HABAKUK 1:5 - KITAB NU TUMPU ALLA LELE MA'IMAI'

⁵ Lapas aijo' Tumpu notataemo hi mian-Nyo anu pinalesayamo, “Opalahatikan na to bansa-bansa anu mompaha ohani tiba belemiu sahingga belemiu bangang ka' jonomo na mata kalana tinokaje hi belemiu na Aku nombaumo apa-apaa anu madi' opalesaya nu belemiu de ola osisikakon hi belemiu.

HABAKUK 1:5 ပူးပေါင်းရင်းမြစ်များ

YESAYA 29:14

Kalana aitu aha Ku potolokengkengmo nu pondoke anu ojojo'imo. Mian anu pande timbalimo ponga' ka' iwi-iwi na kapandean nu aha madi'mo mingkaliangan.”

YESAYA 29:9

Sabole-bolehmo kino banga-bangang ka' mompipidi'akon mata susumo mian anu napisokmo! Palangumo panyo misa' kalana nonginumo anggur. Lajangmo maha-mahasungonan panyo misa' kalana nonginumo ciu.

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

MOHAANGI 4:12

Hi aha to tomu-tomundo ka' mian da'isan i dunia aiya madi' ko samian pe'e na anu palesaya na to saba-sabatan daka' nu kota' Yerusalem nupoko ala ahi' nu pinsoopi nu sampobali'.

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.

HABAKUK 3:2

O Tumpu i hongongkumo na anu biaumo nu Belento. Sahingga kapandean bapikin ingoa'anku nanjoo'mo i uno nu kinyonyoangku. De timbali da palabuatan anu Daka' aijo' o'ulit pe'e nu belento ka' oponyata' mae nu belento hi kami tempo' uuka aiya. Tionyo ahi' kami aiya okalibosi mae nu Belento maumo ahi' Belento napanasmo na kinyonyoa.

ZEFANYA 1:2

Tumpu notatae, “Aku mohopu'imo iwi-iwi' na anu i dunia aiya:

PO'ULE' INGULIT 4:27

Nubagi-bagimo nu Tumpu na belemiu mamba i to bansa-bansa sangga'at ka' me sangkiding na belemiu anu daagi' tumuu'.