HABAKUK 2:13 - KITAB NU TUMPU ALLA LELE MA'IMAI'

¹³ Iwi-iwi' na bansa anu pinatundu'mo nu beleyum pagala binala usaha panyo madi' kinogunanyo, ka' iwi-iwi' na anu pinotinjonyo nu aha ola ningkot notoyo' nu apu. Iwi-iwi' aijo' pongka'oho' nu Tumpu Anu Daka' na kuasanyo.

HABAKUK 2:13 ပူးပေါင်းရင်းမြစ်များ

YEREMIA 51:58

Pagan mesen nu Babel toto hoso-hoson Ku hansunimo sahingga mahatamo susumo tano'. Sabatannyo daka-daka' toto tangka-tangkas Ku papumo sampe motanggotmo hondo. Ola pinalasuma' na lawe nu to bansa-bansa, kalana apaa na anu kinalajamo nu aha ola nu kaan nu apu. Aku, Tumpu Anu Mahakuasa notataemo.”

YESAYA 50:11

O, belemiu anu mongka'oho'mo monsilakai mian sangga'at, posi tanga'anmo nu belemiu na monsilakai belemiu. Tumpu na mombau aijo' da jadi, belemiu osakisamo hondo.

MALEAKHI 1:4

De bisuanyo lee' mae i Esau, aha mian nu Edom haha aijo' motatae, “Iwi-iwi na kota' mami ihansunanmo panyo po ule'mo obau mami,” han aijo' nu taamimo nu Tumpu, “Aha timbali po ule' mombau panyo po ule' Ku hobo'akon. Aha osanggohimo ‘Lipu' anu palaganta’ ka' mule ‘Bansa anu tinambuha'anmo nu Tumpu sampe sidu-sidutu.’ ”

YESAYA 55:2

Bau apaa na mongoli tulu-tulumo anu madi' moko pa'osa, ka' bau apaa na mokalaja de madi' momposanang? Batukimo na palentang-Ku, da belemiu mongkaan anu ma'ima', ka' molasaimo kaanon anu matami'.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

MAZMUR 39:6

Talalo ahi' sasaingoni' na tinantukan nu Belento na umunku! De hi Belento kopinnyo nu kantumuu'anku madi' ko alati'nyo. Memang, manusia ola susumo opuhakon nu sawo nu manusia,

YEREMIA 51:64

Ka' otaloakon, ‘Sumo aiya na saidi' mae jadi i Babel. Lipu' aiya saidi' mae molomosmo ka' madi'mo daagi' lubat mae kalana aha tinuda'anmo nu balaa' nu Tumpu.’ ”

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”