HOSEA 11:9 - KITAB NU TUMPU ALLA LELE MA'IMAI'

⁹ Maumo ahi' Aku motambuha' panyo beleyum madi' Ku hukum, beleyum madi'mo daagi Ku hansuni. Saba' Aku Tumpu Allah misa' manusia. Aku Anu Susi' saja' monsangalui beleyum ka' madi'mo daagi montambuha'i beleyum.”

HOSEA 11:9 ပူးပေါင်းရင်းမြစ်များ

2 SAMUEL 20:10

Madi' tinoa i Amasa na bajak aijo' i kewe' i Yoab. Monti-montiik jinalo'mo i Yoab na kompong i Amasa nu bajaknyo, sahingga isi nu kompongnyo nobubusmo i tano'. Ia balomo i nate tempo'nyo aijo' sahingga i Yoab madi'mo po ule' nonjalo'. Lantas i Yoab tiba i Abisai utusnyo ise' sabole-bolemo nololoi' i Seba.

MAZMUR 46:5

Daagi' ko kaunyo anu mo ili mae mompolame'mo kota' nu Tumpu, tampat kajojoong nu Tumpu Anu Matangkas na Kuasa-Nyo.

MAZMUR 78:38

Panyo Tumpu mongkalibosi ka' mongampuni mian anu palesayamo hi Ia, ka' madi'mo nompatei aha. Saja'mo ia nongintim tambuha'-Nyo, ka' madi' ahi' mompotudun pusanyo.

MAZMUR 85:4

Aha madi'mo tinambuha'an nu Belento; tambuha' nu Belento anu taha-tahahumo po'ule'mo ingampunan nu Belento.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YESAYA 41:16

Beleyum montapimo aha lantas aha nu lahabakonmo nu mombun ka' nu sagakonmo nu antong anu daka'. Beleyum lame'mo kalana Aku, Tumpu, ka' bilahimo kalana Aku, Tumpu nu Israel.

YESAYA 48:9

Aku nongintimo tambuha'-Ku da sanggong-Ku talasanggo iyaya mae, Aku nongintimo tambuha' aijo' hi beleyum da beleyum boli osilakai.

YESAYA 5:24

Belemiu madi'mo montalima pangajalan nu Tumpu Anu Daka' na Kuasanyo ka' mongalumo palentah nu Tumpu anu susi' nu aha Israel. Kalana aijo' susumo hat tiba hemput anu manggasmo mo'angot na nu kaan nu apu, sampe toka kaiyong ibaka-bakatnyo na belemiu mahutakmo ka' mule' bunga-bunga nu belemiu suele manggasmo ka' nu puhakonmo nu mombun ingko-ingkot.

YEREMIA 26:3

Ihe na monsumbu' bansa aijo' mongka'oho' ahi' mompotombihing, lantas madi'mo mombau anu ma'idek sahingga Ku intimo na niat-Ku monsilakai aha sitimbang tiba palabuatan nu aha ma'i-ma'idek aijo'.”

YEREMIA 30:11

Aku tokamo mae ka' belemiu Ku posalamatmo. Bansa-bansa, tampat pinongga'a-ga'atakonan-Ku belemiu iwi-iwi' Ku silakaimo, panyo belemiu na madi' ahi' Ku bau sumo aijo'. Memang belemiu madi' ahi' bebas ihukuman panyo hukuman anu Ku bee' hi belemiu na adin ahi' sosok tiba anu sahondo-hondonyo. Aku, Tumpu notataemo.”

HOSEA 12:1

Tumpu notatae, “Bansa Israel montikubi mae Aku padahan baleko' ka' mongakali; bansa Yehuda tataap panggaga hi belengku Tumpu Anu Susi ka' manonong.

HOSEA 14:4

Asyur madi' moko ala momposalamat kami, ka' ajahan anu bau pahampate suele madi' ahi' moko ala montulungi kami. Kami madi'mo daagi motatae hi to pato-patong nu pilogot anu pinosi bau mami, anu osangka mami aijo'mo na Tumpu mami. O Tumpu Belento mongkalibosi to mia-mian anu madi' ko anu nu taha'imani nu aha maumo pa' ihe.”

MALEAKHI 3:6

“Akumo na Tumpu, ka' Aku madi' mongabali'. Kalana aijo' belemiu lee' mae i Yakub, madi' ahi' opatei.

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

PO'ULE' INGULIT 13:17

Pakakas haha aijo' anu kinutukanmo madi'mo timbali opo'una' da bau pakakas miu, panyo tionyo ahi' o ideimo hondo totu-totu'u. Da madi'mo Tumpu motambuha' ka' Ia mongkalibosimo belemiu. Ia mongkanonongimo belemiu ka' mompotimbalimo belemiu bansa anu daka' susumo anu jinanji'-Nyomo hi mompolee' nu belemiu,

1 SAMUEL 26:8

Lantas notataemo na i Abisai hi Daud, “Tumpu Allah nombee'mo sampo bali' nu belento hi belento pihi aiya. Pobee' mae na aku da ku popasokmo na talombo'nyo aitu hi butongnyo lampasan toka-toka i tano', ku pateimo na ia ola minsan na aku monjalo'akon, madi' pilenje pinduan!”