HABAKUK 3:3 - KITAB NU TUMPU ALLA LELE MA'IMAI'

³ Belento Tumpu Anu talalo ahi' susi' lengkat mae i Teman Belento lengkat mae i bungkutnyo nu Paran. Langit sinongkohanmo nu katalasanggoan nu Belento; dunia nobuke'mo nu anu bau pompuji' Belento.

HABAKUK 3:3 ပူးပေါင်းရင်းမြစ်များ

KAJADIAN 21:21

Tinanyo nompo osoakon ia tiba samian na bo une nu Mesir.

1 TOMU-TOMUNDO' 11:18

Aha namba lengkat mae i Midian lantas nambamo i Paran. Ikiijo' mae tiba to pia-piangkuka na mian sangga'at nosangalumo tiba aha lantas hingga-hinggat nambamo i Mesir, kahanda' singkabot tiba i tomundo' Mesir. Tomundo' aijo' nombee'imo i Hadad laigan ka' tano' da bau kajojoongannyo ka' mule' balanja anu bau pontumuu'.

MAZMUR 113:4

Tumpu balakuasa hi iwi-iwi na bansa, katalasanggoan-Nyo moliu-liu langit.

MAZMUR 148:13

Tionyo ahi' aha iwi-iwi' mompuji' sanggo nu Tumpu, kalana sanggo-Nyo lebe talasanggo molingkudui iwi-iwi' na sanggo; katalasanggoan-Nyo lebe matangkas molingkudui langit ka' tano'.

MAZMUR 3:2

O Tumpu, talalo hondo manjoo' na anu monsampobali' aku, manjoo'mo hondo na anu molambani mae aku!

MAZMUR 3:4

Panyo Belento, o Tumpu, sumomo kanta anu monjagai mae aku. Belento na mombee'i mae aku ka'untungan mahampate, ka' nu pobibi mae nu Belento na kinyonyoangku.

MAZMUR 4:4

Da osumbu', Tumpu nompile'imo anu nukahanda'i nu bele-Nyo samian na anu Nu kalibosi. Tumpu mompotombihing de aku momoita tulung hi Ia.

MAZMUR 48:10

I uno nu Laigan nu Belento opotutugakonmo mami na kalibosan nu Belento o Tumpu.

MAZMUR 68:17

Kadaka' atina' mae ibungkutnyo manjo-manjo atina' beleyum minsihipmo na montoa mae Puge'nyo nu Sion anu pinile'anmo nu Tumpu bau kajojoongan-Nyo? Tumpu jojoongmo kiijo' mae sampe toka sidu-sidutu'.

MAZMUR 9:16

To bansa-bansa anu madi' monsumbu' Belento nanabu'mo i bolo' anu pinosi kekemo nu aha; aha kinonamo nu so'o anu posi ahamo na nonta'an so'o.

MAZMUR 9:20

Tinjomo mae, Tumpu, putusimo mae na to bansa-bansa, bolimo mompojohok manusia saja'mo buulon na butongnyo.

NOSABATMO 20:18

Salatan to mia-mian nohongomo gohung ka' onyi' nu tolompet, tiba mule' nontoamo kilat ka' bungkutnyo anu nintibukmo, aha i lakatnyomo ka' nabuhukmo ka' tinuminjomo aijo' mae jo'o-jo'on.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 6:3

Aha motatae daka-daka' hi samian toka hi samian: “Susi', susi', susi'. Susi' na Tumpu Anu Daka' na Kuasanyo. Ia anu talasanggo Nu songkohi na dunia aiya.”

YESAYA 64:3

Belento toho'mo nombau palabuatan anu opalias hondo anu madi' sinangka-sangka mami, Belento nintatau'mo mae ka' i ahop nu Belento iwi-iwi na bungkutnyo ginayu'anmo.

YEREMIA 49:7

Sumo uuka na koo-Nyo nu Tumpu Anu Mahakuasa na aha Edom, “Te aha mian nu Edom madi'mo daagi' noko ala pinande na bapikin? Te aha to mia-mian anu lewa' mompokinde'i madi'mo nompokinde'i aha? Pa' iningkotmo na kapandean nu aha!

YEHEZKIEL 43:2

ka' ikiijo mae tinoangkumo na jingka anu jongkilaban hondo lengkat mae isasu kabete'an anu salaku tanda saba' Tumpu Israel tokamo mae. Potatae nu Tumpu ihongo sumomo ahi' buhok nu ndalangon, ka' mule' dunia najingkamo kalana jingka nu katokaanmo nu Tumpu.

AMOS 1:12

Kalana aijo', Aku mombee'imo apu mokiijo' i kota' Teman, ka' nompapui to bente-bentengnyo nu Bozra.”

OBAJA 1:9

Mian anu to babaani anu lengkat mae i Teman mabuhukmo, ka' iwi-iwi' na suludadu nu Edom silakamo.”

HABAKUK 2:14

Panyo susumo ambai pinobuke'anmo nu uee sumo aijo'mo na dunia aiya pinobuke'anmo nu ilimu' mongkona Tumpu tiba mule' ahi' kakuasa'an-Nyo.

NOMBILANGMO 10:12

Lantas aha mian Israel aijo' nambamo nolundu-lundu nompala'imo padang bola Sinai, ka' kundom aijo' jinojoongmo salatan aha tinokamo i padang bola Paran.

PO'ULE' INGULIT 33:2

“Tumpu tinoka lengkat mae i Bungkut nu Sinai; Ia binete' mae aita' i Edom susumo batu nu sinaa ka' lengkat mae i Bungkutnyo nu Paran Ia nonjingkaimo mian anu pinalesayamo hi Ia. Ia sinangaluan mae nu malaekat aha sampulu' na madala; ka' apu moak i sasu koanan-Nyo.

PO'ULE' INGULIT 5:24

Aha notatae, ‘Tumpu Allah-nto nompotoamo kakuasa'an-Nyo ka' katalasanggoan-Nyo tempo'nyo kami nohongomo Ia notatae i uno nu apu. Sinaa aiya kami nonsakisimo taalu' memang timbali na manusia tataap tumuu', maumo Tumpu Allah notataemo hi ia.

1 SAMUEL 25:1

Madi' pinin sinilakamo na i Samuel. Iwi-iwi na mian nu aha Israel sinihukmo ka' nohangimo. Lapas aijo' ilamunmo kiijo' i Rama. Lapas aijo' i Daud nambamo kiijo' mae i padang anu mateges anu kiijo' i Paran.