HAGAI 2:6 - KITAB NU TUMPU ALLA LELE MA'IMAI'

⁶ Madi'mo pin na tempo'nyo Ku tenenggohimo na langit tiba katano'an tiba ambai.

HAGAI 2:6 ပူးပေါင်းရင်းမြစ်များ

AYUB 9:6

Tumpu Allah mompotimbali lulu' sahingga dunia mokohenggo, ka' ohi' anu montungkon dunia gayu'anmo.

MAZMUR 18:7

I uno nu kasusa'anku aku nongkakasemo hi Tumpu, aku nolobo'mo hi Tumpu-ngku mongkakase da otulungi. Kiita' mae i laigan-Nyo i hongo-Nyomo mae na potataengku ka' nontutugiakonmo mae apaa na anu kinakase'kumo.

MAZMUR 37:10

Mian anu ma'idek na kinyonyoanyo na sampa magalis de maluanyo olio, ia madi'mo daagi'.

YESAYA 10:25

Madi'mo daagi' pin pusa-Ku hi belemiu madi'anmo, lantas aha Ku pateimo.

YESAYA 13:13

Ku pojadimo na langit tananggahan ka' tano' gayu'an itampatnyo de tokamo na sinaanyo Aku, Tumpu Anu Daka' na Kuasanyo mompotoamo tambuha'-Ku.

YESAYA 2:19

Salatan Tumpu totinjomo ka' monggayu'mo dunia aiya mian singkapmo minsoop iliang anu i to puge-puge'nyo nu batu gahanggan kabai mongkekemo bolo' itano' da madi' nu kona nu tambuha' nu Tumpu ka' mule' kakuasa'an-Nyo anu talasanggo aijo'. De sinaa aijo' tokamo mae to pilo-pilogot anu mosoni' na binau kabai salaka nunu sombah nu aha aijo' nu pala'imo nu aha madi'mo nu kali-kalinga nu aha timbalimo bahagian nu bokoti' tiba poniki'.

YESAYA 29:17

Daagi' kokantuang anu nontaloakon, “Madi'mo daagi' pin alas timbalimo tano' anu baumo pongale'an ka' mule' tano' anu pinongale'anmo po ule'mo timbali alas.”

YESAYA 34:4

Batu nu sinaa, bitu'on ka' mule' iwi-iwi na mandala' hansunmo. Langit olulunmo susumo lulunan nu kalatas. Iwi-iwi na mandala' singkapmo manabu' susumo hon nu kau' anu mohontangmo.

YEREMIA 33:14

Tumpu notatae, “Tokaje mae na tempo'nyo Ku ganapimo na palajanjian-Ku anu binaung-Kumo hi aha Israel ka' hi aha Yehuda.

YEREMIA 51:33

Madi'mo daagi' pin aha opatundu'mo ka' opahampeja'akonmo nu sampobali' susumo gandum itampat pongututan gandum. Aku, Tumpu Anu Mahakuasa, Tumpu Allah Israel, no tataemo.”

YEHEZKIEL 38:19

Ka' Aku motambuha'mo ka' mule' motomuhukmo ka' sinaa aijo' daagi'mo ko lulu' anu daka' hondo ilipu' nu aha Israel.

YEHEZKIEL 38:20

Iwi-iwi' na ikan tiba tomonsi', iwi-iwi' na binatang anu daka' tiba anu ise', ka' iwi-iwi' na mian anu aiya i dunia, nu lakatmo nu buhuk na mongahopi Aku. To bungku-bungkutnyo motuha-tuhanmo, to kele-keles mule' motuha-tuhanmo ka' pagan mesen iwi-iwi' mohobo-hobo'mo.

YOËL 3:16

Tumpu notataemo daka-daka' aita' mae i bungkutnyo nu Sion, lengkat mae i Yerusalem sumomo ahi' gohung na potatae-Nyo. Langit tiba tano' ginayu'anmo kalana kakuasa'an-Nyo. Panyo Tumpu tataap monsangaja'i ka' monjagai Israel, mian-Nyo anu palesayamo.

SISIKON NU TO RASUL-RASUL 2:19

Aku mompodaagi'je anu okabangangi aita' mae i langit, ka' hahan anu daka' i aluk nu dunia aiya; daagi' saidi' mae ko baso' ka' apu, mombuun ka' tibuk.

IBRANI 10:37

Kalana i uno nu Kitab nu Tumpu tinulismo, “Madi'mo pin; Ia anu tokaje mae aijo', malia-lia'mo toka; Ia madi'mo montanda'i pipin pa'hipianje na Ia toka.

ANU PINOTO'I HI YOHANES 11:9

To mia-mian lengkat mae i iwi-iwi' na negara, tulunan, basa', ka' bansa na montoa aha anu sinilakamo kopinnyo totolu' ka' mintonga' na sinaa, ka' madi' mompobee' anu sinilakamo haha aijo' o lamun.