HAGAI 2:9 - KITAB NU TUMPU ALLA LELE MA'IMAI'

⁹ Laigan-Ku anu salaje binau lebemo hondo ma'ima' molingkuduimo anu u'utu mae, ka' ia aiya Ku bee'imo ka'amanan ka' mule' kabilahian i uno nu kantumuu'an hi aha bansang-Ku.” Tumpu Anu Daka na Kuasanyo na notataemo.

HAGAI 2:9 ပူးပေါင်းရင်းမြစ်များ

YESAYA 60:7

Mee', domba nu Kedar oboamo mae hi belemiu domba lakinyo lengkat mae i Nebayot pinosadiamo da okolobanakon nu belemiu. Koloban aijo' momposanang kinyonyoa nu Tumpu Ia nompokopiani ma'i-ma'ima' Laigan-Nyo anu o'angga'i.

YESAYA 66:12

Kalana Tumpu notataemo, “Belemiu Ku bee'ije kabilahian susumo kaunyo anu mo'ili; kakaya'an nu to bansa-bansa nuboaje mae hi belemiu susumo kanyo anu mosawe'mo. Belemiu sumomo anak anu oposusu ka' otangkung nu tinanyo, ka' osapu-sapumo aijo' tangku-tangkung hi ia.

YEHEZKIEL 43:5

Aku ihangkatmo nu Roh nu Tumpu ka' binoa-Nyomo na aku ipopasan anu sasu unonyo; ikiijo tinoangkumo na Laigan nu Tumpu sinaputmo nu jingka nu katokaan nu Tumpu.

HAGAI 1:8

Uuka aiya pindakomo aita puge-puge'nyo ka' pongala mae kau' lantas baumo na Laigan-Ku; sahingga Aku mongoa'imo sanang ka' mule' Aku osombahmo mule' susumo bau-baunyo anu sahondo-hondonyo. Soba palahatikan na ka'ada'an nu belemiu!

HAGAI 2:3

“Pa' daagi ko anu aiya hi belemiu na monsumbu' mosia na ko ima'nyo nu Laigan-Ku u'utu mae? Uuka aiya mosiamo na ka'ada'annyo de o'ala hi pikilan nu belemiu? Temisa' madi'mo ahi' ma'ima' na otoa?

ZAKHARIA 2:5

Tumpu binalajanji'mo tukoo-Nyo Iamo na timbali pagan apu na montikubi kota' aijo' da monjagai ka' mule' Ia jojoongmo ikiijo' tiba kakuasa'an-Nyo ka' Ia talasanggomo.”

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

YAKOBUS 2:1

To Utu-utusku! Salaku mian anu pinalesayamo hi Tumpu Yesus Kristus, Tumpu Anu Talasanggo hondo, boli ola komiu montoa ohup nu mian kalana hahan anu i dunia.