HOSEA 10:8 - KITAB NU TUMPU ALLA LELE MA'IMAI'

⁸ Tampat-tampat anu ponsomban pilogot anu aita maei to bungku-bungkutnyo nu Betel tampat nu aha mian Israel monsombah pilogot ohansunimo. Hii' tibaa hemput tumuu'mo i mezbah nu aha. Lantas aha moloboo'imo to bungku-bungkutnyo, “Tabuhimo mae na kami!” Ka' hi to puge-puge'nyo, “Tuda'mo mae na kami!”

HOSEA 10:8 ပူးပေါင်းရင်းမြစ်များ

KAJADIAN 3:8

Mamalom sinaa aijo' aha nohongomo Tumpu Allah i lumajang i uno nu taman, lantas ua-ua'aha naninsulukmo i olot nu to kau-kau' da madi' nutoa nu Tumpu.

1 TOMU-TOMUNDO' 13:2

Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

1 TOMU-TOMUNDO' 13:34

Kalakuannyo anu ma'idek aijo' na nonsaduakonmo lee'nyo nohumpak balaa' ka' sinilakamo iwi-iwi'.

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

2 TOMU-TOMUNDO' 23:15

Ia mule' nongideimo tampat ponsomban kiijo' i Betel anu binau i Tomundo' Yerobeam anak i Nebot – tomundo' anu nonsaduakonmo mian nu Israel nombaumo dosa'. Lantas i Yosia nombiha'mo mezbah, i tampat ponsombahkonan aijo' ka' pinapuannyomo tiba Patong boune Asyera anu daagi' kiijo'.

2 TAWARIKH 31:1

Salatan lamean ilapasmo, mian da'isan iwi-iwi' nambamo i batu-batu kota' nu Yehuda lantas nohobo'akonmo tugu nu pilogot, mompahahobo'akon, iwi-iwi' na patong anu pinotinjo ponsombaan Pilogot boune Asyera, ka' nongideimo iwi-iwi' na mezbah ka' tampat anu lewa' ponsomban pilogot. Sumo aijo' mule' na aha nombau tampat sangga'at i da'erah Yehuda, ka' suele i da'erah Benyamin, Efraim ka' Manasye. Lapas aijo' aha ninsusule'mo i tampat nu aha toto samian.

YESAYA 2:19

Salatan Tumpu totinjomo ka' monggayu'mo dunia aiya mian singkapmo minsoop iliang anu i to puge-puge'nyo nu batu gahanggan kabai mongkekemo bolo' itano' da madi' nu kona nu tambuha' nu Tumpu ka' mule' kakuasa'an-Nyo anu talasanggo aijo'. De sinaa aijo' tokamo mae to pilo-pilogot anu mosoni' na binau kabai salaka nunu sombah nu aha aijo' nu pala'imo nu aha madi'mo nu kali-kalinga nu aha timbalimo bahagian nu bokoti' tiba poniki'.

YESAYA 32:13

kalana tano' nu aha bansang-Ku nu tumuu'imo nu hemput tiba kuhat anu kohii'nyo. Ya, haangimo na laigan nu belemiu iwi-iwi' tampat sola' binalasana-sanangan ka' mule' kota' anu kaho kalame'an.

YESAYA 34:13

Iwi-iwi' na tampat bapilogotan nu aha ka' mule' iwi-iwi na kota'nyo anu ko bentengnyo nu tumuu'imo nu kuhat anu kohii'nyo tiba hemput ka' mule' nu jojoongimo nu dedeng nu kuhat tiba tomonsi' unta.

HOSEA 10:2

To mia-mian anu kinyonyoanyo tageo' aijo' uuka aiya montanggung ahi' dosa'nyo. Tumpu Allah mohansunimo mezbah nu aha ka' montua' akonmo patong nu pilogot nu aha.

HOSEA 10:5

Mian anu jojoong kiijo' i kota Samaria mabuhukmo; aha tiba to ima-imam anu mongulus sapi' mosoni' kiijo' i Betel molibosmo ka' lewa'mo humang kalana kaholomatan nu pilogot nu aha aijo' imadi'anmo.

HOSEA 10:9

Tumpu notatae, “Salatan kinokajadianmo kiijo' i Gilgal mian nu Israel madi'mo ahi' nontibahakon palabuatan dosa' ka' pinanggagamo hi belengku. Mokonyo aijo', kiijo' mae suele i Gibea aha nu pahampateakonmo nu bansa sangga'at.

HOSEA 2:6

Kalana aijo' ku kulungje na ia i uno nu alas anu ko hii'nyo ka' mompagan jalannyo nu pagan mesen.

HOSEA 4:13

I tampat-tampat ponsomban pilogot i puge'nyo ka' i bungkutnyo belemiu nonsombahkonmo koloban ka' nompapuimo kamangian i patu nu to kau-kau' anu daka' ka' hoopi' nahonnyo kalana ikiijo mae tampat anu koongon. Panyo apaa na ka'ahenannyo? To lalangkoyang nu belemiu nasala'mo, ka' to moni-monian nu belemiu boune nasala'mo!

