HOSEA 11:5 - KITAB NU TUMPU ALLA LELE MA'IMAI'

⁵ Mian nu Israel haha aijo' madi'mo mongka oho' minsusule' mae hi beleng-Ku, kalana aijo' aha tionyo ahi' minsusule'mo mamba i Mesir ka' bansa Asyur na mompalentahje aha.

HOSEA 11:5 ပူးပေါင်းရင်းမြစ်များ

2 TOMU-TOMUNDO' 15:19

Tempo'nyo i Pul tomundo' nu Asyur nontumbuhimo Israel, binee'anmo i Menahem na ia 34.000 kilogram na salaka da ia montulungi i Menahem da sabole-bole ia mompalentah Israel, ka' mongkuasai Israel.

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

HOSEA 10:6

Pilogot aijo' oboamo i Asyur da opalasenakonmo hi tomundo' anu talasanggo aijo'. Israel nontulutimo tanga'an anu nonsaduakonmo da nohumpak ambang ka' mule' kinokojoanmo.

HOSEA 5:13

Bansa Israel tiba bansa Yehuda sininsumbu'mo i kalakuan nu aha anu ma'i-ma'idek aijo' sahingga Israel nambamo i Asyur momoita bantuan hi tomundo' anu talasanggo. Panyo tomundo' aijo' madi' noko ala nontulungi kabai nompoko ima'i palabuatan nu aha.

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

HOSEA 7:16

Aha lasaja mombatuki topilo pilogot anu madi kokuasa apa-apaa. Aha madi bisa otahaimani sumo panah anu madi mayontok. To tana tanaas nu aha la saja motatae sombong. Mokanyo aitu aha tionyo opatei nu bajak ka nu kokojoi nu tomia mian nu Mesir.”

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

HOSEA 9:3

Belemiu o bansa Israel madi'mo daagi tataap jojoong i tano' anu binee'mo nu Tumpu hi belemiu. Belemiu tionyo ahi' minsusule'mo i Mesir, ka' tionyo ahi' mongkaanmo kaanon anu madi' toho' okaan kiijo' mae i Asyur.

HOSEA 9:6

De balaa' tokamo mae hi belemiu ka' mule' oboamo ilipu' sangga'at saba' anu daagi jinojoong nu posihukmo nu aha mian Mesir da opateimo ka' olamunmo kiijo' i Memfis! Hemput tiba hii' tumuu'mo mae ka' mongkukubimo iwi-iwi' na tampat anu pinombauan nu belemiu laigan tiba bala-balang salaka anu mahan na olinyo.

AMOS 4:11

Sambahagian na belemiu ihansunan-Kumo susumo Aku nohansunimo Sodom tiba Gomora. Anu daagi' tinumuu' na belemiu me susumo lo'uton anu ingala mae aijo' i apu. Maumo sumo aijo' belemiu madi' ahi' daagi' minsusule' mae hi beleng-Ku.

AMOS 4:6

Akumo na anu mombee'i balaa' ka ohopan hi belemiu iwi-iwi' na kota' nubelemiu, panyo belemiu madi' po'ule' minsusule' mae hi beleng-Ku.

AMOS 5:27

De Aku momboamo belemiu mokiijo' i sa'angu' na lipu' anu lebe majo'on lengkat i Damsyik. Aku na Tumpu anu sanggonyo Tumpu Allah Anu Matangkas na Kuasanyo notataemo.”

PO'ULE' INGULIT 17:16

Tomundo madi' timbali ko ajahan manjoo' anu nusake'i nu suludadunyo ka' madi' timbali mompalentah bansa aiya minsusule' i Mesir mamba mongoli ajahan kalana Tumpu notataemo tukoo-Nyo mian anu pinalesayamo hi Ia madi'mo timbali minsusule' i lipu' aijo'.