HOSEA 10:12 - KITAB NU TUMPU ALLA LELE MA'IMAI'

¹² Aku motatae, ‘O Israel! Pombau ale' na beleyum anu salaje obuka nu belemiu, sauimo bine' nu ka adilan ka'o padak na balakat, bukutinyo beleyum mongka'ima'i mae Aku totu-totu'u. Kalana tempo'nyomo na beleyum molio mae Aku, Tumpu nu beleyum. Aku tokamo mae ka momponjoo'mo balakat-Ku hi belemiu.’

HOSEA 10:12 ပူးပေါင်းရင်းမြစ်များ

MAZMUR 105:4

Poita na kahosonan hi Ia, saja' osombah na Ia.

MAZMUR 72:6

O'amalakon da ia sumomo ujan anu tudun i padang anu mateges, sumomo ujan daka' anu nongueeimo iwi-iwi na ale'.

AMSAL 11:18

Ka'untungan nu mian anu ma'idek na kinyonyoanyo madi' totu'u; panyo ka'untungan nu mian anu mombau anu ma'ima' aijo'mo na ka'untungan anu memang sahondo-hondonyo ahi'.

AMSAL 18:21

Jila' ko kuasanyo momposalamat kantumuu'an kabai mongidei; mian tionyo ahi' montanggung apaa na anu tinaloakonnyomo.

ANU MOMPOLELE POTATAE NU TUMPU 11:6

Daagi subu-subu saumo na bine' nu beleyum; ka' boli mingkain mau mule' malomo, kalana madi' osumbu'to iya na anu sinaunto aijo' na anu tinumuu' ma'ima'. Ugaat ahi' ohu-ohua' tinumuu' ma'i-ma'ima'.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 44:3

Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.

YESAYA 45:8

Lengkat mae ilangit tinau'akon-Kumo na ka'untungan mahampate susumo ujan, tano' binalabukamo da montalimamo ia, lantas nompotumuu'mo kasalamatan tiba kabebasan; Akumo na Tumpu anu nombaumo aijo' sahingga jinadimo.”

YESAYA 48:18

De bisuanyo beleyum mongintomakon ahi' palentang-Ku, saba' kantumuu'an nu balayum ma'ima'mo susumo kaunyo anu madi'mo toho' mo'oti, ka' mule' kadale'an nu beleyum sumomo bokon akaong i ambai, anu madi' toho' belenti.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YESAYA 54:14

Beleyum binaumo i uno nu kaadilan, madi'mo daagi' ko anu okabuhuk ka' kasansala'an.

YESAYA 55:6

Pinsusule'mo hi Tumpu da daagi' ko kasampatan poto'imo pa' apaa na okahanda'i hi Tumpu da Ia daagi' ohani.

YEREMIA 50:4

Tumpu notatae, “Toka itempo' aijo' aha mian nu Israel tiba Yehuda tokamo mae hingga-hinggat ka' lewa'mo humang molio Aku, Tumpu Allah nu aha.

YEHEZKIEL 34:26

Ku balakatimo na aha ka' mompobee'mo aha jojoong i bungkutnyo anu susi' anu Aku na tumpunyo. Aha Ku bee'imo ujan de nu palalui nu aha.

HOSEA 12:6

Tumpu aijo', aijo'mo na Tumpu Anu Daka' hondo na Kuasanyo. Sanggonyo aijo'mo Tumpu. Tiba sanggo aijo' Ia mongkahanda'i da mian monsombah Ia.

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

HOSEA 8:7

Mian-Ku anu palesayamo monsa'u mombun jadi aha mompadakje antong! Ale' nu gandum nu aha madi' jadi maha mokini ka' madi' mule' mohasinakon labu da okaan. Panyo de gandumnyo i ale' aijo' maha ka' mokini ahi' saba gandumnyo aijo' ola ahi' nu ingkoti saidi' mae nu to bansa-bansa sangga'at.

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

AMOS 5:4

Tumpu notatae hi mian nu Israel, “Pinsusule'mo mae hi beleng-Ku, da belemiu timbali tumuu'.

AMOS 5:6

Pinsusule'mo mae hi Tumpu, da belemiu timbali tumuu'. De belemiu madi' minsusule' hi Ia, Ia tokamo mae susumo apu anu molele ka' mompapui mian nu Israel iwi-iwi'. I Betel madi' ko samian pe'e na moko ala mompatei apu aijo'.

AMOS 5:8

Tumpu na nompotimbali to manda-mandala' aita' ilanga mandala' mian totolu' ka' mandala' mian da'isan. Ia nombabali'i pikat tinimbali na jingka ka' sinaa tinimbali pihi, uee lengkat mae i ambai binubusakon-Nyo i katano'an. Anu nombau iwi-iwi' aijo', sanggonyo aijo'mo Tumpu.

LUKAS 13:24

“Bala usaha da minsoop montulu sabatan anu soki. Kalana, inau'! Da'isan na mian bala usaha minsoop, panyo madi' timbali.

SISIKON NU TO RASUL-RASUL 2:18

Hi to posa-posaihon-Ku pe'e – mau pe'e to momo'ane mau pe'e to bouboune –, Ku dudu'akonje na Roh-Ku i sinaa haha aitu. Aha mompoto'iakonje hahan anu pinoto'ing-Kumo hi aha.

2 KORINTUS 9:10

Tumpu na montoukai binee' hi mian topo sau binee' ka' anu okaanto. Ia mule' na montoukai ka' momponjoo' apaa na anu osau miu, da hasin nu kanonongan nu kinyonyoa miu mompaka pintuang mule'.

YAKOBUS 3:18

Memang ka'ima'an atina' bua' nu bine' nu dame anu sinau nu mian anu mongka'ima'i dame!