HAGAI 2:16 - KITAB NU TUMPU ALLA LELE MA'IMAI'

¹⁶ Belemiu nambamo nontoa tambulan nu gandum ka' aupe'e ahi' mohumpak 200 na kilogram na gandum, panyo taalu' ola ahi' 100 na kilogram. Belemiu mamba kahanda' montauk 100 na liter na anggur aijo' igumbang nu anggur panyo anu ikiijo' ola ahi' 40 na liter.

HAGAI 2:16 ပူးပေါင်းရင်းမြစ်များ

YESAYA 5:10

Isi nu ale' madi'mo ko anu ohumpak, ale' nu anggur anu ko ewanyo sampulu' na hektar hasinnyo me sampulu' na liter na ueenyo. Sa'atu na liter na bine' nu gandum hasinnyo mae ola sampulu' na liter na gandum.”

YEREMIA 48:33

Taligala nu lame' imadi'anmo ilipu' nu Moab anu ma'omuk hondo aijo'. Ku pobelentimo na anggur mo ili lengkat mae ipakakas pompao'an anggur; madi'mo daagi' ko mian anu mombau anggur ka' montaligalaimo kalana lame'mo.

HAGAI 1:6

Belemiu notuganmo manjoo' hondo na bine' panyo anu pinadak ola sangkiding. Belemiu daagi ko anu okaan panyo madi' mobosu. Belemiu daagi ko anggur panyo madi' sukup mongosai kinyonyoa nu belemiu. Belemiu ko pakean panyo madi' sukup na momamuti butong nu belemiu.' Ka' tambo anu ohumpak nu anu mongala tambo na mian madi' sukup na montanggungi kapalaluan nu aha.

HAGAI 2:15

Tumpu notatae, “Soba, palahatikan apaa na anu jinadimo ma'isa pe'e tinoka isinaa aiya, aijo'mo ma'isa pe'e Laigan-Ku aiya pinoko ima'an! Mosiamo ahi' na ka'ada'an nu belemiu tempo'nyo aitu?

HAGAI 2:17

Aku nontudunakonmo mae baleba' mapanas tiba ujan batu da mongidei sinin na hasin nu ale nu belemiu panyo belemiu madi' ahi' nongka'oho' ninsusule'mae hi beleng-Ku.

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.