HOSEA 4:15

O belemiu mian nu Israel, belemiu madi' tulu-tulutan hi beleng-Ku! Panyo, Ku taha'imani Yehuda madi' mombau kasala'an anu sumo aijo! Bolimo mogaleja i Gilgal kabai i Betel. Boli basumpa' ikiijo' mae tiba sanggo nu Tumpu anu tumuu'.

HOSEA 5:8

Puuhimo na tolompet kiijo' i Gibea! Po'onyi'mo na tanda polaga mahampatemo kiijo' mae i Rama! Poloaismo salaku tanda mahampatemo kiijo' mae i Betel! Soba mian nu Benyamin ahopimo ka' pahampatemo!

HOSEA 8:5

Ku ka'ideki na sapi' mosoni' anu nu sombah nu aha anu jojoong i Samaria. Aku pi nusamo hondo hi aha. Pa' tokaje hi pianna kopinnyo na aha saja' mombusiki butong nu aha kalana monsombahmo pilogot?

HOSEA 9:6

De balaa' tokamo mae hi belemiu ka' mule' oboamo ilipu' sangga'at saba' anu daagi jinojoong nu posihukmo nu aha mian Mesir da opateimo ka' olamunmo kiijo' i Memfis! Hemput tiba hii' tumuu'mo mae ka' mongkukubimo iwi-iwi' na tampat anu pinombauan nu belemiu laigan tiba bala-balang salaka anu mahan na olinyo.

AMOS 1:5

To saba-sabatan daka' nu Damsyik Ku ideimo ka' mian anu jojoong i Hatanyo nu Awen Ku sapuimo iwi-iwi' i tampat anu jojoongan nu aha. Anu mongkuasai Bet-Eden, Ku tau'akonmo i suhangannyo, ka' mian anu jojoong i Siria ohakopmo ka' oboamo mamba i Kir.”

AMOS 3:14

I sinaanyo Aku nohukumo mian nu Israel kalana dosa' nu aha, Aku mohansunimo to mezbah-mezbah ponsomban kiijo' i Betel. Toto sa'angu' na mezbah ponsomban okolongimo na to pupuusnyo sahingga mohobo'mo mokaiyong i tano'.

AMOS 7:9

Iwi-iwi' na tampat anu pinake nu tulunan i Ishak binau pogalejaan ohansunimo. Iwi-iwi' na tampat anu susi' nu mian Israel oideimo. Kuhopu'imo na tulunan i Tomundo Yerobeam.”

AMOS 8:14

To mia-mian anu basumpa' tiba sanggo nu pilogot Samaria ka' notatae, ‘Tiba sanggo nu pilogot bansa Dan’, kabai ‘Tiba sanggo nu Pilogot Bersyeba’ – tombahangkangmo ka' madi'mo daagi' mobula.”

MIKHA 1:13

Belemiu mian anu jojoong i Lakhis pokonamo na ajahan i kareta anu opake mahampate! Belemiu nontihomo dosa' iwi-iwi' anu bibinaumo nu aha mian kiijo' i Israel sahingga nonsaduakonmo Yerusalem suele binaladosa'mo.

MIKHA 1:5

Iwi-iwi' aijo' saidi' mae jadimo kalana aha mian nu Israel binaladosa'mo ka' saja'mo notomuhuk hi Tumpu. Ihe na nonsaduakonmo aha mian nu Israel sahingga binaladosa'mo? Temisa' Samaria ahi' puso nu kota' Yerusalem?

NAHUM 3:11

O Ninewe beleyum suele poso'mo kalana malangumo. Beleyum suele bala'usaha da madi' nu poposia nu sampo bali' nu beleyum iwi-iwi'.

LUKAS 23:30

I tempo' aitu, mian motataeje i to bungku-bungkutnyo, ‘Tuda' mae na kami!’ Ka' to puge-puge'nyo, ‘Tabuhi mae na kami!’

PO'ULE' INGULIT 9:21

Patong sapi' logam na tinutuk, i lumbu'akonku i apu. Lantas i hansunanku ka' inguja'ku sampe nahute susumo abu', ka' abu' aijo' i lumbu'akonku i sepe' anu ko ueenyo mo'ili mae lengkat i bungkutnyo aijo'.

ANU PINOTO'I HI YOHANES 6:16

Hi to bungku-bungkutnyo ka' batu haha aijo', aha noloboo'mo, “Tuda' mae na kami! Posulukakon na kami da boli Nutoa nu anu sumuhang aita' i kasuhangan aijo', ka' da boli mohumpak tambuha' hi Anak nu Domba aijo'!

ANU PINOTO'I HI YOHANES 9:6

Olima' na bitu'on na kopinnyo mian mongkahanda'imo da sahanyo matemo, panyo aha madi' mate; aha mongka'oho'mo mate, panyo kapatean majo'on hi aha.