HOSEA 11:1 - KITAB NU TUMPU ALLA LELE MA'IMAI'

¹ Tumpu notatae, “Aku mongkalibosi Israel daagi' pe'e aha ise-ise', Ilagangku na anak-Ku aijo' nosabat mae lengkat i Mesir.

HOSEA 11:1 ပူးပေါင်းရင်းမြစ်များ

MATIUS 2:15

Aha jinojoong i kiijo' mae sampe i Herodes sinilakamo. Sahingga tinimbalimo apaa na anu tinaeakon nu Tumpu anu pinoto'inyo hi nabi-Nyo, sumo uuka, “Aku molaga Anak-Ku lengkat i Mesir.”

NOSABATMO 4:22

Lantas poto'imo hi tomundo aijo' taalu' Aku, Tumpu, mompotuunmo mae sumo uuka: 'Israel atina' anak-Ku anu tumpenyo,

HOSEA 13:4

Tumpu notatae, “Akumo na Tumpu nu belemiu anu nomboamo mae belemiu nosabat lengkat i Mesir. Belemiu madi' ko Tumpu ola ahi' samata-mata Aku. Samata-mata Aku na anu nomposalamat belemiu.

HOSEA 2:15

Iwi-iwi' na ale' nu anggurnyo Ku sule'akonje hi ia, ka' Bangka'nyo nu Kasusa'an Ku pojadimo tumban anu otaha'imani. Ikiijo' mae ia montalimamo Aku susumo tempo'nyo daagi' olitau, tempo'nyo ia sala'je no sabat mae lengkat i Mesir.

YEREMIA 2:2

da mombebakon lele aiya hi aha iwi-iwi' mian nu Yerusalem, “O Israel Ku inau' hondo na tulu-tulutan nu beleyum tempo'nyo beleyum daagi' olitau; talalo hondo na beleyum mongka'ima'i mae tempo'nyo kita salaje notuang. Namba ipadang tampat anu mateges binatukan nu beleyum na Aku notulu daerah anu madi' ko sosu'anonnyo.

MALEAKHI 1:2

Tumpu notatae hi mian anu palesayamo hi Ia, “Aku mongkalibosi belemiu.” Panyo tinaaman nu aha, “Mosia na Tumpu mongkalibosi kami?” Tinaaman nu Tumpu, “Temisa' i Esau utus tu'a i Yakub? Panyo i Yakub na Ku kalibosi ahi',

HOSEA 12:13

I Yakub mompolee'to nopalaimo namba i Mesopotamia, lantas da timbali mohumpak bengkele' ia nomoitamo da bau posaihon hi aha mian anu kiijo' mae ka' lewa'mo nolaya' domba nu mian aijo'.

YEHEZKIEL 16:6

Lapas aijo' Aku notulumo ka' nontoamo beleyum sola' mongkohenggo kahomo baso' na butong nu beleyum, panyo madi' ahi' Aku nompojohok beleyum da silakamo.

PO'ULE' INGULIT 7:7

Belemiu nu kanonongi ka' pinile'anmo nu Tumpu, misa' kalana belemiu lebe manjoo' molingkudui bansa-bansa sangga'at; memang belemiu bansa anu sangkiding hondo i dunia aiya.

HOSEA 12:9

Kita uuka aiya kinayamo na koonyo nu aha. ‘Kita inguntungmo! Madi' ko samian pe'e na anu monsangka tukoonyo kita nohumpak kakaya'an kalana katageo'anto'.’

NOSABATMO 4:23

ka' beleyum Ku palentahmo da mompobee' anak-Ku aijo' mambamo da ia timbali monsombah Aku. Panyo beleyum madi' mompobee'. Uuka aiya ku pateimo na anak nu beleyum anu tumpenyo.' ”

MAZMUR 129:1

O Israel, poto'i mae pa' mosia na beleyum sinakisa nu mian anu nonsampobali'mo, salatanmo pe'e beleyum daagi' olitau.

YEREMIA 12:7

Tumpu notatae, “Tampat kajojoongan-Ku madi'mo daagi' pinajulian-Ku, lipu' anu Akumo na tumpunyo pinala'ian-Kumo ka' mian anu palesayamo hi belengku anu Ku kalibosi binee'-Kumo ilima nu sampobali' nu aha.

HOSEA 10:15

Aijo'mo na anu jadi hi belemiu o mian anu jojoong i Betel, kalana belemiu nombaumo palabuatan anu talalomo ma'idek. Salatan sinaa montampu'unimo mae bete' madi' pin de mahampatemo, saba tomundo' nu belemiu silakamo.”

NOSABATMO 19:4

“Tinoamo nu belemiu apaa na anu binaung-Kumo hi mian nu Mesir ka' mosia na Aku nomboamo mae belemiu hi beleng-Ku i tampat aiya nu kuasa anu daka' hondo sumomo tomonsi' bonyia' momboa soma'nyo aita' i polipiknyo.

PO'ULE' INGULIT 33:3

Totu-totu'u, Tumpu mongkalibosi bansa-Nyo. Nu jagai na mian iwi-iwi' anu tinimbalimo anu-Nyo. Imbo' da kita tolodadupu i ahop nu tengke-Nyo ka' montuluti iwi-iwi' apaa na anu pinalentahkon-Nyomo.

YESAYA 43:4

Beleyum na ko angga'nyo ahi' imatang-Ku, Aku mohalagai ka' mule' mongkalibosi ahi' beleyum; sahingga Ku bee'imo mian salaku baumo pombolosi beleyum, to bansa-bansa salaku baumo pombolosi santuu' nu beleyum.

YEHEZKIEL 16:22

I uno nu kantumuu'an nu beleyum anu okahegatimo salaku mian anu saja'masala' susumo aijo', mau sangkiding pe'e madi' tonginau hi beleyum na beleyum daagi' ise' naipuan mae anu ihikuhakonmo, tempo'nyo beleyum langgo-langgo ka' lewa' mongkohenggo ka' kahomo baso' na butong nu beleyum.”