HABAKUK 2:3 - KITAB NU TUMPU ALLA LELE MA'IMAI'

³ Tulis na aijo' kalana uuka aiya misa' pe'e tempo'nyo. Panyo tempo'nyo aijo' malia'mo mae toka ka' apaa na anu pinoto'ing-Kumo hi beleyum aijo' totu-totu'u tionyo jadi. Maumo aijo' o oa'i daagi pin, panyo tanda'imo! Tempo'nyo aijo' memang ahi' tokamo ka' madi'mo daagi opo edok.

HABAKUK 2:3 ပူးပေါင်းရင်းမြစ်များ

2 TOMU-TOMUNDO' 6:33

Ma'isa pe'e ilapas na i Elisa notatae, i tomundo' tinokamo i kiijo' ka' nompoto'i, “Kasusa'an aiya, balaa' nu Tumpu hi kita! Jadi daagi' apaa na gunanyo aku montaha'imani da nu tulungi mae?”

MAZMUR 102:13

Panyo Belento, o, Tumpu, Tomundo' anu sampe toka sidu-sidutu', sabole-boleh o'inau sampe molapi-lapis na tulunan.

MAZMUR 27:14

Sabole-bole ahi' taha'iman hi Tumpu, pohoson ka' bolimo mongabali' na kinyonyoa nu beleyum; ingat, sabole-bole ahi' taha'iman hi Tumpu.

NOSABATMO 12:41

I sinaa pupuusnyomo nu taun ko 430 nyomo aijo' iwi-iwi' na mian anu pinalesayamo hi Tumpu nojonjulumo nompala'imo mae tano' nu Mesir.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 7:4

Poto'i hi tomundo' da ia tataap mogogau panyo boli ahi' bata-bata. Boli ia mabuhuk kabai bingung. Tambuha' i Tomundo' Pekah tiba i Tomundo' Rezin tiba suludadu nu aha mian Siria haha aijo' ola susumo ohua' na lo'uton nu apu anu kotibuknyo, jadi madi' ahi' moko ala mompoposia.

YESAYA 8:17

Tumpu madi'mo nompotoa butong-Nyo hi lee' i Yakub, mian anu palesayamo hi Ia.

YEREMIA 27:7

Iwi-iwi' na bansa tundu'mo hi ia, hi anaknyo momo'ane tiba hi makumpunyo sampe tokaje na tempo'nyo negaranyo aijo' madi'mo balakuasa. Toka itempo'nyo aijo' bansa Babel tundu'mo hi bansa-bansa sangga'at anu mahason ka mule' to tomu-tomundo'nyo anu daka na kakuasa'annyo.

YEHEZKIEL 12:25

Aku Tumpu Anu Matangkas na Kuasanyo motataemo hi bansang Israel, ka' iwi-iwi' na anu Ku taloakon tionyo ahi' jadimo, mad'mo daagi' mongabali'. Potombihing mae o, belemiu mian anu sola' motomuhuk! Tempo'nyo beleyum daagi' tutuu' Ku baumo na iwi-iwi' anu pinoto'ing-Kumo hi beleyum. Aku, Tumpu Anu Matangkas na Kuasanyo notataemo.”

YEHEZKIEL 30:9

De sinaa aijo' tokamo mae ka' Mesir hansunmo, Ku saimo na mian osake' ikapan da mompotolokengkeng aha mian nu Sudan anu madi' ko sangka'an ko sampobali mae toka, sahingga aha mabuhukmo hondo. Memang totu'u sinaa aijo' tokamo mae!”

DANIEL 10:14

Aku tinoka mae da mompopangalati' beleyum da osumbu' pa' apaa na anu jadi saidi' mae hi bansa nu belemiu. Anu tinoa aijo' mongkona sinaa anu aiya mae i ahop.”

DANIEL 11:27

Lapas aijo' ua-ua'aha na tomundo' aijo' sumuhangmo mongahopi sa'angu' na meja ka' mongkaanmo hingga-hinggat, panyo aha toto samian ko posi-posi niat ma'idek ka' aha mompaha bale-baleko'i. Panyo tanga'an nu aha aijo' madi' jinadi kalana misa' pe'e tempo'nyo.

DANIEL 11:35

Sambagian na to pola-polaya' anu toto pande-pande opateimo panyo aijo' salaku bau ponguji' aha mian anu palesayamo sahingga aha totu-totu'u belesi'mo. Han aijo' saja'mo jadi susumo aijo' sampe toka i sinaa kakiamatanmo, aijo'mo na tempo' anu tinantukanmo nu Tumpu.

DANIEL 8:17

Lantas i Gabriel anu tinuminjo i ahopku aijo' nongohanimo mae aku. Aku na buhukmo hondo sahingga aku notua'mo. Koonyo i Gabriel hi belengku, “O, mian anu madi' tumuu' sampe toka sidu-sidutu' beleyum tionyo ahi' monsumbu' saba' anu tinoa aijo', aijo'mo na sinaa kakiamatan.”

DANIEL 8:19

“Kupoto'ije hi beleyum apaa na anu jadi saidi' mae salaku akibatnyo kalana Tumpu pusamo. Kalana anu tinoa nu beleyum atina' bau salaku pompoto'i kakiamatan.

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

ZEFANYA 3:8

Panyo jaga mae! Tanda'imo na sinaanyo. Aku tuminjomo susumo anu mongkalak. Kalana pinutusan-Kumo da oposihukmo na to bansa-bansa tiba to kala-kalaja'an da Ku pokonamo na tambuha'-Ku hi aha. Songko-songko na dunia mingkotmo nu kaan nu apu nu tambuha'-Ku.

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

SISIKON NU TO RASUL-RASUL 1:7

Tinaaman i Yesus, “Posi Tuumang-Ku na anu montantukan sinaa ka' tempo'nyo. Aijo' madi' palalu osumbu' nu komiu, kalana aijo' hak nu Tuumang-Ku.

SISIKON NU TO RASUL-RASUL 17:26

Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

2 PETRUS 3:9

Tumpu madi' lat na mombee' apaa na anu jinanji'-Nyomo, mau mule' daagi' ko anu monsangka sumo aijo'. Panyo mule' ahi', Ia sabaan hi belemiu, kalana Ia madi' mongka'oho' ko anu obinasai mau ola samian. Ia mongkahanda'i da iwi-iwi' na mian bolimo mombau to dosa-dosa'nyo.