HABAKUK 1:9 - KITAB NU TUMPU ALLA LELE MA'IMAI'

⁹ Suludadu nu aha montumbuhimo da mombaumo palabuatan anu ma'idek. Iwi-iwi' na mian nu lakatmo na montoa aha aijo' tinokamo mae. Anu ihakopmo nu aha madi'mo opokolekeng na ko daisannyo.

HABAKUK 1:9 ပူးပေါင်းရင်းမြစ်များ

KAJADIAN 41:49

Gandum anu i limu'nyo aijo' nanjoo'mo hondo sahingga i Yusuf madi'mo nontakan, kalana konjoo'nyo sumomo bone' i biwi nu ambai.

2 TOMU-TOMUNDO' 12:17

Tempo'nyo aitu i Hazael tomundo' nu Siria nontumbuhimo ka' nonjojoongimo kota' Gad. Lantas ia binatanga' mule' montumbuhi Yerusalem.

AYUB 29:18

Anu ku indi' da mantan na umun, ka' silaka sanang i posi laiganku.

MAZMUR 139:18

De ku bilang, lebe manjoo' molingkudui bone'; de aku mobulamo, daagi' sabole-boleh ahi' ku potutugakon na Belento.

YESAYA 27:8

Tumpu nohukumo mian anu palesayamo hi Ia aijo'mo nomboa aha pinojoong ilipu' nu mian anu isalipu'an. I laa'-Nyomo na aha nu mombun anu ma'idek lengkat mae isasu kabete'an.

YEREMIA 15:8

Lipu' nu belemiu saidi' mae kahomo balu, nu lingkuduimo na konjoo'nyo nu bone' ibiwi nu ambai. To mia-mian Ku pateimo ma'isa pe'e langkai' ka' bengkele' sahingga tina nu aha sansalamo. Salatan sinaamo Ku potokamo mae hi aha samian na anu mompatei, sahingga aha mabuhukmo ka' mangada'mo.

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEREMIA 34:22

Ku bee'imo tanda da aha po ule'mo mae minsusule' ikota' aiya, lantas montumbuhimo mae, ka' mongkuasaimo, ka' nu papumo nu aha. Sinin na kota' nu Yehuda Ku pojadimo susumo padang tampat anu mateges anu madi'mo nu jojoongi nu mian. Aku, Tumpu notataemo.”

YEREMIA 4:11

Tempo'nyo tokamo mae mian nu Yehuda tiba mian anu jojoong i Yerusalem mohumpak mo lele koonyo mombun anu mapanas lengkat mae ipadang tampat anu mateges hau-haunyomo tobung mamba hi aha. Mombun aijo' misa' mombun biasa anu ola molahabakon ota',

YEREMIA 4:7

Sumomo ahi' singa anu nosabatmo lengkat mae ipinaninsulukannyo sumo aijo'mo mule' nambamo na anu sola' mohopu'i bansang-bansang anu tokamo mae kahanda' monsilakaimo Yehuda. Kota-kota' nu Yehuda singkapmo hansun jadimo tampat anu madi'mo nu jojoongi nu mian.

YEHEZKIEL 17:10

Memang ia nahosonmo na tinumuu', panyo pa' moko ala ahi' na ia satu tumu'nyomo ka mompaka podensu'? Pa' madi' ahi' ia mangkaluale de nu puhimo mae nu mombun anu lengkat mae i sasu Kabete'an? Pa' madi' ahi' i manggas i tampat kinatumuu'annyo?”

YEHEZKIEL 19:12

Panyo ia ginautmo nu lima nu to mia-mian anu pinusamo, lapas aijo' ilumbu'akonmo i tano'. Mombun anu lengkat mae isasu Kabete'an, nomanggasimo bua'nyo anu ma'ima'. Panga'nyo nopato'mo ka' nanggasmo lantas pinapuanmo.

DANIEL 11:17

Lapas aijo' tomundo' nu lipu' sasu utara momposadiamo iwi-iwi' na suludadunyo da montumbuhimo lipu' sasu salatan. Lantas ko kahanda'mo da mongkuasaimo songko-songko na kalaja'an nu sampobali'nyo, ia mombaumo kasangaja'an tiba ia da mompo osoakonmo anaknyo boune tiba tomundo' nu Mesir aijo', panyo tanga'annyo aijo' madi' ko gunanyo.

HOSEA 1:10

Bansa nu Israel timbalimo na konjoo'nyo sumo bone' i ambai, sahingga madi' opo ka ala otakan kabai o lekeng. Uuka aiya Tumpu motataemo hi aha, “Belemiu misa'mo mian-Ku anu palesayamo,” panyo tokaje na tempo'nyo. Ia notataeje hi aha, “Akumo na Tumpu anu tumuu' ka' belemiumo na to ana-anak-Ku!”

HOSEA 13:15

Naumo Israel sinanangmo na kantumuu'an nu aha susumo hemput anu molumba' panyo Ku pokauje na mombun nu kabete'an anu mapanas hondo lengkat mae i padang anu mateges. Mombun aijo' na montiisi iwi-iwi na mata nu uee tiba to bubu-bubung. Sahingga manggasmo iwi-iwi' na anu mahan na olinyo.

HABAKUK 1:17

Kadaka' aha saja'mo mongkeat bajak nu aha ka' mompatei to bansa-bansa ka' madi'mo daagi ko kinyonyoa mongampuni?

HABAKUK 1:6

Bansa Babel anu baani ka' singgi aijo' Ku pojadimo bansa anu balakuasa. Aha mosabatmo mae lengkat ilipu'nyo ka' monsongkohimo songko-songko na dunia da mompatundu'mo iwi-iwi' na bansa sangga'at.

ROMA 9:27

I Nabi Yesaya notatae sahondo-hondonyo mongkona bansa Israel, “Mau mule' konjoo' nu bansa Israel sumo bone' i ambai, panyo ola sangkiding na anu salamat;

TO MIA-MIAN KOPIAN 7:12

Mian nu Midian, Amalek tiba mian haha aijo' sangga'at anu nolengkat mae i padang bone' nonsongkohimo bangka'nyo aijo' iyaya mae. Sumomo kihi-kihi' anu nodumpukmo na otoa. To unta-unta nu aha manjoo' hondo sumomo bone' i sonibi nu ambai.