HAGAI 2:22 - KITAB NU TUMPU ALLA LELE MA'IMAI'

²² to kala-kalaj'an Ku ideimo ka' mule' kuasa nu aha Ku hansunimo. Iwi-iwi' na kareta anu bau pahampate tiba anu mompojalan Ku bali-balikakonmo; iwi-iwi' na ajahan mohopu'mo ka' mule' anu monsake'i mompaha pate-pateimo.

HAGAI 2:22 ပူးပေါင်းရင်းမြစ်များ

2 TAWARIKH 15:6

Bansa sangga'at monsakisamo bansa sangga'at, kalana pinotokamo nu Tumpu na pahampatean anu sidamo hondo hi aha.

2 TAWARIKH 20:22

Tempo'nyo anu manyanyi haha aijo' lewa'mo na nyanyi hoso-hoson pinotabuntala'mo nu Tumpu na suludadu nu sampo bali' anu montampu'unimo mae nontumbuhi.

2 TAWARIKH 20:23

Suludadu nu Amon ka' Moab montumbuhimo suludadu nu Edom, ka' nompateimo aha iwi-iwi'. Lapas aijo' aha nompaha pate-pateimo samian ka' samian.

MAZMUR 46:9

Imbo' toa pa' apaa na anu binaumo nu Tumpu; talalo ahi' okabangangi na anu binau-Nyomo i dunia aiya!

MAZMUR 76:6

To mia-mian anu baani ingagoanmo; aha ka' madi'mo daagi' mobula. To sulu-suludadu anu toto babaani hondo madi'mo nahoson.

NOSABATMO 14:17

Mian nu Mesir Ku potimbalimo da panggaga sahingga aha salolo-loloi'nyomo mian nu Israel, sahingga Ku potoamo na kakuasa'an-Ku hi tomundo nu Mesir, suludadunyo, to kale-kaletanyo, tiba anu nonsake'i.

NOSABATMO 14:28

Ambai tinolo ule'mo ka' nolomosimo to kale-kaleta, anu monsake'i ka' iwi-iwi' na suludadu nu Mesir anu nontu-nontumput mian nu Israel nokiijo' i totonga' nu ambai sahingga natemo iwi-iwi'.

NOSABATMO 15:19

Salatan aha mian nu Israel notaapmo i ambai, aha i lumajangmo i lananyo anu notismo. Panyo salatan to kale-kaleta nu aha Mesir tiba ajahan ka' anu sinumake' nokiijo'mo i ambai, Tumpu po'ule'mo nompotimbali ueenyo no ili sahingga aha nolomosmo.

NOSABATMO 15:4

Suludadu nu aha Mesir ka' iwi-iwi' na kaletanyo ingalin-Nyomo i uno nu ambai. To kapa-kapala nu suludadu anu baani hondo nolomosmo i Ambai Gelagah.

YESAYA 19:2

Tumpu notataemo, “Aku mompojadimo pahampatean utus mongewa utusnyo i Mesir: Anu mompaha ohani laigan mompaha ewa-ewamo kota' mongewamo kota', kalaja'an mongewamo kalaja'an.

YESAYA 60:12

Bansa tiba kalaja'an anu madi' mongka'oho' tulut hi beleyum osilakaimo ka' mingkotmo.

YESAYA 9:19

Isongko-songko na lipu' aijo' mian mo agomo maumo pa' apaa na anu timbali okaan panyo madi' mongoa'i mobosu. Aitu pe'e to sanga-sangalu nu aha na kaanmo nu aha!

YEHEZKIEL 21:27

Kota' aiya Ku hansunimo ingko-ingkot sahingga iyaya mae daagi' ko anu ihansunmo. Panyo han aijo' jadije ahi' de mian anu pinile'an-Kumo mohukum kota' aiya tokamo mae. Hi iamo ahi' na pombee'an-Ku kota' aiya'.’ ”

YEHEZKIEL 26:16

Montoa uki' nu beleyum anu sinumo atina'mo, sahingga to tomu-tomundo' nu bansa-bansa anu isonibi nu ambai tuminjomo madi'mo sumuhang i tahtanyo ka' nu ukatmo nu aha na baju' pesalin tiba baju' nu aha anu sinujian, lantas sumuhangmo panyo nu lakatmo aijo' itano'. Aha mabuhukmo ahi' hondo sahingga madi'mo tenda na nu oa'i nu aha.

YEHEZKIEL 38:21

Lantas i Gog Ku potolokengkengmo nu ngangahan nu balaa'. Aku, Tumpu Anu Matangkas na Kuasanyo notataemo. Suludadunyo mompaha pate-pateimo na posi aha nu bajak nu aha.

YEHEZKIEL 39:20

I meja'-Ku aha mompobosumo kompong nu aha tiba iwi-iwi' na ajahan ka' anu monsake'i ajahan haha aijo' tiba to sulu-suludadu. Aku, Tumpu Anu Matangkas na Kuasanyo notataemo.”

