HOSEA 10:15 - KITAB NU TUMPU ALLA LELE MA'IMAI'

¹⁵ Aijo'mo na anu jadi hi belemiu o mian anu jojoong i Betel, kalana belemiu nombaumo palabuatan anu talalomo ma'idek. Salatan sinaa montampu'unimo mae bete' madi' pin de mahampatemo, saba tomundo' nu belemiu silakamo.”

HOSEA 10:15 ပူးပေါင်းရင်းမြစ်များ

YESAYA 16:14

Ka' uuka aiya Tumpu notataemo, “Pas daagi' totolu' nataun iwi-iwi' nakakaya'an anu nunu kabubunakaon nu Moab lanyapmo. Mian da'isan nu aha Moab timbalimo me sangkiding ka' madi'mo mahoson.”

HOSEA 10:14

jadi mian da'isan nu belemiu ko anumo mae mompahampateakon ka' iwi-iwi' na benteng nu belemiu hansunmo. Balu-balu'nyo sumomo tempo'nyo i Tomundo' Salman nono hansunimo kota' Bet-Arbel tempo'nyo aha nahampate, ka' nompateimo to tina-tina nu anak tiba to ana-anaknyo.

HOSEA 10:3

Madi'mo daagi pin aha motataemo, “Kita madi'mo ko tomundo'nyo kalana kita madi'mo nabuhuk hi Tumpu. Apaa na gunanyo samian na tomundo' hi kita?”

HOSEA 10:5

Mian anu jojoong kiijo' i kota Samaria mabuhukmo; aha tiba to ima-imam anu mongulus sapi' mosoni' kiijo' i Betel molibosmo ka' lewa'mo humang kalana kaholomatan nu pilogot nu aha aijo' imadi'anmo.

HOSEA 10:7

Samaria hansunmo ka' tomundo'nyo oboamo susumo sangkolong na kau' anu inganjuhakonmo nu uee.

HOSEA 11:1

Tumpu notatae, “Aku mongkalibosi Israel daagi' pe'e aha ise-ise', Ilagangku na anak-Ku aijo' nosabat mae lengkat i Mesir.

ROMA 7:13

Yo te aiya alati'nyo, au'aitu anu ma'ima' aijo' molubatakon kapatean hi belengku? Tantu madi'! Dosa' ahi' na anu mompolubat kapatean aijo'. Dosa' mongala jalan anu ma'ima' da mompotoka kapatean hi belengku, da sipat-sipat nu dosa' kantoaan mana-manasa. Montului palentah-palentah nu Tumpu, sahingga tinoanyo na ko ide' nyo nu dosa'.