HOSEA 10:13 - KITAB NU TUMPU ALLA LELE MA'IMAI'

¹³ Panyo beleyum nombaumo anu sabenannyo misa' aijo' na obau; beleyum ola nombau palabuatan anu ma'idek ka' nompadakmo palabuatan anu madi' adin. Beleyum nongkaanmo bua'nyo nu palabuatan hasin nu kabaleko'an nu beleyum.” Tumpu notatae mule', “O bansa Israel, kalana belemiu montakabunakonmo kareta haha aijo' anu opake mahampate ka' mule' konjoo'nyo nu suludadu nu belemiu,

HOSEA 10:13 ပူးပေါင်းရင်းမြစ်များ

AYUB 4:8

Aijo' ku sumbu' kalana saja'mo nontoa kalana mian anu mompajeko ale', nu han anu ma'idek, ka' monsa'u bine' anu monsaduakon mae balaa' kona hi batu nu sosu'anon, saidi' mae mongala bua'nyo aijo'mo kasilakan ka' kasusa'an!

MAZMUR 33:16

Tomundo' madi' sanangkalana suludadunyo da'isan suludadu madi' salamat kalana aha mahoson.

MAZMUR 52:7

Panyo beleyum nu silakaimo nu Tumpu sampe toka sidu-sidutu'; beleyum ohakopmo ka' ohela'mo lengkat atina' mae ilaigan nu beleyum, ka' o'alinimo da madi'mo jojoong idunia nu mian anu tumuu'.

MAZMUR 62:10

Manusia ola susumo monguusakon napas, tu'anyomo kabai daagi' anak bubuu' madi' ko angga'nyo. De otimbang, aha laing hondo, nulingkudui na kolaingnyo nu napas anu ouusakon.

AMSAL 1:31

Kalana aijo', belemiu montalimaje balosnyo apa-apaa na anu binaumo nu belemiu ka' sinin na tanga'an nu belemiu anu ma'idek.

AMSAL 12:19

Baleko' ola sangkinihap nu sumbu'mo nu mian; panyo potatae anu totu'u tataap sampe toka sidu-sidutu'.

AMSAL 13:2

Potatae nu mian anu manonong saja' mohumpak dale'; panyo mian anu tageo' na kinyonyoanyo saja' singgi.

AMSAL 19:5

Mian anu baleko' kiijo' i pomputusian palakala, madi' ko madi'nyo tionyo ahi' o hukumo.

AMSAL 22:8

Mian anu motugan kageguanan mompadak hasinnyo balaa', ahennyo kuasanyo kahanda' buhingison saidi mae lanyapmo.

ANU MOMPOLELE POTATAE NU TUMPU 9:11

I dunia aiya daagi mule' ko anu tinoangku; pailomba'an madi' saja'mo ko kamanangan na mian anu mopadeka', pahampatean madi' saja'mo ko kamanangan na mian anu mahoson. Mian anu pande madi' saja'mo mohumpak pakalaja'an polioan, ka' mian anu mangalati' madi' saja'mo mohumpak kakaya'an. Ka' mule' suele mian anu ahali madi' saja'mo talasanggo, Kalana maumo ahi' pa' ihe timbali nu tokai mae nu nasib soe'.

YESAYA 17:11

Panyo maumo ahi' anu osu'an aijo' balomo minsumpe ka' mimbunga isinaa pinonsu'anan nu beleyum atina' panyo madi' ahi kokaliangannyo. Anu daagi' ola ahi' kasusa'an ka' sakit na o, oa'i anu madi'mo daagi' ma'alin.

HOSEA 4:2

Aha binasumpa'mo, panyo aha madi' mongganapi; aha baleko', mompatei, montomang ka' masala'. Palabuatan ma'idek mompaka pintuangmo ka' mompatei saja'mo obau.

HOSEA 4:8

Belemiu kinayamo kalana dosa' nu mian-Ku, anu palesayamo, kalana aijo' belemiu mongka'ima'i da aha saja' baladosa'.

HOSEA 7:3

Tumpu notatae, “Tiba kalakuan nu aha anu talalo hondo baleko' ka' ma'idek aha mian da'isan mompagalamo momposanang kinyonyoa nu tomundo' tiba to paga-pagawe nu pamalentah.

HOSEA 8:7

Mian-Ku anu palesayamo monsa'u mombun jadi aha mompadakje antong! Ale' nu gandum nu aha madi' jadi maha mokini ka' madi' mule' mohasinakon labu da okaan. Panyo de gandumnyo i ale' aijo' maha ka' mokini ahi' saba gandumnyo aijo' ola ahi' nu ingkoti saidi' mae nu to bansa-bansa sangga'at.

1 SAMUEL 24:14

Belento Tomundo' tantu monsumbu' basa' nu aha mian anu daagi naipuan mae sumo uuka, 'Kalakuan anu ma'idek, anu mombau ola mian anu ma'idek na kalakuannyo'.' Kalana aijo' aku aiya madi' mombau anu ma'idek hi belento Tomundo'.