HOSEA 10:1 - KITAB NU TUMPU ALLA LELE MA'IMAI'

¹ Israel sumomo kau' anggur anu mahampe na bua'nyo. Mompaka panjoo' na kakaya'annyo, mompaka panjoo'mule na mezbah anu nu bau nu aha. Mompaka sanangmo na kantumuu'an nu aha ka' mompaka pa'ima' mule' na aha mombau to pato-patong nu pilogot anu nu sombah nu aha.

HOSEA 10:1 ပူးပေါင်းရင်းမြစ်များ

1 TOMU-TOMUNDO' 14:23

Aita ito bungku-bungkutnyo tiba i patu nu kau' anu toto daka-daka' aha nombaumo tampat ponsomban pilogot ka' lewa'mo nompotinjo batu toto tangka-tangkas' to pato-patong nu pilogot boune Asyera da osombah.

YEREMIA 11:13

Pilogot nu aha Yehuda manjoo' hondo, sumo konjoo'nyo nu kota' nu aha. Mian anu jojoong i Yerusalem nompotinjomo mezbah-mezbah sumo konjoo'nyo nu jalan ikota' Yerusalem da bau ponsombahkonan koloban hi Pilogot Baal.

YEREMIA 11:17

Akumo na nompotinjo Israel tiba Yehuda, Aku, Tumpu Anu Mahakuasa. Panyo uuka aiya Aku ko kahanda'mo mompotoka mae balaa' hi aha. Posi ahamo ahi' iwi-iwi' na nonsaduakon aijo', kalana aha nombaumo palabuatan anu ma'idek, aijo'mo nonsombahkonmo koloban hi Baal sahingga Aku pinusamo.”

YEREMIA 2:28

Iyamo mae na pilogot nu belemiu anu bibinaumo nu belemiu? De ko kasusa'an, pokau na aha da momposalamat belemiu de memang ahi' aha moko ala! O Yehuda, pilogot nu belemiu sumomo ahi' konjoo'nyo nu kota' nu belemiu!

HOSEA 12:11

Aku notataemo hi to nabi-nabi, ka' nompotoamo manjoo' hondo na anu tinoa hi aha. Aku nompakemo aha da mompoto'i iwi-iwi' na tanga'an-Ku kona hi belemiu mian-Ku anu palesayamo,

HOSEA 12:8

Tumpu notatae hi aha bansa Israel, “Belemiu tageo' na kinyonyoa sumomo mian nu Kana'an; to pada-padagang nu belemiu saja' mongakali mian anu lewa mongoli hi belemiu balang, mompake timbangan anu madi' totu'u.

HOSEA 13:15

Naumo Israel sinanangmo na kantumuu'an nu aha susumo hemput anu molumba' panyo Ku pokauje na mombun nu kabete'an anu mapanas hondo lengkat mae i padang anu mateges. Mombun aijo' na montiisi iwi-iwi na mata nu uee tiba to bubu-bubung. Sahingga manggasmo iwi-iwi' na anu mahan na olinyo.

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 2:10

Ku langgo'imo na ia i ahop nu iwi-iwi' na sindua'annyo. Madi' ko samian pe'e na aha anu moko ala molapasakon ia i kakuasa'an-Ku.

HOSEA 2:8

Tina nu beleyum madi' toho' mompototu'u saba' Akumo na anu nombee'i ia gandum, anggur, lanya' nu zaitun ka' iwi-iwi na mosoni', salaka, anu pinakenyo nonsombah Baal aijo'.

HOSEA 3:4

Sumo aijo'mo na bau-baunyo na aha bansa Israel; pini ahi' hondo na aha tumuu' madi' ko tomundonyo kabai polaya', madi' ko koloban kabai tugu anu pinotinjo i tempat ponsomban, madi'mo ko to pilo-pilogot, kabai to aji-ajimat anu mompoto'i lahasia anu jadi aiya mae i ahop.

HOSEA 4:7

Belemiu mompaka manjoo'mo, mompaka baladosa'mo mule' na belemiu hi beleng-Ku, o to imam-imam! Kalana aijo' kalakuan nu belemiu. Ku babali'imo: Belemiu madi'mo daagi' o holomati, panyo lewa'mo o alu.

HOSEA 8:11

Lebe manjoo' na mezbah anu nu bau nu mian Israel da pongalini dosa' panyo mompaka panjoo' mule' ahi' na tampat nu aha pombauan dosa'!

HOSEA 8:4

Mian-Ku anu palesayamo mompile'i tomundo' madi' nu pokilawa pe'e mae nu aha hi beleng-Ku pa' Ku situjui. Aha mohangkat bau polaya' madi' pinaisale' pe'e mae hi beleng-Ku. Aha mongala mosoni' tiba salaka nu aha lantas nu baumo nu aha patong nu pilogot anu nonsaduakonmo aha ihansun.

IMAMAT 26:1

Tumpu notataemo, “Boli mombau Bapilogotan kabai mompotinjo patong kabai batu anu o ukin da osombah! Akumo na Tumpu Allah nu belemiu.

NAHUM 2:2

Totu-totu'u Tumpu po'ule'mo mompokopiani Israel da timbali po'ule' ma'ima' susumo u'utu mae tempo'nyo ma'isa pe'e binulingan nu sampo bali'.)

2 KORINTUS 5:16

Kalana aijo' kami madi'mo daagi' mongkila-kila mian susumo timbangan nu mian. Memang kami toho'mo nongkila-kila Kristus sumomo salaku ia mian, panyo uuka aiya madi'mo.

FILIPI 2:21

Anu iwi-iwi' sangga'at ola mongkalesang kapentingan nu posi butong nu aha, misa' kapentingan i Yesus Kristus.