HABAKUK 2:12 - KITAB NU TUMPU ALLA LELE MA'IMAI'

¹² Kinutukan na beleyum! Kalana palabuatan nu beleyum ma'i-ma'idek atina' sahingga noko alamo nombau kota'. Ka' nombau atina' lewa' nompatei mian.

HABAKUK 2:12 ပူးပေါင်းရင်းမြစ်များ

1 TOMU-TOMUNDO' 16:34

Tempo'nyo i Ahab nompalentahmo, kota Yerikho po'ule'mo binau i Hiel mian nu Betel. Panyo' susumo anu pinoto'imo nu Tumpu ma'isa pe'e kino ianyo anak i Nun da opoto'i hi Hiel, tukoo-Nyo anaknyo ohu-ohua': i Abiram anu tumpe-tumpenyo silakamo de i Hiel mompotinjomo pundasi nu kota' ka' i Segub anu tatampalui'nyo silakamo, de i Hiel mompokonamo tumban nu sabatan daka' nu kota aijo'.

YEHEZKIEL 24:9

Tumpu Anu Matangkas na Kuasanyo notatae, “Silakamo na kota' anu nobuke'mo nu mian anu saja'mo nompatei aijo! Posi Akumo na momposun kau' bau pompapui ia.

MIKHA 3:10

Belemiu nombaumo Yerusalem kota' nu Tumpu, panyo lewa'mo nompatei mian ka' madi'mo kino ka adilannyo.

NAHUM 3:1

Silakamo na kota' aiya anu talalomo na leko' manjoo' ka' anu pinateannyomo, kahomo balang anu pinahuhuakon ka' anu ingagoan.

HABAKUK 2:6

Panyo iwi-iwi na anu pinatundu'nyomo aijo' saidi' mae lewa'mo monsisik han anu ma'idek ka' mule' lewa'mo mongalu. Aha motatae, “Kinutukan na beleyum kalana montambun balang anu misa' belemiu na tumpunyo! Daagi hipian na kopinnyo na beleyum mompokaya butong nu beleyum anu lewa'mo mompakisa to mia-mian anu kosamaya'nyo hi beleyum da bau pombayan samaya nu aha?”

2 KORINTUS 1:21

Posi Tumpu na nompotimbalimo kami tiba kita Utus mahoson na mosa'angu' tiba i Kristus; Iamo singkona na nompile'i kita matungka' bau kapalaluan-Nyo.

YOSUA 6:26

Tempo'nyo aijo' i Yosua nompoto'imo palentah madi' mompobee' sumo uuka, “Maumo pa' ihe na ko kahanda' po'ule' mombau kota aiya, mohumpak kutuk nu Tumpu. Ihe na mombau mesennyo bau pompotinjoan kota aiya anaknyo tumpe sila kamo; ka' ihe na mombau sabatannyo anu to daka-daka', anaknyo tampalui' silakamo.”

ANU PINOTO'I HI YOHANES 17:6

Lantas tinoangkumo taalu' boune aijo' nalangumo nu baso' nu mian anu pinalesayamo hi Tumpu ka' baso' nu to mia-mian anu pinateanmo kalana tulu-tulutan hi Yesus. Salatan aku nontoamo boune aijo', aku kino banga-bangangmo.