HOSEA 12:11 - KITAB NU TUMPU ALLA LELE MA'IMAI'

¹¹ Aku notataemo hi to nabi-nabi, ka' nompotoamo manjoo' hondo na anu tinoa hi aha. Aku nompakemo aha da mompoto'i iwi-iwi' na tanga'an-Ku kona hi belemiu mian-Ku anu palesayamo,

HOSEA 12:11 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

2 TOMU-TOMUNDO' 17:13

Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

YEREMIA 10:15

Pilogot haha aijo' madi'mo ko halaga'nyo, pantasmo ahi' na oletakon ka' lewa' o, alu. De tokamo mae na tempo'nyo aha opateimo.

YEREMIA 10:8

Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YEREMIA 2:20

Tumpu notatae, “Pininmo na beleyum madi'mo nongka'oho' nohongo-hongo Aku; madi'mo mongka'oho' mo tuluti kabai monsombah Aku. Aita' mae itoto sa'angu' na puge'nyo anu matunjo, ka' akaong i patuunyo nu toto sangkau na kau' anu tambok na honnyo beleyum monsombahmo to pilo-pilogot anu mombee'i kalumba'an.

YEREMIA 2:28

Iyamo mae na pilogot nu belemiu anu bibinaumo nu belemiu? De ko kasusa'an, pokau na aha da momposalamat belemiu de memang ahi' aha moko ala! O Yehuda, pilogot nu belemiu sumomo ahi' konjoo'nyo nu kota' nu belemiu!

YEHEZKIEL 17:2

“O, manusia anu madi' tumuu' batu, sisikakon hi to mia-mian Israel na kantuangan aiya,

HOSEA 10:1

Israel sumomo kau' anggur anu mahampe na bua'nyo. Mompaka panjoo' na kakaya'annyo, mompaka panjoo'mule na mezbah anu nu bau nu aha. Mompaka sanangmo na kantumuu'an nu aha ka' mompaka pa'ima' mule' na aha mombau to pato-patong nu pilogot anu nu sombah nu aha.

HOSEA 10:2

To mia-mian anu kinyonyoanyo tageo' aijo' uuka aiya montanggung ahi' dosa'nyo. Tumpu Allah mohansunimo mezbah nu aha ka' montua' akonmo patong nu pilogot nu aha.

HOSEA 4:15

O belemiu mian nu Israel, belemiu madi' tulu-tulutan hi beleng-Ku! Panyo, Ku taha'imani Yehuda madi' mombau kasala'an anu sumo aijo! Bolimo mogaleja i Gilgal kabai i Betel. Boli basumpa' ikiijo' mae tiba sanggo nu Tumpu anu tumuu'.

HOSEA 6:8

Gileat, aijo'mo na kota' anu miannyo to ide-idek na kalakuannyo ka' anu saja' mompatei.

HOSEA 8:11

Lebe manjoo' na mezbah anu nu bau nu mian Israel da pongalini dosa' panyo mompaka panjoo' mule' ahi' na tampat nu aha pombauan dosa'!

HOSEA 9:15

Tumpu notatae, “Iwi-iwi' na palabuatan anu ma'idek nu aha aijo' lengkat pe'e mae i Gilgal. Kiijo' pe'e mae na Aku nontampu'unimo nongka'ideki aha. Kalana palabuatan nu aha anu ma'i-ma'idek aijo', Kulaa'mo na aha da bolimo jojoong ilipu'-Ku aiya. Madi'mo daagi Ku kalibosi na aha, iwi-iwi' na polaya' nu aha madi'mo nontuluti Aku.

AMOS 4:4

Tumpu Anu Matangkas na Kuasanyo na notatae! “O mian nu Israel! Lako'mo i tampat pogalejaan i Betel, ka' pombau mae dosa' ikiijo'! Lako'mo mokiijo' i Gilgal, ka' pombaumo dosa' yayamo na kasanangan nu kinyonyoa nubelemiu! Lako'mo monsombahkon koloban de subu-subumo ka' momboa mae anu obagi sampulu', sambahagian na o'ala anu ohumpak toto tolun sinaa!

AMOS 5:5

Boli mamba mokiijo' i Bersyeba da mogaleja. Boli molio Aku kiijo' i Betel, kalana Betel saidi madi'mo. Boli suele mamba mokiijo' i Gilgal, kalana anu jojoong i kota' aijo' oboamo i tampat pompojoongan.”

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.