HAGAI 2:18 - KITAB NU TUMPU ALLA LELE MA'IMAI'

¹⁸ Sinaa aiya tanggan uampulu' ka' opat bitu'on ko osio'nyomo pundasi nu Laigan-Ku noko baumo! Palahatikan apaa na anu jinadimo mulai sinaa uuka.

HAGAI 2:18 ပူးပေါင်းရင်းမြစ်များ

EZRA 4:24

Laigan nu Tumpu madi'mo binau ka' madi'mo tinusakon sampe tinoka i taun ko ohua'nyomo na i Darius Tomundo nu Persia nompalentah.

IMAMAT 19:25

I taun ko olima'nyoje atinaje' ka' bua'nyo timbalimo okaan. De atulan aijo' obau nu belemiu iwi-iwi', kau' anu okaan na bua'nyo aijo' mompaka pahampemo. Akumo na Tumpu Allah nu belemiu.

HAGAI 2:10

I tanggan uampulu' ka' opat bitu'on ko osio'nyomo i taun ko ohua'nyomo na i Tomundo' Darius nompalentah, Tumpu Anu Daka na Kuasanyo notataemo hi Nabi Hagai.

HAGAI 2:15

Tumpu notatae, “Soba, palahatikan apaa na anu jinadimo ma'isa pe'e tinoka isinaa aiya, aijo'mo ma'isa pe'e Laigan-Ku aiya pinoko ima'an! Mosiamo ahi' na ka'ada'an nu belemiu tempo'nyo aitu?

ZAKHARIA 4:9

Pinoto'i-Nyo, “I Zerubabel nompotimpasmo pundasi nu Laigan-Ku, ka' ia na mompojadi iwi-iwi' na laigan aijo'. De aijo' jadimo mian-Ku anu palesayamo monsumbu'je talu' Akumo na anu nompalentah mae beleyum Zakharia namba mae hi aha.

ZAKHARIA 8:12

Aha monsa'u bine' madi'mo ko anu mompoposia. Sagala anggur nu aha mimbua'mo ka' mule' tano' ko hasinnyomo ka' mule' ujan tudunmo mae manjo-manjoo'. Iwi-iwi' na balakat haha aijo' Ku bee'mo hi to mia-mian anu daagi' tutuu' i bansa aiya.

ZAKHARIA 8:9

Tumpu notataemo hi mian anu palesayamo hi Ia, “Pohoson na kinyonyoa nu belemiu! Uuka aiya belemiu mohongomo potatae anu toho'mo tinaloakon nu to nabi-nabi tempo'nyo pundasi binaumo da bau pompotinjoan Laigan-Ku.

PO'ULE' INGULIT 32:29

De aha pande, aha mangalati'mo, ka' mompopikilakonmo apaa na anu saidi' mae jadi i mihinyo hi aha.