HABAKUK 2:5 - KITAB NU TUMPU ALLA LELE MA'IMAI'

⁵ Kakaya'an aijo' saja' mongakali mian. Mian anu mangaluk aijo' takabun ka' madi' tenda na ko huhusa. Susumo kasilaka'an ia suele madi' toho' ma'osa; bansa toka isa'ngu' na bansa kinuasannyomo.

HABAKUK 2:5 ပူးပေါင်းရင်းမြစ်များ

2 TOMU-TOMUNDO' 14:10

Belento Amazia kinobubuunmo kalana belento nompatundu'mo mian nu Edom. Jadi te misa' ka'untungan nu belento nahampate atina' sinukupmo ahi'? Lebe ma'ima' belento atina' me ahi' jojoong i laigan! Apaa na daagi' ko gunanyo lewa' molio palakala anu ola monsilakai butong nu belento ka' mian da'isan anu nu palentah?”

MAZMUR 138:6

Belento talalo hondo susi' panyo anu madi' talakana' Nu palahatikan ahi'; mian anu kobubuun madi' moko ala maninsuluk da madi' Nu toa.

AMSAL 20:1

Inumon anu moko palangu mombau mian madi'mo mingadat ka' lewa'mo hengge'. Ponga' ahi' na mian anu monginum sampemo malangu.

AMSAL 21:24

Mian anu kobubuun ka' talalo hondo matangkas na kinyonyoa mongka'ima'i mongalu ka' madi' ko adatnyo.

AMSAL 27:20

I dunia nu mian anu sinilakamo saja' daagi ko tampat; sumo aitu mule' na anu nu indi nu manusia madi' ko batasnyo.

ANU MOMPOLELE POTATAE NU TUMPU 5:10

Mompaka panjoo' na kakaya'an nu toto samian, mompaka panjoo' na mian sangga'at anu tionyo ahi' obee'i mongkaan. Madi' ko ka untungan nu tumpunyo ola nu sumbu' ia mian anu kaya.

YESAYA 14:6

ka' saja motambuha' na mombee'i kasansala'an nu to bansa-bansa ka' saja' monsakisa aha.

YESAYA 16:6

Bansa Yehuda notataemo, “Ihongomo mami na katabuulan nu bansa Moab. Osumbu' mami na aha talalo ahi' montige-tige ka' mule' talalo buulon. Potatae nu aha ola saja' molabi-labi padahan madi' kokaliangannyo.”

YESAYA 2:17

Mian anu buulon opopo ambangmo ka' mule' mian anu lewa' montige-tige opota'alukmo. Ola-olamo ahi' Tumpu na anu opopodaka'.

YESAYA 21:5

Aku nontoa mule' bau-bauon mongkakaan anu pinosadiamo; tampat kasuhangan nu anu tinaang pinosadiamo. Aha nongkaanmo ka' mule' nonginumo. Monti-montiik nohongomo palentah: “O, tosulu-suludadu anu toto tangka-tangkas na pangkatnyo! Posadiamo na kanta nu belemiu!”

YESAYA 5:14

Nganga' nu kapatean tolo anga'mo ewa-ewa kalana moloyomo aha mian to pola-polaya' i Yerusalem tiba mian da'isan anu binalame-lame'mo nombau bau-bauon.

YESAYA 5:8

Silakamo na belemiu anu lewa'mo nongoli ka' lewa'mo nongagoi ale' da bau pontuangi apaa na anu nu belemiu! Madi' pin mingkotmo na tampat nu aha mian sangga'at sahingga me belemiu na jojoong ilipu' aiya.

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEREMIA 50:29

Tumpu notatae, “Palentah na to mia-mian anu pande mompana' da montumbuhimo Babel. Pokaumo na batu-batu mian anu pande mompana'. Lambanimo na kota' aijo' ka' boli opobee' ko anu samian na tumuu'. Balosakonmo iwi-iwi' na palabuatan ka' baumo pa' mosia na mombau ia sitimbang tiba tiba kalakuannyo, kalana ia nombaumo palabuatan anu madi' ko adatnyo hi beleng-Ku, Anu Susi' hondo, Tumpu Allah Israel.

YEREMIA 51:39

Panyo jota nu aha kahanda' mongkaan na tahahumo ahi'. Ku posadiaimo anu okaan na aha, ka' molanguimo aha ka' malintunga'mo na ubak sampe tohoyotmo ka' madi'mo daagi' moko ala mobula.

HABAKUK 1:15

Bansa Babel nohakopmo to mia-mian nu peka susumo au'aitu aha aijo' ikan. Mian haha aijo' ihela'mo i uno nu buani ka' bansa Babel binalasana-sanangmo kalana aha nohumpakmo hasinnyo.

HABAKUK 1:17

Kadaka' aha saja'mo mongkeat bajak nu aha ka' mompatei to bansa-bansa ka' madi'mo daagi ko kinyonyoa mongampuni?

HABAKUK 2:4

Ka' o ingat: Mian anu ma'idek na kinyonyoanyo madi' salamat, panyo mian anu mombau pongka'oho' nu Tumpu saidi' mae tumuu' kalana ia tulu-tulutan hi Tumpu.”

1 TESALONIKA 4:11

Bala usaha da tumuu' sabaan, ka' boli monggalo'i ulusan nu mian sangga'at. Tionyo ahi' komiu mokalaja mosi lio anu okaan, susumo anu pinalentahkonmo mami u'utu mae.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”