HAGAI 2:17 - KITAB NU TUMPU ALLA LELE MA'IMAI'

¹⁷ Aku nontudunakonmo mae baleba' mapanas tiba ujan batu da mongidei sinin na hasin nu ale nu belemiu panyo belemiu madi' ahi' nongka'oho' ninsusule'mae hi beleng-Ku.

HAGAI 2:17 ပူးပေါင်းရင်းမြစ်များ

KAJADIAN 42:23

Nusumbu' i Yusuf na sisik nu aha, panyo aha madi' monsumbu' han aijo', kalana aha basisik tiba i Yusuf pinotokakon nu samian anu monsumbu' basisik i basa' nu Mesir.

KAJADIAN 42:27

I tampat aha sinonso' nale, sala'samian anu aitu hi aha nombukaimo kalung nu gandumnyo da mongala bau pompakan keledainyo. Tinoanyomo na doinyo tudu-tudu i gandum aijo'.

KAJADIAN 42:6

Anu mompobaluk gandum hi to mia-mian anu nolengkat mae i songko-songko na dunia aijo'mo i Yusuf, salaku gubernur kiijo' i Mesir. Kalana aijo' to utu-utus tu'a i Yusuf tinokamo ka' tinolo dadupu i ahopnyo.

1 TOMU-TOMUNDO' 8:37

De lipu' aiya nu tokai nu kasusa'an i anu o kaan kabai panyakit anu molele ka' anu o su'an iwi-iwi' ola manggas nu posinaa, koe'on kabai nu kekedi nu kihi-kihi', kabai de mian anu pinalesayamo hi Belento nu tumbuhi nu sampo bali' kabai nu tokai mae nu panyakit,

2 TAWARIKH 28:22

I uno nu han anu talalomo hondo sinusa' aijo', i Ahas ola mule' ahi' nompaka baladosa'mo hi Tumpu.

2 TAWARIKH 6:28

De lipu' aiya kakulanganmo i anu o kaan kabai panyakit anu molele tokamo mae i lipu' aiya, kabai tempo' nu posinaa tokamo sahingga anu osu'an ola manggas, kabai koe', kabai kihi-kihi', kabai de mian anu pinalesayamo hi belento aiya nutumbuhimo mae nu sampo bali', kabai nutokamo mae nu panyakit,

AYUB 36:13

Mian anu madi' palesaya Tumpu saja' motambuha' i uno nu kinyonyoanyo; mau nuhukumo nu Tumpu, madi' mongka'oho' na aha momoita tulung.

MAZMUR 128:2

Beleyum mongkaanmo hasin nu anu nu kalaja, kantumuu'an sukupmo ka' mongoa'imo kasanangan.

MAZMUR 78:46

Ianompotokamo mae koe' tiba kihi-kihi' anu nongingkotimo bua' nu sosu'anon ka' isi nu ale'.

YESAYA 28:2

Tumpu monsaimo mamba hi aha samian anu mahoson ka' mule' baani. Ia toka mae sumo antong anu makansang hondo hingga-hinggat mae tiba ujan eis nu sumomo ahi ujan puhos ka' mule' iaba' anu timbali monganjuhakon. Kalana kabohosannyo nu lumbu'akonmo na aha mokiita' ikatano'an.

YESAYA 37:27

Aha to mia-mian anu jojoong ikiijo' mae madi'mo daagi' moko ala batanga' mombau apa-apaa; aha tolokengkengmo ka' mabuhukmo. Aha sumomo hemput i padang kabai hemput anu tumuu' aita' ibuan nu atop anu manggasmo de nupuhimo nu mombun anu lengkat mae i sasu kabete'an anu mapanas.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

YESAYA 62:8

Tumpu nonsumpa'mo palajanjian-Nyo ka' nu pojadimo nu kuasa-Nyo: “Aku madi'mo daagi' mombee' gandum nu beleyum hi sampobali' nu beleyum; anu kinalaja nalawe hondo nu beleyum sampe nohumpak hasinnyo.

YESAYA 9:13

Kalana aijo' i uno nu sansinaa Tumpu nohukumo to pola-polaya' nu aha Israel tiba aha mian da'isan. Kinolong-Nyomo ka' ingalin-Nyomo na ubaknyo tiba ikunyo.

YEREMIA 3:24

Sola' monsombah Baal, pilogot anu moko ambang aijo' ola ahi' da nonsaduakonmo kami da madi'mo kino to ana-anak mami ka' mule' potuu'on sapi' tiba domba, iwi-iwi' aijo' anu ingusahakonmo nu mompolee' mami salatanmo pe'e naipuan mae.

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

AMOS 4:6

Akumo na anu mombee'i balaa' ka ohopan hi belemiu iwi-iwi' na kota' nubelemiu, panyo belemiu madi' po'ule' minsusule' mae hi beleng-Ku.

HAGAI 1:11

Pinotokang-Kumo mae na sinaa nontimpa'i tano' ka' to puge-puge'nyo ka' mule' sinin na ale' nu gandum ka' mule' sinin na ale' nu zaitun ka' iwi-iwi' na anu sinu'an i tano' aiya nanggasmo ka' suele manusia tiba binatang iwi-iwi' anu ingusahakonmo nu belemiu.”

HAGAI 1:6

Belemiu notuganmo manjoo' hondo na bine' panyo anu pinadak ola sangkiding. Belemiu daagi ko anu okaan panyo madi' mobosu. Belemiu daagi ko anggur panyo madi' sukup mongosai kinyonyoa nu belemiu. Belemiu ko pakean panyo madi' sukup na momamuti butong nu belemiu.' Ka' tambo anu ohumpak nu anu mongala tambo na mian madi' sukup na montanggungi kapalaluan nu aha.

HAGAI 1:9

Belemiu montaha'imani hasin nu ale' anu ugaat molabi-labi pada han anu ohumpak nu belemiu ola sangkiding hondo; oboa nu belemiu na aijo' panyo hasinnyo anu opadak nu belemiu aijo' Ku puhakonmo sahingga ola mingkot nutilahabakon nu mombun. Kadaka' Ku bau sumo aijo'? Makisudnyo aijo'mo: Kalana Laigan-Ku daagi susumo laigan anu na'idekmo sadangkan belemiu iwi-iwi' na pagala ahi' mombau laigan nu belemiu toto samian.

HAGAI 2:16

Belemiu nambamo nontoa tambulan nu gandum ka' aupe'e ahi' mohumpak 200 na kilogram na gandum, panyo taalu' ola ahi' 100 na kilogram. Belemiu mamba kahanda' montauk 100 na liter na anggur aijo' igumbang nu anggur panyo anu ikiijo' ola ahi' 40 na liter.

MALEAKHI 3:11

Aku madi'mo ola mompopilaya koe' lewa' montimili bua' nu ale' nu belemiu, iwi-iwi' na anggur nu belemiu mahampemo na mimbua'.

PO'ULE' INGULIT 28:22

Tumpu mohukumo belemiu iwi-iwi' nu panyakit anu molele, singkaap bangkak ka' monsihabi. Nu potokamo mae na posinaa daka' ka' mombun anu montoyo'i, sahingga anu opadak nu belemiu ma'idekmo. Balaa' haha aijo' saja'mo mongkona belemiu sampe belemiu silaka.

ANU PINOTO'I HI YOHANES 2:21

Binee'-Kumo na ia na kasampatan da balatobatmo i to dosa-dosa'nyo, panyo ia madi' mongka'ima'i montibahakon hahan masala' aijo'.