HOSEA 10:5 - KITAB NU TUMPU ALLA LELE MA'IMAI'

⁵ Mian anu jojoong kiijo' i kota Samaria mabuhukmo; aha tiba to ima-imam anu mongulus sapi' mosoni' kiijo' i Betel molibosmo ka' lewa'mo humang kalana kaholomatan nu pilogot nu aha aijo' imadi'anmo.

HOSEA 10:5 ပူးပေါင်းရင်းမြစ်များ

2 TOMU-TOMUNDO' 10:29

Kalana aitu koonyo nu Tumpu hi Yehu sumo uuka, “Iwi-iwi' na anu pinalentahkon-Kumo hi beleyum mongkona lee' i Ahab binaumo nu beleyum. Kalana aijo' Aku balajanji' to maku-makumpu nu beleyum sampe toka-toka i lapisan anu ko opatnyomo na lee' nu beleyum aijo' na timbali bau tomundo' nu Israel.” Panyo i Yehu madi' talalo buke-buke na kinyonyoanyo montuluti atulan nu Tumpu, Tumpu Allah nu Israel. Ia nontulutimo apaa na anu binaumo i Yerobeam anu nonsaduakon mian nu Israel binaladosa'mo kalana nonsombahmo sapi' mosoni' anu pinotinjonyo i Betel tiba kiijo' i Dan.

2 TOMU-TOMUNDO' 17:16

Aha madi' mombatuki iwi-iwi' na atulan nu Tumpu, Tumpu Allah nu aha ka' montutukmo logam binau ohua' na sapi' da osombah. Aha nombaumo patong pilogot boune Asyera, nonsombahmo to bina-binatang ka' nonsombahmo pilogot Baal.

2 TOMU-TOMUNDO' 23:5

To imam-imam anu i hangkat nu to tomu-tomundo' Yehuda anu mokalaja i tampat lewa' ponsomban pilogot iwi-iwi' na kota' i da'erah Yehuda, ka' i Yerusalem; pinaha pobelentinyomo; ka' suele to ima-imam anu monsombahkon koloban hi Baal, batu nu sinaa, bitu'on ka' to manda-mandala'.

2 TAWARIKH 11:15

I Yerobeam nosi hangkatmo to ima-imam anu mokalaja i iwi-iwi' na tampat ponsomban pilogot ka' monsombahmo to tinu-tinumpu ka' patong sapi' anu pinosi baunyo.

2 TAWARIKH 13:8

Jadi uuka aiya osangka nu belemiu, belemiu moko alamo mongewa kakuasa'an anu binee'mo nu Tumpu hi lee' i Daud, kalana suludadu nu beleyum manjoo' ka' belemiu ko to sapi-sapi' mosoni' anu pinotimbalimo i Yerobeam pilogot nu belemiu.

YESAYA 46:2

Patong haha aijo' madi' moko ala montulungi anu monsimbu, aha pe'e oboamo salaku anu ihakop. Aijo'mo na ka ahenannyo nu aha.

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

HOSEA 4:15

O belemiu mian nu Israel, belemiu madi' tulu-tulutan hi beleng-Ku! Panyo, Ku taha'imani Yehuda madi' mombau kasala'an anu sumo aijo! Bolimo mogaleja i Gilgal kabai i Betel. Boli basumpa' ikiijo' mae tiba sanggo nu Tumpu anu tumuu'.

HOSEA 5:8

Puuhimo na tolompet kiijo' i Gibea! Po'onyi'mo na tanda polaga mahampatemo kiijo' mae i Rama! Poloaismo salaku tanda mahampatemo kiijo' mae i Betel! Soba mian nu Benyamin ahopimo ka' pahampatemo!

HOSEA 9:1

O bansa Israel, bolimo daagi' molame'akon iwi-iwi' na sinaa daka' nu belemiu susumo to bansa-bansa sangga'at. Belemiu nompala'imo Tumpu nu belemiu ka' madi'mo nontuluti Ia. I tampat pongututan gandum belemiu mompobalukmo butong nu belemiu salaku anu masala' hi pilogot Baal, ka' sanangmo na montalima gandum anu osangka nu belemiu salaku pontamboi mae nu pilogot aijo' hi belemiu!

HOSEA 9:11

Katalasanggoan nu Israel tontilapmo susumo tomonsi'; madi'mo daagi ko anu poboa ka' madi'mo daagi ko to ana-anak anu ohampeakon.

AMOS 3:14

I sinaanyo Aku nohukumo mian nu Israel kalana dosa' nu aha, Aku mohansunimo to mezbah-mezbah ponsomban kiijo' i Betel. Toto sa'angu' na mezbah ponsomban okolongimo na to pupuusnyo sahingga mohobo'mo mokaiyong i tano'.

ZEFANYA 1:4

Kuhukumo na mian anu jojoong i Yerusalem ka' anu i songko-songko na Yehuda. Tuha' nu anu lewa' bau ponsomban Baal Ku hansunimo na anu i tampat-tampat haha aijo'. To mia-mian anu lewa' mombau ada-adat nu Baal okolilimimo madi'mo daagi o'inau'.

SISIKON NU TO RASUL-RASUL 19:27

Bahayanyo aijo'mo, saba' usahanto aiya mohumpakmo sanggo ma'idek. Ka' misa' ola aijo', panyo mule' laigan nu Pilogot boune i Artemis suele o' anggapmo madi' talakana' tiba katalasanggoannyo o peja-peja'mo; padahan ia pilogot boune anu o puji' nu iwi-iwi' mian i songko-songko Asia, ka i songko-songko na dunia!”

YOSUA 7:2

Tempo'nyo aitu i Yosua nompokaumo tinopia-piangkuka na mian lengkat mae i Yerikho namba i Ai, sa'angu' na kota sasu kabete'an Betel, koko Bet-Awen. Mian haha aijo' binee'anmo palentah da mamba mompalesa pa' mosia na balu-balu'nyo na da'erah aijo'. Salatan aha noko pojalanmo palentah aijo',

TO MIA-MIAN KOPIAN 18:24

Tinaaman i Mikha, “Belemiu nompopalaihakonmo mae to pato-patongku tiba imamnyo, sahingga aku madi'mo daagi' ko apa-apaa, lantas belemiu notatae, 'Apaamo uuka!’ ”