HABAKUK 2:18 - KITAB NU TUMPU ALLA LELE MA'IMAI'

^18-19 Kinutukan nabeleyum! Beleyum notataemo hi sangkolong na kau', “Pobulamo!” kabai hi batu anu daka' hondo, “Tinjomo!” Te moko ala na patong sa'angu' montaeakon apa-apaa hi beleyum? Maumo patong aijo' ilapisan nu mosoni' tiba salaka, panyo madi' ahi' ko nyawanyo. Apaa na gunanyo patong nu pilogot? Aijo' ola manusia na nombau. Anu nu humpak hi ia ola ahi' anu madi' totu'u. Ola palasuma na kapalesaya'an nu mian anu mombau bapilogotan anu pinosi bau nu limanyo anu madi' moko ala motatae aijo'.

HABAKUK 2:18 ပူးပေါင်းရင်းမြစ်များ

MAZMUR 97:7

Iwi-iwi' na mian anu monsombah pilogot opopo'ambangmo, anu mongkabubuunakon to bala-balang anu madi' kogunanyo; iwi-iwi' na pilogot tolodadupumo monsombah i ahop nu Tumpu.

YESAYA 1:31

Susumo hat motoyo'mo ola kalana bohotika' nu apu, sumo aijo'mo na aha anu balakuasa saidi' mae posi palabuatanmo nu aha ma'i-ma'idek na monsilakai aha, ka' madi'mo o anu moko ala mompobelenti han anu hansunmo aijo'.

YESAYA 37:38

Daagi' kinosansinaan hau-haunyo monsombah pilogot nu aha ilaigan nu Pilogot Nisrokh, ia pinateanmo i Adramelekh tiba i Sarezer tinabas nu aha nu bajak, aijo' aha to ana-anaknyo anu to momo ane. Lapas aijo' aha nopalaimo namba i Ararat. Sahingga i Esarhadon, anaknyo momo ane sangga'at na nombolosakon binau tomundo'.

YESAYA 40:19

Ia na madi' ahi' susumo patong nunu bau nu to tuka-tukang patong anu olapisi nu mosoni' ka' olatasi nu salaka.

YESAYA 41:26

Ihe na anu atina' hi belemiu nompoto'imo anu jadi aiya mae i ahop sahingga kami timbali mompototu'u ia? Panyo atina' hi belemiu madi' ahi' ko anu mae nompoto'i, madi' ko anu nohongo belemiu notatae.

YESAYA 42:17

Mian anu palesayamo hi patong nu pilogot, ka' mongakuimo ia salaku tumpu nu aha, saidi' mae o, alumo ka' mule' opopo ambangmo.”

YESAYA 44:12

Tukang besak mongala sa'angu' na logam ka' mompapui nu apu lantas nu tutukmo nu malatelu sahingga jadimo na patong aijo'. Iwi-iwi' na kahosonannyo nu pakemo mombau aijo' hau-haunyo mombau aijo' ia mo'ohopmo, megotmo, ka' malawemo.

YESAYA 45:16

Iwi-iwi' na mian anu nombaumo patong nu pilogot; opopo'ambangmo ka' o'alumo.

YESAYA 45:20

Tumpu notatae, “Sihukmo ka' tokamo mae hingga-hinggat, belemiu iwi-iwi' anu madi' pinatean nu to bansa-bansa! Ponga' ahi' na to mia-mian anu molondakon patong kau' ka' balado'amo hi to pilo-pilogot anu madi' moko ala momposalamat.

YEREMIA 10:8

Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 2:8

To ima-imam madi'mo ko anu mompokilawa iya mae na Aku, Tumpunyo. To mia-mian anu montinjohakon atulan madi'mo daagi' monsumbu' pa' ihe na Aku, to mia-mian anu balakuasa notomuhukmo mae hi beleng-Ku. Atas sanggo nu Baal na to nabi-nabi motatae, ka' monsombahmo pilogot anu madi' kokaliangannyo.”

YEREMIA 50:2

“Pokonai tanda ka' bebakonmo na lele hi to bansa-bansa taalu' Babel pinatundu'mo! Bolimo opohowini na han aijo'! I Merodakh pilogotnyo ihansunanmo ka' mule sinin na patongnyo anu toto henyu-henyu singkapmo nobiha-biha', ka' mule' bapilogotan nu aha madi'mo iholomatan.

YEREMIA 51:17

Salatan nontoa aijo' iwi-iwi' sininsumbu'je na manusia taalu' ia ponga' ahi' ka' madi' ahi' mangalati'. To tuka-tukang montutuk mosoni' madi'mo pinalesaya aijo' madi' totu'u ka' madi' kosantuu'nyo.

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

ZAKHARIA 10:2

To mia-mian momoitamo hi to pilo-pilogot pa' mosia na nasipnyo ka' mule' mambamo hi mian anu topo tahi'i panyo anu pinoto'i mae nu aha aijo' ola ahi' leko' ka' palasuma madi' ahi' totu'u. Daagi' ko anu montalangkan ipion, panyo katalangan nu aha ola ahi' mompobingong belemiu, ka' potatae anu toto ima-ima' nunu poto'i nu aha madi' ahi' kokaliangannyo. Kalana aijo' mian da'isan noga'aga'atmo susumo domba. Aha singkapmo nagesuk kalana madi'mo ko polaya'nyo.

ROMA 6:21

Tempo'nyo aitu ka'untungan apaa na anu tinalima miu i hahan uuka aiya oka'ambangakon miu na o bau? Bauon haha aijo' ola momboa i kapatean!

1 KORINTUS 12:2

O inau' tempo'nyo komiu ma'isa nonsumbu' Tumpu, komiu tinagodamo nombatuki pilogot anu momo'.

ANU PINOTO'I HI YOHANES 19:20

Sahingga binatang aijo' i hakopmo hingga-hinggat tiba to nabi-nabi anu madi' totu'u anu nombaumo hahan anu okabangangi i ahop nu binatang aijo'. (Anu okabangangi haha aijo' atina'mo na binatang haha aijo' anu nongakalimo to mia-mian anu ko tandanyo binatang aijo', ka' to mia-mian anu monsombah patong nu binatang aijo'.) Lantas binatang aijo' ka' to nabi-nabi anu madi' totu'u aijo' ingalinmo tumu-tumuu' i uno nu ndalangon apu anu banyela-nyelak ka' ko belelangnyo.

TO MIA-MIAN KOPIAN 17:4

Sahingga salatan i Mikha nonsule'akonmo doi aijo' hi tinanyo, tinanyo aijo' nongalamo ua'atu na takeannyo nu doi aijo' ka' nombee' hi samian na tukang salaka. Lantas pinokaunyomo na tukang da mombauakon sa'angu' na patong kau' anu olapisi nu salaka aijo'. Lapas aijo' patong aijo' pino una'mo hi laigan i Mikha.

1 SAMUEL 12:21

Boli montuluti to pilo-pilogot anu madi'moko ala montulungi ka' momposalamat belemiu, kalana aha sabenannyo imadi'an.