HOSEA 12:12 - KITAB NU TUMPU ALLA LELE MA'IMAI'

¹² maumo sumo aijo' panyo daagi' ahi' ko anu monsombah pilogot kiijo' i Gilead, ka' monsombahkon sapi' i mezbah kiijo' i Gilgal. Panyo aha anu monsombah pilogot aijo' matemo ka' mezbah haha kiijo' i Gilgal timbalimo tambulan nu batu isongko-songko na ale'.”

HOSEA 12:12 ပူးပေါင်းရင်းမြစ်များ

KAJADIAN 27:43

Jadi, bau apaa na anu ku poto'i aiya. Lambamo lia-lia' hi utusku tu'a i Laban anu kiijo' mae i Haran,

KAJADIAN 30:26

Mambamo na aku ka' ku boamo na bengkele'ku ua-ua'aha tiba to ana-anakku. Aha i humpaku kalana nokalajamo hi belento Babo'. Belento Babo' nonsumbu'mo, aku nokalajamo totu-totu'u.”

KAJADIAN 31:41

Sumo aijo' na bau-baunyo aku tempo'nyo nokalaja hi belento babo', sinampe uwampulu' na taun na kopinnyo. Sampulu' ka' opat na taun na kinopinnyo aku nokalajamo da mongosoai anak nu kita Babo' ua-ua'aha aijo' – ka' daagi' inganom na taun da mohumpak pahasan nu mee' ka' domba aijo'. Ka' tempo'nyo aitu mule' kita Babo' nombabali'imo tambongku sampe pinimpitun.

HOSEA 4:15

O belemiu mian nu Israel, belemiu madi' tulu-tulutan hi beleng-Ku! Panyo, Ku taha'imani Yehuda madi' mombau kasala'an anu sumo aijo! Bolimo mogaleja i Gilgal kabai i Betel. Boli basumpa' ikiijo' mae tiba sanggo nu Tumpu anu tumuu'.

HOSEA 6:8

Gileat, aijo'mo na kota' anu miannyo to ide-idek na kalakuannyo ka' anu saja' mompatei.

PO'ULE' INGULIT 26:5

Lapas aijo' i ahop nu Tumpu Allah nu belemiu, belemiu tionyo ahi' montaloakon sumo uuka: ‘O Tumpu, mompolee'ku mian nu Aram anu namba noyaya. Ia nomboamo auwannyo i Mesir da jojoongmo kiijo' mae salaku mian anu mompalaihakon butong. Tempo'nyo aha nokiijo' konjoo'nyo nu aha ola sangkiding, panyo aha tinimbalimo bansa anu daka' ka' mahoson.