HOSEA 1:11 - KITAB NU TUMPU ALLA LELE MA'IMAI'

¹¹ Bansa Yehuda tiba bansa Israel oposa'angu'mo mule'. Aha po'ule'mo mohangkat samian bau polaya', ka' aha timbalimo da'isan ka' sanangmo mule' i lipu' nu aha. Memang Sinaa nu Yizreel tinimbalimo sinaa anu opopodaka'!

HOSEA 1:11 ပူးပေါင်းရင်းမြစ်များ

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

YEREMIA 30:21

Tomundo' anu mompalentah belemiu ohangkat anu atina posi bansa nu belemiu Bebas na ia mompaha sumbu' mae tiba Aku de maluanyo ia Ku lagamo, mangadap mae hi beleng-Ku Kalana ihe na baani moko ala mangadap mae hi beleng-Ku de ola posi pongka'oho'nyo? Belemiu timbalimo mian anu palesayamo hi beleng-Ku ka' Aku timbalimo Tumpu Allah nu belemiu. Aku, Tumpu na anu nontaeakonmo aijo'.”

YEREMIA 30:3

Kalana tokaje mae na tempo'nyo po ule'mo Ku poko ima'i na kantumuu'an nu mian anu palesayamo hi beleng-Ku, Israel tiba Yehuda. Po ule'mo Ku boa na aha ilipu' anu binee'-Kumo hi mompolee' nu aha. Lipu' aijo' po ule' nu ala nu aha.”

YEREMIA 30:7

Sinaa anu okabuhuk hondo tokamo mae, sinaa anu madi' hondo-hondo ko gampanyo. Kona hi aha mian anu palesayamo hi beleng-Ku aijo'mo na sinaa anu okabuhuk hondo: panyo aha na Ku posalamatmo ahi.”

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:37

Po ule'mo Ku posihuk na bansa aiya lengkat mae ibansa iwi-iwi' tampat pipinongga'a-ga'atakonan-Ku aha kalana Aku pinusamo, ka' notambuha'mo hi aha. Aha Ku boamo mule' mae itampat aiya ka' Ku pobee'mo jojoong i aiya sahingga madi'mo ko anu mompoposia.

YEREMIA 50:19

Aku po ule'mo monsule'akon mian nu Israel ilipu' nu aha. Aha mongkaanmo isi nu ale' anu itano' nu Bungkutnyo Karmel tiba anu idaerah Basan. Aha mobosumo nu isi nu tano' anu i daerah Efraim tiba Gilead.

YEHEZKIEL 39:25

Tumpu Anu Matangkas na Kuasanyo notatae, “Panyo uuka aiya po ule'mo Ku kalibosi na aha mian nu Israel lee' i Yakub ka' po ule'mo Ku pokopiani na kantumuu'an nu aha. Tiba jalan anu sumo aijo' na Aku monjagai da sanggong-Ku tataap oholomati.

HOSEA 2:1

Kalana aitu lagamo na sangalu nu beleyum ka' osanggohi “Mian anu Palesayamo hi Tumpu Allah” ka' “Nukalibosimo nu Tumpu.”

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

ROMA 11:15

Kalana aha madi'mo tinalima nu Tumpu, sahingga pompahasumbu'an nu dunia tiba Tumpu mompo'ule'mo ma'ima'; apaa mule' de aha otalima nu Tumpu! Tantu aijo' pokakanamo sumo mian mate po'ule'mo tumuu'!