HAGAI 1:9 - KITAB NU TUMPU ALLA LELE MA'IMAI'

⁹ Belemiu montaha'imani hasin nu ale' anu ugaat molabi-labi pada han anu ohumpak nu belemiu ola sangkiding hondo; oboa nu belemiu na aijo' panyo hasinnyo anu opadak nu belemiu aijo' Ku puhakonmo sahingga ola mingkot nutilahabakon nu mombun. Kadaka' Ku bau sumo aijo'? Makisudnyo aijo'mo: Kalana Laigan-Ku daagi susumo laigan anu na'idekmo sadangkan belemiu iwi-iwi' na pagala ahi' mombau laigan nu belemiu toto samian.

HAGAI 1:9 ပူးပေါင်းရင်းမြစ်များ

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

2 SAMUEL 22:16

Lana nu ambai tinabuka'mo ka' suele babatungo nu dunia tinabuka'mo tempo'nyo Tumpu nonsegaimo iwi-iwi' na sampo bali'nyo kalana Ia pinusamo.

2 TOMU-TOMUNDO' 19:7

Nu bauje nu Tumpu hi tomundo' Asyur da mohongo sa'angu' na lele anu madi' totu'u sahingga ia ninsusule'mo i kampungnyo ka' i kiijo' mae ia opateimo.”

AYUB 10:2

O Tumpu Allah, bolimo nupisala'i mae Nu belento na aku; potalangakonmo mae kadaka' aku Nu ewamo mae nu Belento.

AMSAL 11:24

Daagi ko mian anu saja' mongka'oho' mombee'i panyo ola ahi' mompaka kaya, panyo daagi ko mian anu madi' bebea na mompake apa-apaa padahan ola ahi' mompaka kasiasi hondo.

AMSAL 27:20

I dunia nu mian anu sinilakamo saja' daagi ko tampat; sumo aitu mule' na anu nu indi nu manusia madi' ko batasnyo.

ANU MOMPOLELE POTATAE NU TUMPU 1:8

Iwi-iwi' mongosaimo ka' kapa'osan madi'mo opoko ala otaeakon. Matanto aiya madi' ko kapobosuannyo na lewa' monjonohi, bihingto suele madi' kokapa'osannyo na mohongo.

YESAYA 40:7

Hemput manggasmo ka' bunga-bunga magayoumo, de Tumpu mompuhakon mae mombun anu mapanas. Totu-totu'u bansa aijo' sumo hemput.

YESAYA 5:10

Isi nu ale' madi'mo ko anu ohumpak, ale' nu anggur anu ko ewanyo sampulu' na hektar hasinnyo me sampulu' na liter na ueenyo. Sa'atu na liter na bine' nu gandum hasinnyo mae ola sampulu' na liter na gandum.”

YEREMIA 12:13

Mian anu palesayamo hi beleng-Ku montugan gandum panyo ola ahi' hii' na ihumpak na hasinnyo. Aha binala usahamo ahi' totu-totu'u, panyo usaha nu aha madi' ahi' ko anu ihumpak apa-apaa. Aku notambuha'mo hondo' sahingga madi'mo jinadi na aha nohumpak bua'nyo.”

YEHEZKIEL 21:31

Ku potudunmo na tambuha'Ku anu inoakmo susumo apu hi belemiu. Ka' belemiu Ku bee'mo hi to mia-mian anu talalo buhingison anu memang ahi' ingajanmo na mompatei.

IMAMAT 19:25

I taun ko olima'nyoje atinaje' ka' bua'nyo timbalimo okaan. De atulan aijo' obau nu belemiu iwi-iwi', kau' anu okaan na bua'nyo aijo' mompaka pahampemo. Akumo na Tumpu Allah nu belemiu.

HAGAI 1:4

“O mian-Ku anu pinalesayamo pa' tinokamo na tempo'nyo belemiu jojoong i unonu laigan anu ma'ima' an ka' madodo, yo aijo' Laigan-Ku me susumo laigan anu na'idekmo?

HAGAI 1:6

Belemiu notuganmo manjoo' hondo na bine' panyo anu pinadak ola sangkiding. Belemiu daagi ko anu okaan panyo madi' mobosu. Belemiu daagi ko anggur panyo madi' sukup mongosai kinyonyoa nu belemiu. Belemiu ko pakean panyo madi' sukup na momamuti butong nu belemiu.' Ka' tambo anu ohumpak nu anu mongala tambo na mian madi' sukup na montanggungi kapalaluan nu aha.

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

PO'ULE' INGULIT 28:38

Manjoo' na bine' anu osauu nu belemiu, panyo sangkiding na bua'nyo anu o humpak nu belemiu, kalana anu osu'an nu belemiu ola ningkot nukaan nu kihi-kihi'.

ANU PINOTO'I HI YOHANES 2:4

Panyo aiya na Ku poto'i toka hi belemiu: Komiu madi'mo daagi' nongkalibosi Aku sumo imoonanyo.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.