HABAKUK 3:8 - KITAB NU TUMPU ALLA LELE MA'IMAI'

⁸ O Tumpu, pa' kalana ambai sahingga Belento pinusamo? Kabai o pa' kalana to Kau-kaunyo na nonsaduakon sahingga belento pinusamo? Sinake'anmo nu belento na kundom susumo ajahan, ka' kareta anu bau pahampate, salatan mian nu Belento anu pinalesayamo binee'anmo ka untungan nahampate.

HABAKUK 3:8 ပူးပေါင်းရင်းမြစ်များ

MAZMUR 104:3

Belento nongkokamo langit susumo kemah, ka' nompotinjomo Laigan nu belento kiita' mae i langit i bawo nu uee. Kundom haha aita' binaumo kareta nu Belento, polipik nu mombun aijo' na binau kasake'an nu Belento.

MAZMUR 114:3

Ambai Gelagah nontoamo-Ia lantas nopalaimo, Kaunyo nu Yordan madi'mo no ili.

MAZMUR 114:5

Nosiamo, o, ambai, sahingga beleyum nopalaimo, ka' mule' Kaunyo nu Yordan madi'mo no ili?

MAZMUR 18:10

Langit biniha'-Nyomo lantas nintatau'mo mae na Ia kundom anu pinikatmo na akaong i aluk nu tengke-Nyo. Nontau'akon Ia.

MAZMUR 45:4

Potakos na bajak nu beleyum ilampeokan o tomundo' anu baani hondo, belento talalo ahi' talasanggo ka' ma'ima' na otoa!

MAZMUR 68:17

Kadaka' atina' mae ibungkutnyo manjo-manjo atina' beleyum minsihipmo na montoa mae Puge'nyo nu Sion anu pinile'anmo nu Tumpu bau kajojoongan-Nyo? Tumpu jojoongmo kiijo' mae sampe toka sidu-sidutu'.

MAZMUR 68:4

Panyo mian anu palesayamo totu-totu'u na bilahimo ahi' ka' lame'mo, aha lewa'mo montaligalai i ahop nu Tumpu kalana sinanangmo.

MAZMUR 77:16

Kalana Belento mahoson sahingga pinobebasmo nu Belento na mian anu palesayamo hi Belento, tulunan i Yakub ka' i Yusuf.

NOSABATMO 14:16

Hangkat na tokon nu beleyum ka' tangkakon mokiijo' i ambai. Da uee mobagimo ka' mian nu Israel timbalimo motulu i lananyo nu ambai anu noti-notiismo.

NOSABATMO 7:19

Tumpu nompoto'i hi Musa, “Pokaumo na i Harun mongala tokonnyo ka' opotadu mompatui iwi-iwi' na kaunyo to sepe-sepe' ka' to kola-kolam anu aiya i Mesir. Ueenyo timbalimo baso', ka' i songko-songko na lipu' ko baso'nyomo ka' mule' i toka-kas pongisian uee, ka' to gumba-gumbang batu.”

NOSABATMO 7:20

Apaa na anu pinalentahkonmo nu Tumpu, binaumo i Musa ka' i Harun. I ahop i tomundo ka' to pangka-pangkat anu mokalaja hi ia, i hangkatmo i Harun na tokonnyo ka' nonsapahi uee nu Kaunyo Nil, sahingga ueenyo nongabali'mo tinimbali baso'.

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

YESAYA 50:2

Kadaka' aijo' aha mian anu palesayamo hi beleng-Ku mau samian madi' ko anu montaami mae, tempo'nyo Aku tokamo mae molaga aha? Pa' ugaat aha ola ahi' momohokot kalana monsangka Aku madi' moko ala mompobebas ka' mule' madi' moko ala momposalamat aha? Padahan mau ola Ku palentah na ambai timbali mo'oti, iwi-iwi na kaunyo timbali Ku pojadi padang tampat anu mateges, sahingga to ika-ikan matemo ka' mabusikmo.

YESAYA 66:15

Memang, Tumpu tokamo mae tiba apu; Ia monsake'imo mae kareta-Nyo susumo antong anu daka' hondo, da mompotudunmo tambuha'-Nyo, ka' monsegaimo hoso-hoson.

NAHUM 1:4

Ia nonsegaimo ambai ka' nompo 'otimo iwi-iwi' na kaunyo pinojadimo notiis na ueenyo. Bungkutnyo nu Karmel ka' iwi-iwi na padang anu kiijo' i Basan madi'mo na omuk ka' kiijo' i Libanon nagayoumo iwi-iwi' na bunga-bunga.

HABAKUK 3:15

Ajahan nu Belento binaumo pinompahampeja'akon ambai anu ewa hondo ka' ndalangon anu kinampute'anmo na buha'nyo.

MARKUS 4:39

I Yesus nobula, lantas nonsegai baleba' aijo', ka' notatae hi dowiwi, “Hokot, tumendamo!” Baleba' aijo' binelenti, ka' dowiwi tinimbalimo nolino.

ANU PINOTO'I HI YOHANES 16:12

Lapas aijo' malaikat ko anomnyo nombubusakonmo isi nu tampat aijo' i Kaunyo nu Efrat anu daka' aijo'. Jadi kaunyo aijo' noti'imo sahingga to tomu-tomundo anu lengkat mae i sasu kabete'an noko alamo i lumajang nontulu i kiijo'.

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

ANU PINOTO'I HI YOHANES 19:14

Suludadu nu suluga' anu bau pahampate mombatuki Ia monsake'i to aja-ajahan mopute', ka' nompusok lenan anu mopute' ka' belesi'.

ANU PINOTO'I HI YOHANES 6:2

Sahingga aku nontoa, lantas aku nondinmo sa'angu' na ajahan mopute'. Anu nonsake'i, nontoongi sa'angu' na pompelet ka' hi ia binee'an sa'angu' makota. Ia nambamo sumo samian anu nohumpakmo ka'untungan nahampate anu mamba nompo'ago da nohumpak ka'untungan mahampate.