HOSEA 1:7 - KITAB NU TUMPU ALLA LELE MA'IMAI'

⁷ Panyo bansa Yehuda Ku kalibosimo. Aku Tumpu, Tumpu nu aha momposalamatmo aha, panyo misa' kalana mahampate, ka' suele misa' kalana bajak, kabai pana', kabai ajahan ka' anu monsake'i.”

HOSEA 1:7 ပူးပေါင်းရင်းမြစ်များ

2 TOMU-TOMUNDO' 19:29

I Yesaya nompoto'imo potunonnyo hi Hizkia, “Aiyamo na bau tanda hi beleyum. Taun uuka aiya ka' taun aiya mae i ahop, mian mongkaanmo gandum anu mosi tumuu'. Panyo lapas aijo' aha timbalimo motugan gandum tiba anggur atina'je ka' nu kaan nu aha na hasinnyo.

2 TOMU-TOMUNDO' 19:34

Kota' Yerusalem Ku tinjohakonmo ka' Kujagaimo kalana kaholomatan-Ku, ka' kalana palajanjian-Ku hi posaihon-Ku i Daud.’ ”

2 TOMU-TOMUNDO' 19:35

Pihi-pihimo aitu na Malaikat nu Tumpu tinoka i kemah nu aha mian Asyur, ka' nompatei 185.000 na suludadu. Dodo-dodopnyo subu-subu bangke' nu aha haha aijo' paha-paha bahangkangmo.

2 TOMU-TOMUNDO' 6:18

Salatan mian nu Siria haha aijo' nontumbuhimo, i Elisa binalado'amo, “O Tumpu de timbali popahakon na mata nu mian haha aiya!” Do'a i Elisa i hongomo nu Tumpu, sahingga aha iwi-iwi' pinahamo.

MAZMUR 33:16

Tomundo' madi' sanangkalana suludadunyo da'isan suludadu madi' salamat kalana aha mahoson.

MAZMUR 44:7

Kalana aku madi' montakabunakon pana'ku maumo ahi' bajaku madi' momposalamat mae aku.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

NOSABATMO 14:30

Sinaa aijo' Tumpu nomposalamatmo bansa Israel tempo'nyo aha tinumbuhanmo nu aha mian Mesir, ka' aha nontoamo to bangke-bangke' nu aha mian Mesir singkapmo tinosasa i biwi nu bone'.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YEREMIA 25:5

Aha nompalentahmo belemiu da mompala'imo palabuatan nu belemiu anu ma'idek atina' ka' saja-saja'mo mombau dosa', da belemiu tataapmo jojoong ilipu' aiya anu binee'mo nu Tumpu hi belemiu ka' hi mompolee' nu belemiu salaku bau pusaka' nu belemiu.

YEREMIA 25:6

Nabi haha aijo' nontewa'mo belemiu da bolimo monsombah ka' palesaya hi to pilo-pilogot sangga'at. Aha nontewa'mo belemiu monsombah pilogot anu oposi bau nu belemiu, kalana aijo' monsaduakonmo da Tumpu motambuha'. De otulutimo na palentah nu Tumpu aijo' Ia madi'mo mohukum belemiu.

YEREMIA 33:26

sumo aijo'mo na Aku tataap ahi' na montoongi palajanjian-Ku tiba aha lee' mae i Yakub tiba posaihon-Ku i Daud. Samian na lee' mae i Daud Ku pile'imo da mompalentah lee' mae i Abraham, i Ishak, tiba i Yakub. Aku mongkalibosimo mian anu palesayamo hi Belengku, ka' po ule'mo mompojadi aha ko kamajuan i uno nu kantumuu'an nu aha.”

HOSEA 1:8

Salatan anak mami anu ko ohua'nyo madi'mo nonsusu bengkele'ku nompo'ule'mo pinoboa lantas nompohampemo samian na anak mo'ane.

ZAKHARIA 4:6

Malaekat aijo' nonsaimo aku da mamba mompotokakon hi Zerubabel potuunon nu Tumpu sumo uuka, “Misa' kalana kahosonan nu suludadu ka' mule' misa' posi kahosonan nu beleyum sahingga binala hasinmo, panyo ola ahi' kalana roh-Ku.

1 SAMUEL 17:47

Ka' iwi-iwi' na mian anu i aiya montoamo taalu' Tumpu madi' pilenje ko bajak kabai talombo' bau pomposalamat mian anu pinalesayamo hi Ia. Iamo na nontantukan mosia na mahampate aiya, ka' Iamo na saidi' mae mombee' belemiu hi lima mami.”