HABAKUK 2:17 - KITAB NU TUMPU ALLA LELE MA'IMAI'

¹⁷ Tinaa'anmo nu beleyum na kau' i unu nu kuhat nu Libanon ka' uuka aiya beleyumo na otaa'. Beleyum lewa'mo nompatei binatangnyo ka' uuka aiya to bina-binatangmo na mompopobuhuk beleyum. Iwi-iwi' aijo' jadimo kalana lewa'mo nompatei na beleyum ka' lewa'mo nombau palabuatan anu buhingisin hi to lipu-lipu' ka' mule' hi to kota-kota' ka' hi mian anu jojoong ikiijo'.

HABAKUK 2:17 ပူးပေါင်းရင်းမြစ်များ

HABAKUK 2:8

Beleyum lewa'mo nompahuhuakon manjoo' na bansa-bansa, panyo sagala bansa anu madi' pinoko ala pinatundu' nu beleyum saidi' mae mompahuhuakon beleyum, kalana lewa'mo beleyum nompatei ka' kalana talalomo hondo na beleyum sininggi hi aha to lipu-lipu' ka' mule' hi to kota-kota' ka' hi miannyo anu jojoong ikiijo'.

ZAKHARIA 11:1

O, Libanon tuhea'akon mae iwi-iwi' na tumban nu belemiu, da apu montoyo'imo ingko-ingkot na kau' aras nu belemiu.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

YEREMIA 51:24

Tumpu notatae, “Posi sakisimo mosia na Aku uuka aiya mombalosimo Babel tiba mian anu jojoong ikiijo' ka' mule' iwi-iwi' na palabuatan ma'idek nu aha anu binaumo nu aha hi Yerusalem.

YEREMIA 50:28

Aha to mia-mian anu nopalaimo namba i Yerusalem lengkat mae i Babel nonsisikmo mosia na Tumpu Allah-nto nombalosakonmo palabuatan nu aha mian Babel kona aijo' hi Laigan nu Tumpu.) p

AMSAL 28:17

Samian na anu saja' mompatei mian, saja' nu oa'i ololoi' sampe ia silaka, madi' ko samian pe'e na moko ala montahan ia.

MAZMUR 137:8

O Babel, beleyum opateimo! Mohumpak kantumuu'an ma'ima' na mian anu mombalosakonmo beleyum palabuatan ma'idek anu binaumo nu beleyum hi kami.

YEREMIA 50:14

O, belemiu anu toto pande-pande na mompana'! Atunmo na balisan nu belemiu da olambanimo ka' otumbuhimo na Babel. Peletakonmo iwi-iwi' na hihis nu pana' nu belemiu mokiijo' i Babel, kalana ia binaladosa'mo hi beleng-Ku.

YEHEZKIEL 28:16

Beleyum talalo tasiaga badagang ka' aijo'mo na nonsaduakon beleyum da binuhingison ka' binaladosa'mo. Sahingga Ku laa'mo na beleyum da bolimo jojoong atina' ibungkutnyo anu susi' anu Aku na tumpunyo ka' malaekat anu monjagai beleyum molaa'mo beleyum da madi'mo jojoong atina' itotonga' nu palamata anu lonyingkaban hondo atina'.

YEHEZKIEL 31:16

De kau' aijo' Ku tau'akonmo i dunia nu mian anu sinilakamo, lintupnyo nu ia manabu' mompojadimo mabuhuk to bansa-bansa. Iwi-iwi' na kau' i uno nu Eden ka' to kau-kau' anu toto ima-ima' anu daagi' i Libanon anu nohumpakmo nolabi-labi na uee ka' anu nintatau'mo i dunia anu kaiyong mae hondo i aluknyo sanangmo kalana nanabu'mo na kau' aijo'.

YOËL 3:19

Mesir timbalimo padang anu ewa hondo ka' mategesmo, ka' mule' Edom timbalimo tano' anu kuunmo madi'mo nu jojoongi nu mian. Kalana aha nontumbuhimo mian nu Yehuda, ka' nompateimo tumpu nu lipu' anu madi' kosala'nyo.

HABAKUK 1:17

Kadaka' aha saja'mo mongkeat bajak nu aha ka' mompatei to bansa-bansa ka' madi'mo daagi ko kinyonyoa mongampuni?