HOSEA 1:4 - KITAB NU TUMPU ALLA LELE MA'IMAI'

⁴ Tumpu notataemo hi belengku, “Sanggohi na anak nu beleyum aijo' i Yizreel kalana madi'mo pin Aku mohukumo tomundo nu Israel kalana palabuatan i Yehu nompateimo mompolee'nyo kiijo' i Yizreel. Aku madi'mo mompobee' lee' i Yehu na mompalentah.

HOSEA 1:4 ပူးပေါင်းရင်းမြစ်များ

2 TOMU-TOMUNDO' 10:1

I Tomundo' Ahab ko makumpunyo aha pitumpulu' i kota' Samaria. Kalana aijo' i Yehu nompakatumo sulat namba i Samaria hi mian anu nompotuu' makumpu i Ahab ka' hi anu balakuasa' ka' mule' hi to tu'a-tu'anyo i kota aijo'. Sulat aijo' sumo uuka na isinyo,

2 TOMU-TOMUNDO' 10:17

Sinaintoka kiijo' mae i Yehu nompateimo iwi-iwi' na aha sampo utusan i Ahab madi' kino samian pe'e na tinumuu'. Han aijo' jinadimo susumo apaa na anu tinaloakonmo nu Tumpu hi Elia.

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TOMU-TOMUNDO' 15:8

I taun kotolumpulu'nyomo ka' ualu' na i Tomundo' Uzia nompalentah Yehuda, i Zakharia anak i Yerobeam ko II nyo tinimbalimo tomundo' nu Israel ka' nompalentahmo i Samaria anom na bitu'on na kinopinnyo.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YESAYA 8:3

Mamanga ahi bengkele'ku pinoboamo. Salatan anak mami ihampemo, Tumpu nompoto'imo mae hi belengku, “Sanggohi na ia, ‘Pahangagoan Pande hondo, Montomang Malia' hondo.’

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 20:3

Dodododopnyo salatan i Pasyhur nompolapasmo aku madi'mo pinanga' tinaloakonkumo hi ia, “Sanggo anu ponsanggohije nu Tumpu beleyum misa'mo i Pasyhur, panyo ‘i Terormo mau pa' iyaya mae’.

YEHEZKIEL 23:10

Ia opakisa na ilanggo'an nu aha lantas pinateanmo nu bajak ka' mule' to ana-anaknyo ingangoan. Iyaya mae na uki'nyo aijo' me saja' bau sisik nu tobou-boune.

YEHEZKIEL 23:31

Beleyum nontihomo kalakuan nu utus tu'a nu beleyum, kalana aijo' beleyum Ku hukumo nu hukuman anu pokakana.”

HOSEA 1:6

Lapas aitu bengkele'ku aijo' nompohampemo anak anu ko ohua'nyo, anak boune. Tumpu notataemo hi belengku, “Hosea, sanggohi na anak nu beleyum aijo', ‘Anu Madi' Okalibosi’, saba' Aku madi'mo mongkalibosi mule' bansa Israel, ka' madi'mo hondo-hondo mongampuni aha.

HOSEA 1:9

Tumpu notataemo hi belengku, “sanggo hi na anak nu beleyum aijo' ‘Misa' mian anu palesamo hi beleng-Ku’ saba' mian nu Israel misa'mo mian-Ku anu palesaya, ka' Aku misa'mo Tumpu nu aha.”

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

HOSEA 9:17

Tumpu anu kuku bau na anu nu pokauhakon aijo', madi'mo daagi montalima mian-Nyo anu palesayamo hi Ia, kalana aha madi'mo mongka'oho' montuluti Ia. Aha solidi' mae memo saja' mamba momoya hi to bansa-bansa sangga'at.

AMOS 9:8

Akumo na Tumpu Anu Matangkas na Kuasanyo nompalahatikanmo kalaja'an nu Israel anu binaladosa'mo aiya, ka' Aku mohopu'imo aha i dunia aiya. Panyo tulunan i Yakub madi' iwi-iwi'mo na Ku hopu'i. Aku, Tumpu na notataemo.

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

LUKAS 1:13

Panyo koonyo nu malaikat aijo', “Boli mabuhuk, Zakharia! Tumpu mohongo do'aum. Bengkele'um i Elisabet tionyo mohampeakon samian na anak mo'ane. Beleyum tionyo monsanggohi ia, i Yohanes.

LUKAS 1:31

Beleyum poboa ka' mohampeakon samian na anak, ka' tionyo nu sanggohi Yesus.

LUKAS 1:63

I Zakharia nompoita sa'angu' na batu tulis, ka' tinulisnyo, “Sanggonyo, i Yohanes.” Aha iwi-iwi' binangangmo.

YOHANES 1:42

I Andreas nolaya' i Simon namba hi Yesus. I Yesus nondin i Simon, lantas notatae, “Beleyum i Simon anak i Yona. Beleyum osanggohije i Kefas.” (Kefas pokakanamo i Petrus, alati'nyo: bungkut nu batu.)

YOSUA 19:18

I uno nu da'erah nu aha minsoopmo: na Yizreel, Khesulot, Sunem,