DANIEL 8:25

Kalana ia pande hondo na lewa' mongakali sahingga saja' jadi na anu nu kahanda'i. Ia montakabunakonmo butongnyo ka' madi' pilenje mompoto'i pe'e nu hopu'imo na mian manjoo' hondo. Ka' mule' ia baani hondo na mongewa Tomundo' Anu Daka' na Kuasanyo. Panyo ia saidi' mae ohansunimo mau madi' pilenje ko kahosonan nu mian.

AMOS 2:15

Anu topo pana' madi'mo daagi' moko tahan anu, mopadeka' malia' madi'mo daagi' moko ala mompalaiakon butong ka' anu monsake'i ajahan madi'mo ko kaluputannyo.

MIKHA 5:10

To kota-kota' anu bau babentengan nu lipu' nu belemiu Ku hansunimo ka' mule' iwi-iwi' na benteng nu belemiu Ku tua'akonmo.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

MIKHA 5:9

Tumpu notatae, “Toka itempo'nyo aitu Ku hopu'imo na ajahan nu belemiu iwi-iwi' ka' mule' Ku hansunimo na to kare-kareta nu belemiu anu bau pahampate.

MIKHA 7:16

Da iwi-iwi' na bansa montoaje han aijo' ka' ma'ambangmo kalana aha tonginau'mo talu' iwi-iwi' na kahosonan nu aha madi' ahi' ko alati'nyo apa-apaa. Madi' ko anu nupisumbu-sumbu' nu aha sahingga madi'mo daagi' moko ala motatae kabai mohongo.

ZEFANYA 3:8

Panyo jaga mae! Tanda'imo na sinaanyo. Aku tuminjomo susumo anu mongkalak. Kalana pinutusan-Kumo da oposihukmo na to bansa-bansa tiba to kala-kalaja'an da Ku pokonamo na tambuha'-Ku hi aha. Songko-songko na dunia mingkotmo nu kaan nu apu nu tambuha'-Ku.

ZAKHARIA 10:11

De aha motaapmo i ambai anu memang talalo ahi' mahan, Aku, Tumpu na monsapahije bokon anu toto daka-daka'; sahingga Kaunyo nu Nil, timbalimo inanggasan na lananyo. Bansa Asyur anu talalo takabun ma'ambangmo, ka' Mesir anu baani hondo madi'mo balakuasa.

ZAKHARIA 10:5

Mian anu jojoong i Yehuda untungmo na mahampate susu mo suludadu anu lewa'mo mompahampeja'akon sampobal' sumo hensek aitu i jalan. Aha mahampate kalana Aku, Tumpu na montulungi aha, ka' suludadu nu sampobali' momon sake'i ajahan nu patundu'mo nu aha iwi-iwi'.

ZAKHARIA 12:9

I sinaa aijo' Ku silakaimo na to bansang-bansang anu monsoba-soba montumbuhi Yerusalem.

ZAKHARIA 14:3

Lantas Tumpu mompahampateakonmo mongewa bansa haha aijo' susumo anu binau-Nyomo tempo'nyo naipuan mae.

ZAKHARIA 4:6

Malaekat aijo' nonsaimo aku da mamba mompotokakon hi Zerubabel potuunon nu Tumpu sumo uuka, “Misa' kalana kahosonan nu suludadu ka' mule' misa' posi kahosonan nu beleyum sahingga binala hasinmo, panyo ola ahi' kalana roh-Ku.

ZAKHARIA 9:10

Tumpu notatae, “Kareta-kareta anu bau pahampate anu lengkat mae i Efraim, Ku alinje, iwi-iwi' na ajahan nu Yerusalem Ku hopu'ije, ka' iwi-iwi' na pana' Ku hansunije. Tomundo' nu belemiu mombebakonje paladamean hi aha to bansa-bansa. Lengkat mae i ambai mamba i ambai na ia balakuasa, lengkat mae i Kaunyo nu Efrat toka-toka i puusnyo nu dunia.”

MATIUS 24:7

Bansa sa'angu' mahampate mongewa bansa sangga'at, ka' negara sa'angu' montumbuhi negara sa'angga'at. Iyayamae timbalimo na kapo'ohopan ka' luulu'.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

TO MIA-MIAN KOPIAN 7:22

Salatan i Gideon tiba to mia-mian sangalunyo nompuhimo tolompet nu aha, Tumpu nompotimbalimo suludadu nu sampobali' haha aijo' nompaha taba-tabasmo samian ka' samian nu bajak. Aha nalaimo i sasu Zerera kojo'onnyo tinoka-toka i Bet-Sita tiba i kota Abel-Mehola koko Tabat.

1 SAMUEL 14:16

Hau-haunyo aijo' suludadu i Saul anu nosa'angu'mo kiijo' i Gibea i daerah nu aha mian nu Benyamin notataemo koonyo aha mian nu Filistin naha popadeka'anmo ka'biningongmo.