HOSEA 11:8 - KITAB NU TUMPU ALLA LELE MA'IMAI'

⁸ Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

HOSEA 11:8 ပူးပေါင်းရင်းမြစ်များ

KAJADIAN 14:8

Lapas aijo' to tomu-tomundo anu lengkat mae i Sodom, i Gomora, i Adma, i Zeboim ka' i Bela nomposadiamo suludadu nu aha ikiijo' i Bangka'nyo nu Sidim lantas nahampatemo

2 SAMUEL 24:16

Malaekat nu Tumpu anu nomboa mae balaa' kapatean aijo' tinoka-tokamo i tampat ponggilingan gandum anu i Arauna, mian nu Yebus. Salatan tinoa nu Tumpu na malaekat aijo' kahanda'mo mompatei mian nu Yerusalem, Tumpu nombali'imo tanga'an-Nyo, ka' Tumpu madi'mo nohukum bansa aijo'. Pinoto'i-Nyomo hi malaekat aijo', “Injahamo! Bolimo!”

1 TOMU-TOMUNDO' 3:26

Salatan nohongomo palentah aijo', tinanyo ahi' anu totu-totu'u nu anak aijo' notataemo, “Ampun kita Tomundo' boli opatei na anak aijo'. Sahanyo bee'mo hi ia.” Tina nu anak aijo' notatae sumo aijo' kalana ia mongkalibosi hondo anaknyo. Panyo' boune sangga'at aijo' notatae, “Ii', sahanyo kolongmo, da kami mau samian madi' mohumpak!”

2 TOMU-TOMUNDO' 13:23

Panyo Tumpu nolibosmo hi mian anu pinalesayamo hi Ia ka' nongampunimo aha. Ia madi' mompojohok aha opatei, panyo montulungi aha kalana monginau' palajanjiannyo hi Abraham, anak i Ishak ka' hi Yakup. Sampe tempo' uuka aiya, Ia madi' mongkolilimi mian anu pinalesayamo hi Ia.

2 TAWARIKH 36:15

Tumpu, Tumpu Allah nu mompolee' nu aha, saja'mo nonsai mian-Nyo da mompokinde'i mian anu pinalesayamo hi Ia kalana nukanonongi na aha ka' Laigan-Nyo.

MAZMUR 106:45

Kalana nonginau' aha, ia tinonginau'mo i palajanjian-Nyo ka' nongkalibosimo aha kalana daka' hondo na kalibosan-Nyo.

YESAYA 16:11

Kinyonyoangku nolokihismo ka' ihansunmo hondo-hondo montoa ka' ada'an nu aha Moab tiba Kir-Heres.

YESAYA 63:15

O, Tumpu, toa mae mo uuka atina' i suluga', lengkat mae atina' ikajojoongan nu Belento anu susi' ka' talasanggo. Iyamo mae na kalibosan tiba kabaanian nu Belento? Iyamo mae na kanonongan tiba kalibosan nu Belento? Boli mae montahan aijo', bee'mo mae hi kami.

YEREMIA 18:8

lantas bansa aijo' balatobatno madi'mo mombau dosa' na ia, saba' madi'mo ahi' Ku sidahi na tanga'an-Ku aijo'.

YEREMIA 3:12

Tumpu nompalentahmo mae aku da mamba mompoto'i han aiya hi aha Israel: “O Israel anu madi' tulu-tulutan, pinsusule'mo mae hi beleng-Ku! Aku talalo hondo mongkalibosi ka' madi' saja'mo montambuha'i beleyum.

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

YEREMIA 42:10

‘De belemiu mongka'oho' jojoong tataap ilipu' aiya, Ku bangonakonmo na belemiu, misa' montua belemiu; Ku potinjomo na belemiu, misa' mohobo'akon. Aku nolibosmo hondo kalana nompotokamo mae kasilaka'an hi belemiu.

YEREMIA 9:7

Kalana aijo' Tumpu Anu Mahakuasa notataemo, “Susumo logam, mian anu palesayamo hi beleng-Ku Ku uji'mo da aha madi'mo daagi' ko galo-galo'nyo. Apaa mule' na daagi' Ku bau hi aha mian anu palesayamo hi beleng-Ku nonombaumo palabuatan anu ma'idek?

MOHAANGI 1:20

O, Tumpu! Palahatikan mae na aku, kinyonyoangku madi' sanang ka' pinusingmo i hansunmo kalana palabuatan mai-ma'idek u'utu mae. I songko-songko na jalan daagi' ko anu monsilakai, i uno nu laigan daagi' ko anu sinilakamo.

MOHAANGI 3:32

Salatan ia nombee'imo mae kasansala'an ia mule' nolibosmo ahi', kalana ia tataap mongkalibosi kita tiba liibos anu madi' ko kahimpusannyo.

MOHAANGI 3:33

Ia madi' sanang na kinyonyoa mompojohok kita sansala ka' mongoa'i kasusa'an.

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

HOSEA 6:4

Panyo Tumpu notataemo, “O Israel tiba Yehuda! Apaa na anu tionyo Ku bau hi belemiu? Liibosum hi beleng-Ku malia' hondo saimpotulu susumo sehu' kabai dondu'ok daagi' subu-subu hondo.

