HABAKUK 3:13 - KITAB NU TUMPU ALLA LELE MA'IMAI'

¹³ Belento najumo na ilumajang kahanda' da mompobebasmo mian nu Belento anu pinalesayamo. Ka' mule' da momposalamatmo tomundo' anu pinile'anmo nu Belento. Sinanti-santipmo nu Belento ka' tinombahangkangmo na to pola-polaya' nu mian anu palaganta. Ginalisanmo nu belento iwi-iwi' na anu monsangaja'i ia.

HABAKUK 3:13 ပူးပေါင်းရင်းမြစ်များ

MAZMUR 110:6

Ia mohukumo to bansa-bansa, sahingga bangke-bangke nu mian paha-paha bandangmo. Ia monsilakaimo aha anu singkap balakuasa, i songko-songko na dunia.

MAZMUR 105:15

“Boli lewa' mamba mompoposia mian haha aijo' anu pinile'an-Kumo, boli mombau anu ma'idek hi to nabi-nabi-ngKu!”

MAZMUR 105:26

Lantas Ia nonsaimo i Musa posaihonnyo, ka' i Harun mian anu pinile'an-Nyomo.

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

MAZMUR 77:20

Belento i lumajangmo nontulu bokon, i lumajang i ndalangon, panyo lawo nu Belento madi' tinoa-toa.

MAZMUR 68:7

Tumpu mombee'i tampat kajojoongan nu mian anu madi' mo lame'; Ia nompobebasmo mian anu tinalungku'mo sahingga aha nongoa'imo kasanangan. Panyo to mia-mian anu madi' mohongo-hongo Tumpu na jojoongmo ahi' i tano' anu kinunmo.

MAZMUR 28:8

Tumpu na mombee'i kahosonan hi mian anu palesayamo hi Ia, Ia na montinjohi ka' momposalamat tomundo' anu pinile'an-Nyomo.

MAZMUR 20:6

Jadi kami montaligalaimo kalana lame'mo, kalana beleyum inguntungmo na nahampate, ka' nohangkatmo bandela' bau pompuji' Tumpu-nto. O'amalakon da Tumpu mombee' mae iwi-iwi' apaa na anu pinoitamo nu beleyum.

YOSUA 11:12

Iwi-iwi' na kota haha aijo' pinatundu'mo i Yosua, ka' to tomu-tomundo'nyo i hakopmo ka' pinateanmo susumo anu pinalentahkonmo i Musa posaihon nu Tumpu aijo'.

YOSUA 11:8

Ka' pino'untungmo nu Tumpu na Israel nongewa aha. Aha mian nu Israel nontumbuhimo ka' nololoi'mo aha kojo'onnyo tinoka-toka i Misrefot-Maim tiba Sidon sasu utara, ka' kojo'onnyo toka-toka i Bangka'nyo nu Mizpa sasu kabete'an. Sabole-bole saja'mo nahampate sahingga sampobali' madi'mo ko anu tinontuha', iwi-iwi' i natemo.

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

YOSUA 10:24

ka' binoamo hi Yosua. Lantas i lagamo i Yosua iwi-iwi' na aha mian nu Israel da sihuk, lapas aijo' nompalentahkonmo da iwi-iwi' na kapala nu suludadu anu namba nahampate tiba ia toka mae mompahampeja'akon gogohong nu tomundo haha aijo'.

YOSUA 10:11

Tempo'nyo aha mian nu Amori nokaiyongmo i tengke nu bungkutnyo aijo' kalana nopalaimo da boli nukabot nu aha suludadu nu Israel, Tumpu nontudunakonmo mae ujan eis anu toto daka-daka' lengkat mae i langit nongkona aha tutuus jalan kojo'onnyo tinoka-toka i Azeka. Anu sinilaka kinona nu ujan eis aijo' lebe manjoo' molingkudui anu pinatean nu aha mian nu Israel.

YESAYA 63:11

Lantas tinonginau'mo tempo'nyo naipuan mae tempo'nyo i Musa, posaihon nu Tumpu. Aha nompokilawamo, “Iyamo mae na Tumpu anu nolaya'mo to pola-polaya' nu aha mian anu pa lesayamo hi Ia notulu i ambai? Iyamo mae na Tumpu anu nombee'mo kuasa-Nyo hi aha?

2 SAMUEL 5:20

Lapas aijo' nambamo na i Daud nokiijo' i Baal-Perasim ka' ikiijo'mo na aha suludadu nu Filistin haha aijo' pinatundu'nyo. Lantas ia notataemo, “Tumpu tinokamo nompoko idek benteng nu sampo bali'ku, susumo iaba' ola sinangkinihap nonganjuhahonmo silina na apaa.” Mokonyo aitu tampat kiijo' sinanggohanmo Baal-Perasim.

MAZMUR 137:7

O, Tumpu, o'inau' apaa na anu binaumo nu mian Edom tempo'nyo Yerusalem i hopu'anmo. Tinaloakonmo nu aha, “Hobo'akonmo, hobo'akonmo toka-toka i pinaningkokoannyo!”

YESAYA 64:1

Beakmo mae na langit ka' pintatau'mo mae, o, Tumpu, genggomo na bungkutnyo iwi-iwi' da gayu'anmo i ahop nu Belento,

YEHEZKIEL 13:14

Aku ko niatmo mohobo'akon pagan mesen anu sinetmo nu belemiu nu tiilon, momposungkehetmo sahingga memo ahi' pundasinyo na anu daagi' tontuha'. Pagan mesen haha aijo' montuda'mo belemiu ka' mule' mompateimo belemiu iwi-iwi'. Sahingga nu sumbu'je nu belemiu taalu' Akumo ahi' na Tumpu.

AMOS 9:1

Aku nontoa Tumpu tinuminjo koko mezbah. Ia nombee'i palentah aiya, “Santib hoso-hoson na puusnyo nu ohi' nu Laigan-Ku da gandalia iwi-iwi' tolohunjong. Tua'akon na to ohi haha aijo' i ubak nu mian haha aijo'. Aha anu madi' silaka Ku pateije i uno nu pahampatean. Madi' ko samian pe'e na noko palaiakon butong, madi' ko samian pe'e na moko ala mopalai.