aijo'. Panyo iwi-iwi' na dosa' nu aha nongkukubimo aha sahingga nanasamo hondo na Aku nontoa aha.”

HOSEA 8:10

Maumo sumo aijo' Ku posihukje na aha ka' obee'i hukuman. Madi'mo daagi pin aha monguntukakonmo sakit de aha nu palentahmo i tomundo' Asyur.

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

HOSEA 8:9

Susumo keledai anu ma'ela' baahan hondo sumo aijo'mo na to mia-mian nu Israel ola mosi ala pongka'oho'nyo. Aha molio bantuan hi aha Asyur ka' binayanmo nu aha hi to bansa-bansa sangga'at da mobela'mo tiba aha.

HOSEA 9:15

Tumpu notatae, “Iwi-iwi' na palabuatan anu ma'idek nu aha aijo' lengkat pe'e mae i Gilgal. Kiijo' pe'e mae na Aku nontampu'unimo nongka'ideki aha. Kalana palabuatan nu aha anu ma'i-ma'idek aijo', Kulaa'mo na aha da bolimo jojoong ilipu'-Ku aiya. Madi'mo daagi Ku kalibosi na aha, iwi-iwi' na polaya' nu aha madi'mo nontuluti Aku.

HOSEA 9:9

Talalo hondo ma'idek na palabuatan nu belemiu sumo anu toho'mo binau nu aha mian Gibea, Tumpu monginau'mo kasala'an nu belemiu ka' mohukumo belemiu kalana dosa' nu belemiu.

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

MIKHA 6:2

O, to bungku-bungkutnyo, o, to lana-lananyo nu dunia, hongo na Tumpu mongkalakmo! Ia ko palakala hi aha Israel mian-Nyo anu palesayamo ka' montuntutmo aha.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

ROMA 2:6

Kalana Tumpu mombalosakonmo hi toto samian pokakana tiba apaa na anu binaunyomo.

GALATIA 6:7

Boli tagoda ihan anu madi' ma'ima'. Tumpu madi' timbali opahaikakon! Apaa na anu sinu'anmo, aijo'mo na anu o ala na bua'nyo.