HOSEA 7:1

Tumpu notatae, “De Aku kahanda'mo mompa alin mian-Ku Israel anu palesayamo ka' po ule'mo mompokopiani kalakuan nu aha, panyo anu Ku toa ola ka'idekan tiba dosa' nu aha. Aha mompaha bale-baleko'i, aha mompinsoopi laigan nu mian ka' mombulingi, ka'aha mongagoi anu nu mian i jalan-jalan.

AMOS 4:11

Sambahagian na belemiu ihansunan-Kumo susumo Aku nohansunimo Sodom tiba Gomora. Anu daagi' tinumuu' na belemiu me susumo lo'uton anu ingala mae aijo' i apu. Maumo sumo aijo' belemiu madi' ahi' daagi' minsusule' mae hi beleng-Ku.

AMOS 7:3

Tumpu nombabali'imo tanga'an-Nyo ka' notatae, “Anu tinoa nu beleyum aijo' madi'mo daagi' jadi.”

AMOS 7:6

Tumpu nombabali'imo tanga'an-Nyo ka' motatae, “aiya mule' madi' ahi' timbali.”

MIKHA 5:3

De anu mongkuasai aha aijo' tokamo mae, Ia mompalentahmo mian-Nyo anu palesayamo tiba kahosonan ka' mule' kakuasa'an anu lengkat mae hi Tumpu-Nyo. Mian-Nyo anu palesayamo tumuu'mo sanang madi'mo ko anu mompoposia kalana iwi-iwi' na mian i songko-songko na dunia mompototu'umo katalasanggoan-Nyo,

ZEFANYA 2:9

Kalana Aku anu tumuu', Tumpu nu bansa Israel, Kusapuimo iwi-iwi' na Moab tiba Amon susumo Sodom ka' Gomora. Lipu' haha aijo' mobuke'mo nu bubung anu kaho timusonnyo, kota' anu singkapmo ma'idek anu nu tumuu'imo nu kau' tiba hemput sampe sidu-sidutu'. Tuha' nu mian-Ku anu pinalesayamo anu daagi tutuu' montomangmo mian anu jojoong ikiijo' ka' mongalamo tano' nu aha.”

MATIUS 23:37

“Yerusalem, Yerusalem! To nabi-nabi pinateanmo. To posa-posaihon nu Tumpu pinahambunu'akonmo nu batu sampe i nate. Piangkukamo na Aku mongka'oho' molimu' iwi-iwi' mian nu kampungum, sumo tina nu manuk mongokobi sioknyo i aluk nu polipiknyo, panyo komiu madi' mongka'oho'!

PO'ULE' INGULIT 29:22

I mihinyo mae, lee' nu belemiu ka' mian anu lengkat mae i salipu'an majo'on montoamo balaa' haha aijo', kasansala'an-kasansala'an anu nupotoka mae nu Tumpu i lipu' nu belemiu.

PO'ULE' INGULIT 29:23

Ale' miu iwi-iwi' madi'mo ma'omuk ka' nutumuu'imo nu padang ka' tabuhonmo nu belelang ka' timuson. Tano'nyo madi'mo timbali posu'anan ka' hemput madi'mo mongka'oho' tumuu' ikiijo'. Lipu' nu belemiu sumomo to kota-kota nu Sodom ka' Gomora, Adma ka' Zeboim anu ingideanmo nu Tumpu tempo'nyo Ia talalomo hondo notambuha'.

PO'ULE' INGULIT 32:36

Tumpu momposalamatmo mian anu pinalesayamo hi Ia ka' mongkalibosimo to posa-posaihon-Nyo, de Nu toamo na aha madi'mo moko ala mombau apa-apaa ka' madi'mo ko kahosonan.

2 PETRUS 2:6

Pokakanamo na balu-balu'nyo sumo kota nu Sodom ka' Gomora: Tumpu nonggalisimo kota haha aijo' nu apu da timbali sonto' mongkona apaa na anu saidi' mae timbali hi to mia-mian anu ma'idek.

YUDAS 1:7

O inau' singkona na kota nu Sodom ka' Gomora tiba to kota-kota anu mompaha ohani, mian anu jojoong i kiijo' nombaumo sumo hahan anu binaumo nu malaikat haha aijo'. Aha nombaumo hahan masala' ka' anu palaganta, sahingga aha sinakisamo nu hukuman apu, anu sampe toka sidu-sidutu', da bau pompokinde'i hi iwi-iwi' na mian.

ANU PINOTO'I HI YOHANES 11:8

Ka' aha anu sinilakamo paha-paha timpasmo i jalan anu ewa i kota daka', anu pinonsalipan nu aha Tumpu. Sanggo anu pinongkantuangakon kota aijo' atina'mo Sodom kabai Mesir.

ANU PINOTO'I HI YOHANES 18:18

Ka' moloboo'mo salatan aha montoamo tibuk ko puha-puhamo lengkat i apu anu nompapumo kota aijo'. Aha notataemo hoso-hoson, “Madi' toho' ko kota sangga'at sumo kota anu daka' hondo aiya!”

TO MIA-MIAN KOPIAN 10:16

Lapas aijo' ingalinmo nu aha iwi-iwi' na patong bapilogotan, lantas nonsombahmo Tumpu Allah. Sahingga Tumpu Allah nolibosmo na nontoa aha i uno nu kasansala'an aijo'.