HAGAI 1:15 - KITAB NU TUMPU ALLA LELE MA'IMAI'

¹⁵ Aha nontampu'uni nokalaja i tanggan uampulu' ka' opat bitu'on ko anomnyomo i taun ko ohua'nyomo na i Tomundo' Darius nompalentah.

HAGAI 1:15 ပူးပေါင်းရင်းမြစ်များ

HAGAI 1:1

I taun kino ohua'nyomo na i Tomundo' Darius nompalentah Persia i tanggan sa'angu' bitu'on ko anomnyomo Tumpu notataemo nonggunakon i Nabi Hagai. Potuunon nu Tumpu aijo' tinujukannyo hi Zerubabel anak i Sealtiel, gubernur nu Yehuda tiba mule' hi Imam Daka' Yosua anak i Yosadak.

HAGAI 1:14

Sumo aijo' na Tumpu nongkakeha' kinyonyoa i Gubernur Zerubabel, tiba i Imam Daka' Yosua ka' mule' iwi-iwi' na mian anu ninsusule'mo mae lengkat itampat pinomboan ka' pinompojoongan aha da iwi-iwi' mokalajamo mombau Laigan nu Tumpu Anu Daka' Na-Kuasanyo, Tumpu Allah nu aha.

HAGAI 2:1

I tanggan uampulu' ka' sa'angu' bitu'on anu kopopitu'nyomo i taunmo ai-aijo' Tumpu notatae mule' hi Nabi Hagai.

HAGAI 2:10

I tanggan uampulu' ka' opat bitu'on ko osio'nyomo i taun ko ohua'nyomo na i Tomundo' Darius nompalentah, Tumpu Anu Daka na Kuasanyo notataemo hi Nabi Hagai.

HAGAI 2:20

I sinaamo aijo' suele aijo'mo tanggan uampulu' ka'opat bitu'on ko osio'nyomo, Tumpu nompotuunmo anu kopinduannyomo hi Hagai,

ZAKHARIA 1:1

Ibitu'on anu ko ualu'nyomo i uno nu taun anu ko ohua'nyomo na i Tomundo' Darius nompalentah Persia, Tumpu nompotokamo mae potuunon aiya hi belengku, i Nabi Zakharia anak i Berekhya ka' makumpu i Ido na ia.