HABAKUK 1:4 - KITAB NU TUMPU ALLA LELE MA'IMAI'

⁴ Atulan madi' otoongi totu-totu'u ka' mule' ka'adilan madi' toho' otinjohakon. Mian anu ma'idek na kinyonyoanyo lebemo molingkudui aha mian anu madi' tageo' na kinyonyoanyo, jadi ka'adilan obali-balikakonmo nu aha.

HABAKUK 1:4 ပူးပေါင်းရင်းမြစ်များ

1 TOMU-TOMUNDO' 21:13

Mian anu uwesan ua'aha aijo' sinumuhangmo mompaha ahop i Nabot, ka' i ahop nu mian da'isan aha nontuukmo ia au' aitu ia nontotobi'akonmo Tumpu Allah tiba tomundo'. Kalana aijo' ia sinabatakonmo i kota' ka' pinahambunu'akonmo nu batu sampe ia nate.

AYUB 21:7

Kadaka' mian anu ma'idek na kinyonyoanyo nupotumuu' nu Tumpu Allah pipin, ka' halata' nu aha ola kopintu-pintuangnyo?

MAZMUR 11:3

De atulan nu mian da'isan madi' talakana' mian anu ma'ima' na kinyonyoanyo madi' moko ala mombau apa-apaa.”

MAZMUR 119:126

O, Tumpu, tinokamo na tempo'nyo Belento mohukumo, kalana to mia-mian nolanggaimo atulan nu Belento.

MAZMUR 22:12

Boli matikojo'on hi belengku, kalana balaa' anu montokai mae ingohanimo, ka' madi' ko anu montulungi.

MAZMUR 22:16

Gogohongku notismo susumo kubengan nu palasilen jila'ku naningkampitmo i ngahangku. O Tumpu, pinala'ianmo nu Belento na aku aijo' i abu' susumo mian anu sinilakamo.

MAZMUR 59:2

O, Tumpu-ngku, posalamatakon mae na aku da madi' nupatei nu to mia-mian anu monsampobali' mae aku, jagaiakon mae na aku da madi' nusilakai mae nu to mia-mian anu montumbuhimo mae aku.

MAZMUR 59:4

Soba toa, na aha nolambanimo mae kahanda'mo mae monsilakai aku, to mia-mian anu toto buhingison nosa'angu'mo mongewamo mae aku; padahan misa' kalana aku nombaumo dosa' kabai nombaumo anu madi' o akui mae, o Tumpu.

MAZMUR 94:3

O, Tumpu sampe toka hipian na kopinnyo, na mian anu ma'idek na kinyonyoanyo mongoa'i lame'? Sampe toka hipian na kopinnyo, O, Tumpu?

NOSABATMO 23:2

Boli mombaya'i mian da'isan de aha mombau sala' kabai monggeo-geo'akon atulan ka' mombee'i katalangan anu madi' totu'u.

NOSABATMO 23:6

O'ulus na mian misikin adi-adin de ia toka mongkalak palakalanyo hi mian kopian.

YESAYA 5:20

Silakamo na belemiu anu monggeo-geo'akon han anu totu'u tiba anu ma'idek, anu i uno nu lahasia tiba anu memang osumbu', anu mapakat tiba anu matami'!

YESAYA 59:12

Manjoo' hondo na palabuatan ma'idek mami hi Belento; dosa' mami haha aiya nomposala'mo kami. Kami totu-totu'unyo mongakuimo palabuatan mami anu ma'idek, ka' nonsumbu'mo dosa-dosa' mami.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

YEREMIA 12:6

Beleyum kinabisa'anmo, pakalaus mule' ahi' tibamo to utu-utus nu beleyum na nongkabisa'i; aha suele ahi' nolambanimo beleyum. Boli opalesaya na aha, maunyomo ahi' matami' na potatae nu aha.”

YEREMIA 26:8

Lia-lia' salatan pinokopoto'ingkumo na potuunon nu Tumpu susumo anu pinalentahkon-Nyomo, aha nohakopmo mae aku ka' noloboo'mo, “Beleyum matemo!

YEREMIA 8:7

Tomonsi lalang nu sumbu' ahi' na tempo'nyo ia minsusule'; sapatau, tomonsi' laya-layang tiba murai nu sumbu' ahi' na tempo'nyo molalin tampatnyo. Panyo belemiu mian anu palesayamo hi beleng-Ku na madi' ahi monsumbu' atulan-Ku anu binee'-Kumo hi belemiu.

YEHEZKIEL 9:9

Tinaaman nu Tumpu, “Aha to mia-mian nu Israel tiba Yehuda nombaumo dosa' anu daka' hondo. Aha nompateimo isongko-songko na tampat, ka' Yerusalem ihumimi'anmo nu palabuatan anu ma'idek. Aha nontaloakonmo tukoonyo nu aha Aku, Tumpu nompala'imo lipu' aiya sahingga madi'mo montoa palabuatan nu aha.

HOSEA 10:4

Talalomo nolabi-labi na leko' nu aha ka' binalajanji'mo anu madi' totu'u ka' nombaumo mule' palajanjian anu madi' kogunanyo. Atulan gineo-geo'akonmo sahingga palabuatan anu madi' adin tinumuu'mo susumo sosu anon anu ko lasungnyo i uno nu ale' anu pinansunmo.

AMOS 5:12

Sinumbu'kumo, talalo ahi' manjoo' na palabuatan nu belemiu anu ma'idek ka' talalo ahi' manjoo' na dosa' nu belemiu. Belemiu mongkabisa'i mian anu Tobas; belemiu montalima ponsogok ka' mompojohok mian anu kasiasi da obau madi' adin i pomputusian palakala.

AMOS 5:7

Silakamo na belemiu anu mombali-balikakon ka'adinan ka' mongagoi hak nu mian!

MARKUS 7:9

Lantas i Yesus notatae mule', “Komiu pande hondo mombahakon palentah nu Tumpu da timbali montoongi posi pangajalan.

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

SISIKON NU TO RASUL-RASUL 7:59

Hau-haunyo aha mompahambunu'akon i Stefanus, i Stefanus noloboo', “Kita Tumpu Yesus, talimamo na roh-ku!”

ROMA 3:31

Ugaat aiya na alati'nyo kalana kita palesaya hi Kristus, sahingga kita nontibahakonmo atulan nu agama Yahudi? Misa' hondo-hondo! Ola o, kalana kapalesaya'anto aijo', kita nohalagaimo atulan iajo'.

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.