HABAKUK 3:6 - KITAB NU TUMPU ALLA LELE MA'IMAI'

⁶ De Belento madi'mo lumajang dunia gayu'anmo, de Belento montonto'imo to bansa-bansa tasigalamo. Iwi-iwi na bungkutnyo anu salatanmo pe'e dunia aiya mobiha-biha'mo; to puge-puge' anu memang tinatapmo i tampatnyo hede'mo, i puge'nyomo haha aijo'; na kinalajangan nu Belento daagi pe'e naipuan mae.

HABAKUK 3:6 ပူးပေါင်းရင်းမြစ်များ

KAJADIAN 49:26

Balakat nu Tumpu Allah, nu tuuma nu beleyum molingkudui kakaya'an nu to bungku-bungkutnyo anu pininmo hondo. O amalakon da balakat aijo' toka mae iwi-iwi' aita' i ubak i Yusuf, aita' i siakannyo. Iamo na anu talasanggo molingkudui to utu-utusnyo.

AYUB 21:18

Te toho' aha susumo hat ka' abu' anu nutilahabakonmo nu antong ka' mombun anu motulu?

AYUB 9:5

Tumpu Allah molalin bungkutnyo madi' nusumbu-sumbu' nu mian, latnas nubali-balikakonmo kalana ia motambuha'mo ka' talalomo hondo pusa.

MAZMUR 103:17

Panyo Tumpu sabole-boleh mongkalibosi mian anu tulu-tulutan hi Ia, kanonongan-Nyo saja' sabole-boleh sampe molundu-lundu na tulunan

MAZMUR 104:32

Ia montonto'i dunia ka' mompotimbali langkakatan bungkutnyo iwi-iwi' i henggonyo, sahingga nosabatmo mae na tibuknyo.

MAZMUR 35:5

Sahanyo aha nu tumputmo nu malaekat nu Tumpu susumo ota' nu tilabakonmo nu mombun.

MAZMUR 68:16

Bungkutnyo nu Basyan aijo'mo na bungkutnyo anu talasanggo hondo, bungkutnyo anu nobagi-bagi manjoo' na bungkutnyo toto ise-ise'.

MAZMUR 90:2

Ma'isa pe'e bungkutnyo iwi-iwi' pinotimbali, ma'isa pe'e tano' ka' dunia tinali' nu Belento, Belentomo na Tumpu anu sampe toka sidu-sidutu', madi' ko katampu'unannyo ka' madi' ko ka'ahenannyo.

MAZMUR 97:5

Iwi-iwi' na bungkutnyo inoe'mo susumo tahu' i ahop nu Tumpu, i ahop nu Tumpu anu mongkuasai songko-songko na dunia.

NOSABATMO 15:14

To bansa-bansa nohongomo ka' i lakatnyomo; mian nu Filistin ka' to pola-polaya' nu Edom ginago'mo. Mian nu Moab anu toto babaani i lakatnyomo, mian nu Kana'an kinulangmo na kinyonyoanyo.

NOSABATMO 15:17

Lantas Israel binoamo nu Belento namba i tampat anu pinile'anmo nu Belento da bau kajojoongan nu belento. Aha jinojoongmo i bungkutnyo nu Belento anu susi', i laigan anu pinosi potinjo nu Belento.

NOSABATMO 19:18

Songko-songko na Bungkutnyo nu Sinai sinaputmo nu tibuk, kalana Tumpu nintatau'mo aita' i uno nu apu. Tibuk aijo' kino puha-puhamo susumo tibuk i tampat anu pinapuanmo, ka' songko-songko na bungkutnyo ginayu'anmo hondo-hondo.

NOSABATMO 21:31

De anu pinatean aijo' samian na anak mo'ane kabai boune, atulannyo anu opake sumo aijo'mo.

YESAYA 51:6

Tonto'i mokiita' na langit ka' toa na tano'; langit madi'mo otoa-toa susumo tibuk ka' tano' luso'mo susumo baju' anu pininmo na saja' pinusok, iwi-iwi' na anu monjojoongi silakamo susumo momot. Panyo kasalamatan anu Ku bee'mo na tataap ahi' sampe toka sidu-sidutu', ka' kamanangan-Ku na madi' ahi' kokamingkotannyo.

YESAYA 51:8

Aha silakamo ka' mule' madi'mo otoa-toa, pokakanamo susumo baju' anu nu kekedimo nu ane' ka' hude bulu nu domba anu nu kekedimo nu atak. Panyo kasalamatan anu Ku bee' nu tataap ahi' sampe toka sidu-sidutu', ka' kamanangan-Ku na satataapnyo ahi' sampe molundu-lundu na tulunan.”

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

NAHUM 1:5

Bungkutnyo iwi-iwi' ilakatnyo i ahop-Nyo, ka' puge'nyo suele na enamo iwi-iwi'. De Tumpu tokamo mae dunia langkakatanmo ka' iwi-iwi' na anu monjojoongi suele nu lakatmo.

HABAKUK 1:12

Tumpu, daagi pe'e naipuan mae Belento memang Tumpu. Belento Tumpungku anu susi' sampe toka sidu-sidutu'. Tumpu, Tumpungku anu monjagai mae aku, bansa Babel aijo' pinile'anmo nu Belento ka' pinobaanimo nu Belento da mohukum kami.

HABAKUK 3:10

To bungku-bungkutnyo montoa Belento, gayu'anmo lengkat mae ilangit tinudunmo na ujan susumo anu obubusakon. Uee iuno nu tano' buhokanmo na onyi'nyo, bokonnyo mingkalulunmo ka' mintelepuakmo.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

LUKAS 1:50

Mompolee' toka mompolee' Tumpu mongkalibosi mian anu mabuhuk hi bele-Nyo.

SISIKON NU TO RASUL-RASUL 17:26

Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.

PO'ULE' INGULIT 32:8

Salatan Anu Daka' hondo na Kuasanyo nombagimo tano', toto sa'angu' na bansa pinotiju'akonmo na da'erahnyo ka' anu kinuasanmo nu pilogot.

PO'ULE' INGULIT 33:15

O'amalakon da bungkutnyo iwi-iwi' anu naipuan pe'e mae mobuke' nu isinyo anu toto ima-ima'.

IBRANI 13:8

I Yesus Kristus tataap pokakana mau naipuan mae, tempo' uuka, ka' sampe toka sidu-sidutu'.

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

TO MIA-MIAN KOPIAN 5:5

To bungku-bungkutnyo ginayu'anmo i ahop nu anu mongkuasai Sinai, i ahop nu Tumpu, Tumpu Allah nu aha mian Israel.