HAGAI 1:6 - KITAB NU TUMPU ALLA LELE MA'IMAI'

⁶ Belemiu notuganmo manjoo' hondo na bine' panyo anu pinadak ola sangkiding. Belemiu daagi ko anu okaan panyo madi' mobosu. Belemiu daagi ko anggur panyo madi' sukup mongosai kinyonyoa nu belemiu. Belemiu ko pakean panyo madi' sukup na momamuti butong nu belemiu.' Ka' tambo anu ohumpak nu anu mongala tambo na mian madi' sukup na montanggungi kapalaluan nu aha.

HAGAI 1:6 ပူးပေါင်းရင်းမြစ်များ

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

1 TOMU-TOMUNDO' 17:12

Tinaaman nu balu aijo', “Jumo nu sanggo nu Tumpu anu tumuu', Tumpu Allah anu osombah nu belento Tuuma, aku basumpa', totu-totu'u aku madi'mo ko roti. Ola labu nu tiligu na daagi' hi belengku, me sangkakup kiijo' i mangko'. Ka' lanya' nu Zaitun sangkiding kiijo' i boton. Aku aiya mongala kau' anu oposun bau pongunjang tiligu anu me ise-ise' kiijo', da okaan nu kami moto anak. Me aijo' na anu okaan mami, madi'mo ko anu okaan sangga'at; lapas aijo' kami montanda'imo silaka.”

NEHEMIA 5:2

Daagi' ko anu notatae, “Anaku manjoo'. Kami palalu hondo i gandum bau pontumuu'.”

AYUB 20:22

Salatan kasanangannyo tinahahumo hondo, kasansala'an ka' kasusa'an nontokaimo mae.

AYUB 20:28

Iwi-iwi' na kakayannyo ningkotmo, kalana talalomo tinambuha'an nu Tumpu Allah.

MAZMUR 107:34

Tano' anu molumba' pinotimbali-Nyomo tampat padang anu napoyu'mo nu timuson, kalana palabuatan ma'idek nu to mia-mian anu jinojoong ikiijo'.

AMSAL 11:24

Daagi ko mian anu saja' mongka'oho' mombee'i panyo ola ahi' mompaka kaya, panyo daagi ko mian anu madi' bebea na mompake apa-apaa padahan ola ahi' mompaka kasiasi hondo.

YESAYA 5:10

Isi nu ale' madi'mo ko anu ohumpak, ale' nu anggur anu ko ewanyo sampulu' na hektar hasinnyo me sampulu' na liter na ueenyo. Sa'atu na liter na bine' nu gandum hasinnyo mae ola sampulu' na liter na gandum.”

YEREMIA 12:13

Mian anu palesayamo hi beleng-Ku montugan gandum panyo ola ahi' hii' na ihumpak na hasinnyo. Aha binala usahamo ahi' totu-totu'u, panyo usaha nu aha madi' ahi' ko anu ihumpak apa-apaa. Aku notambuha'mo hondo' sahingga madi'mo jinadi na aha nohumpak bua'nyo.”

YEREMIA 14:4

Ujan madi'mo tinudun ka' tano' notiismo ka' nobeka-beka'mo; mian anu mongale' nongkukumbungimo ohup nu aha kalana madi'mo daagi' koanu otaha'imani.

YEREMIA 44:18

Panyo salatan kami madi'mo monsombahkon koloban hi Tomundo' boune nu Suluga' ka' madi'mo mondudu'akon anggur salaku palasombahan hi ia saba' sinin na apa kakulanganmo hi kami; mian mami silakamo i uno nu pahampatean, kabai kalana kasusa'an i anu okaan.”

HOSEA 4:10

Belemiu mongkaan to kolo-loloban anu osombahkon, panyo belemiu tataap mo'ohop. Belemiu monsombahmo to pilo-pilogot anu moko polumba', panyo belemiu mian da'isan tataap madi' mintuang, kalana belemiu nohikumo Aku ka monsombahmo, to pilo-pilogot sangga'atan.”

HOSEA 8:7

Mian-Ku anu palesayamo monsa'u mombun jadi aha mompadakje antong! Ale' nu gandum nu aha madi' jadi maha mokini ka' madi' mule' mohasinakon labu da okaan. Panyo de gandumnyo i ale' aijo' maha ka' mokini ahi' saba gandumnyo aijo' ola ahi' nu ingkoti saidi' mae nu to bansa-bansa sangga'at.

IMAMAT 26:20

Iwi-iwi' na lawe nu belemiu madi'mo ko gunanyo, kalana ale' nu belemiu madi'mo ko hasinnyo ka' sosu'anon nu belemiu madi'mo mimbua'.

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

HAGAI 1:10

Mokonyo aijo' madi'mo ko ujan tudun mae ka' madi'mo ko anu tumuu' na anu osu'an.

HAGAI 1:5

Soba palahatikan na ka'ada'an nu belemiu!

HAGAI 1:7

Ma'isa sinumbu' nu belemiu kadaka' han aijo' jinadimo?

HAGAI 1:9

Belemiu montaha'imani hasin nu ale' anu ugaat molabi-labi pada han anu ohumpak nu belemiu ola sangkiding hondo; oboa nu belemiu na aijo' panyo hasinnyo anu opadak nu belemiu aijo' Ku puhakonmo sahingga ola mingkot nutilahabakon nu mombun. Kadaka' Ku bau sumo aijo'? Makisudnyo aijo'mo: Kalana Laigan-Ku daagi susumo laigan anu na'idekmo sadangkan belemiu iwi-iwi' na pagala ahi' mombau laigan nu belemiu toto samian.

HAGAI 2:16

Belemiu nambamo nontoa tambulan nu gandum ka' aupe'e ahi' mohumpak 200 na kilogram na gandum, panyo taalu' ola ahi' 100 na kilogram. Belemiu mamba kahanda' montauk 100 na liter na anggur aijo' igumbang nu anggur panyo anu ikiijo' ola ahi' 40 na liter.

HAGAI 2:17

Aku nontudunakonmo mae baleba' mapanas tiba ujan batu da mongidei sinin na hasin nu ale nu belemiu panyo belemiu madi' ahi' nongka'oho' ninsusule'mae hi beleng-Ku.

ZAKHARIA 5:4

Tumpu Anu Daka' na Kuasanyo notataemo tukoo-Nyo pongkutuki aijo' opokona i laigan nu mian anu lewa' mombuling ka' mule' i laigan nu mian anu basumpa' ihan anu madi' totu'u. Laigan haha aijo' saja'mo nu kona nu kutuk sampe timbalimo tambulan nu anu ihansunmo.”

ZAKHARIA 8:10

Naipuan mae ma'isa pe'e ko anu noko ala nontamboi mian kabai binatang na mokalaja ka' mule' madi' ko anu mongoa'i ka'amanan, ka' mule' sampobali' anu mongganggu. Aku nonsabungmo aha samian tiba samian.

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

PO'ULE' INGULIT 28:17

Okutukimo na gandum nu belemiu anu pinadakmo ka' anu okaan gandum na anu binau miu aijo'.