HAGAI 2:7 - KITAB NU TUMPU ALLA LELE MA'IMAI'

⁷ Iwi-iwi' na bansang Ku pokalangkabutmo ka' mule' halata' nu aha nu boamo mae nu aha sahingga Laigan-Ku mobuke'mo nu kakaya'an nu aha.

HAGAI 2:7 ပူးပေါင်းရင်းမြစ်များ

KAJADIAN 22:18

Iwi-iwi' na bansa i dunia mongkakaseje hi belengku da Ku balakati na aha susumo Aku nombalakatimo lee' nu beleyum – kalana beleyum nontulutimo palentah-ngKu.”

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

1 TOMU-TOMUNDO' 8:10

Tempo'nyo to ima-imam nosabatmo lengkat i Laigan nu Tumpu aijo', monti-montiik laigan aijo' sinaputmo nu kundom.

1 TOMU-TOMUNDO' 8:11

Kundom aijo' jinongkilabanmo kalana Tumpu anu daka' na kuasanyo tinokamo sahingga imam haha aijo' madi'mo noko ala po'ule' ninsoop mombau pakalaja'an nu aha.

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

MAZMUR 85:9

Aku nohongomo potatae nu Tumpu; ia nonjanji'mo ka'ima'an nu kantumuu'an hi kita, mian anu palesayamo hi Ia, asan kita bolimo po'ule' mombau dosa'.

YESAYA 2:19

Salatan Tumpu totinjomo ka' monggayu'mo dunia aiya mian singkapmo minsoop iliang anu i to puge-puge'nyo nu batu gahanggan kabai mongkekemo bolo' itano' da madi' nu kona nu tambuha' nu Tumpu ka' mule' kakuasa'an-Nyo anu talasanggo aijo'. De sinaa aijo' tokamo mae to pilo-pilogot anu mosoni' na binau kabai salaka nunu sombah nu aha aijo' nu pala'imo nu aha madi'mo nu kali-kalinga nu aha timbalimo bahagian nu bokoti' tiba poniki'.

YESAYA 60:4

Soba toa apaa na anu jinadimo atina' songko-songko hi belemiu; mian da'isan nosa'angu'mo da minsusule'mo hi belemiu. To ana-anak nu belemiu to momo'ane tinokamo lengkat mae itano' majo'on, to ana-anak boune nu belemiu otangkungmo mae.

YESAYA 60:7

Mee', domba nu Kedar oboamo mae hi belemiu domba lakinyo lengkat mae i Nebayot pinosadiamo da okolobanakon nu belemiu. Koloban aijo' momposanang kinyonyoa nu Tumpu Ia nompokopiani ma'i-ma'ima' Laigan-Nyo anu o'angga'i.

YEHEZKIEL 21:27

Kota' aiya Ku hansunimo ingko-ingkot sahingga iyaya mae daagi' ko anu ihansunmo. Panyo han aijo' jadije ahi' de mian anu pinile'an-Kumo mohukum kota' aiya tokamo mae. Hi iamo ahi' na pombee'an-Ku kota' aiya'.’ ”

YEHEZKIEL 31:16

De kau' aijo' Ku tau'akonmo i dunia nu mian anu sinilakamo, lintupnyo nu ia manabu' mompojadimo mabuhuk to bansa-bansa. Iwi-iwi' na kau' i uno nu Eden ka' to kau-kau' anu toto ima-ima' anu daagi' i Libanon anu nohumpakmo nolabi-labi na uee ka' anu nintatau'mo i dunia anu kaiyong mae hondo i aluknyo sanangmo kalana nanabu'mo na kau' aijo'.

YEHEZKIEL 38:19

Ka' Aku motambuha'mo ka' mule' motomuhukmo ka' sinaa aijo' daagi'mo ko lulu' anu daka' hondo ilipu' nu aha Israel.

YEHEZKIEL 44:4

Lapas mule' mo'ane aijo' nomboamo aku i sabatan daka' sasu utara anu mompaha ahop tiba Laigan nu Tumpu. Aku nompalahatikanmo ka' tinoangkumo na Laigan nu Tumpu aijo' jiningkanmo nu jingka anu jongkilaban salaku tandanyo tinokamo na Tumpu. Lantas aku tinolodadupumo ka' nonsombahmo,

HAGAI 1:8

Uuka aiya pindakomo aita puge-puge'nyo ka' pongala mae kau' lantas baumo na Laigan-Ku; sahingga Aku mongoa'imo sanang ka' mule' Aku osombahmo mule' susumo bau-baunyo anu sahondo-hondonyo. Soba palahatikan na ka'ada'an nu belemiu!

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

LUKAS 19:47

Sansina-sinaa i Yesus mompogulu' i Laigan nu Tumpu. Kapala nu to ima-imam tiba gulu-gulu' agama, tiba to tu'a-tu'anyo nu Yahudi mongindi da o pateimo na Ia,

LUKAS 2:27

Kuasa nu Roh nu Tumpu na nonggai-gai' i Simeon ninsoop nokiijo' i Laigan nu Tumpu. Tempo'nyo aijo' i Yusuf ka' i Maria nomboa i Yesus ninsoop anu daagi' ise' aijo' da mombau atulan anu nu palentahkon nu atulan nu agama.

LUKAS 2:46

Kino itolunnyo na nolio, i humpakje nu aha na Ia i uno nu Laigan nu Tumpu. Ia hau-haunyo suha-suhang mohongo gulu-gulu' agama, ka' mompoki-pokilawa.

LUKAS 20:1

Daagi' kino sansinaan, i Yesus hau-haunyo mompogulu' ka' mompolele Lele Ma'ima' lengkat hi Tumpu, hi to mia-mian i uno nu Laigan nu Tumpu. Kapala nu to ima-imam, gulu-gulu' agama tiba to pola-polaya' nu Yahudi, tinokamo

LUKAS 21:38

Iwi-iwi' na mian saja' toka daagi' subu i Laigan nu Tumpu mohongo i Yesus mompogulu'.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

GALATIA 3:8

Kitab nu Tumpu nontoamo momonanyo saba' Tumpu mompobee' to mia-mian misa' Yahudi mompo'ule'mo ma'ima' tiba Tumpu Allah, de aha palesaya hi Ia. Lele Ma'ima' aijo' pinoto'imo momonanyo hi Abraham i uno nu anu jinanji'mo sumo uuka, “Kalana beleyum, Tumpu mombalakatije iwi-iwi' na manusia i dunia aiya.”

KOLOSE 2:9

Kalana iwi-iwi' na lupa nu Tumpu daagi'mo hi Kristus, aijo'mo lupanyo anu sumo mian.