HABAKUK 3:11 - KITAB NU TUMPU ALLA LELE MA'IMAI'

¹¹ Sahaya nu hihis nu pana' nu Belento malia' hondo; talombo' nu Belento jongkilaban hondo, sahingga batu nu sinaa tiba bitu'on binelentimo i tampatnyo.

HABAKUK 3:11 ပူးပေါင်းရင်းမြစ်များ

MAZMUR 19:4

Madi' ko anu binasisik kabai notatae, madi' ko potatae anu i hongo.

YESAYA 28:21

Tumpu totinjomo mae susumo i Bungkutnyo nu Perazim. Ia mahampatemo susumo i Bangka'nyo nu Gibeon kalana mompojadimo anu kinahanda'an-Nyomo, kahanda'anu madi' minsoop ipikilan nu manusia! Ia mopojadimo kalaja-Nyo anu mompobangang hondo.

YESAYA 38:8

Ipontoan jam anu ola montoa lolung nu batu nu sinaa bibinau i Tomundo' Ahas, Tumpu mombauje lolungnyo mundun sampulu' na galis”. Sahingga imundunmo na lolung aijo' sampulu' na galis.

YESAYA 49:2

Ia nompotajomo potataengku susumo bajak, Ia nonjagaimo aku nu posi lima-Nyo. Ia nompotimbalimo aku susumo hihis nu pana' anu binoitmo, ka' pino isimo i uno nu bulu'nyo da me bapake-pake.

NAHUM 3:3

Tompukan nu suludadu anu nonsake'i ajahan binaanimo hondo na nontumbuhi, bajak jinoliotanmo ka' talombo' jinongkilabanmo. Mian anu sinilakamo madi'mo pinoko bilang na bangke' nu mian anu sika-sika tambun. Sahingga mian anu lumajang tosumpunmo.

HABAKUK 3:9

Pompana' nu Belento pinosadiamo nu Belento, hihisnyo nu pana' nu Beleyum memompana'akon. Lantas dunia biniha'mo nu Belento, tinimbalimo na kaunyo-kaunyo.

ZAKHARIA 9:14

Tumpu mompotoamo butong-Nyo, hi aha mian anu palesayamo hi Ia, sumomo ahi' kilat na hihis nu pana'-Nyo pineletakon-Nyo. Tumpu Anu Matangkas na Kuasanyo saidi' mae mompuhimo tolompet salaku tanda montumbuhimo, lantas mambamo montumbuhi i uno nu tombusisi' anu lengkat mae i sasu salatan.