HABAKUK 1:16 - KITAB NU TUMPU ALLA LELE MA'IMAI'

¹⁶ Lapas aijo' buani aijo' nu sombahmo nu aha ka' mule' nu sombahkonmo nu aha na koloban saba' kalana buani aijo' sahingga aha nohumpakmo lejeki manjoo' hondo ka' binilahimo na kantumuu'an nu aha.

HABAKUK 1:16 ပူးပေါင်းရင်းမြစ်များ

MAZMUR 22:29

Kalana Tumpu na mongkuasai, Ia na mompalentah to bansa-bansa.

YESAYA 37:24

Beleyum nonsaimo tomia-mian da motatae molabi-labi tukoonyo nu aha kalana manjoo' na kareta anu bau pahampate nu beleyum, sahingga noko alamo nompatundu' iwi-iwi na bungkutnyo anu toto tangka-tangkas i Libanon.

YEREMIA 44:17

Iwi-iwi' na anu jinanji'mo mami, tionyo ahi' obaumo mami. Kami saja'mo ahi' monsombahkon koloban hi Tomundo' boune nu Suluga' ka' mondudu'akon anggur salaku palasombahan hi ia susumo anu biasamo nu bau nu aha ikota-kota' Yehuda ka' ijalan-jalan ikota' Yerusalem nu aha mompolee' mami, tiba aha to tomu-tomundo' ka' to mia-mian anu kopangkatnyo aijo'mo pamalentah mami ka' mule' ahi' kami. Tempo'nyo aijo' manjoo' hondo na anu okaan mami, kami mohumpakmo kamajuan ka' madi'mo ko anu okasusa'akon mami.

YEREMIA 44:8

Kadaka' belemiu nombaumo hahan anu monsabapimo Aku motambuha'? Belemiu tinokamo i Mesir ka' jinojoongmo, ilipu' anu ma'isa osumbu-sumbu' nu belemiu aijo' lantas belemiu monsombahmo pilogot ka' monsombahkonmo koloban hi to pilo-pilogot nu lipu' aijo'! Te belemiu kahanda'mo mohansuni posi butong nu belemiu da belemiu nu alumo nu bansa iwi-iwi' idunia aiya ka' mule' sanggo nu belemiu lewa'mo opake salaku bau pontotobi'akon?

YEHEZKIEL 28:3

Beleyum monsangka au'aitu beleyum lebe pande molingkudui i Daniel sahingga madi'mo ko lahasia anu bisa opohowini hi beleyum.

YEHEZKIEL 29:3

Tumpu Anu Matangkas na Kuasanyo nompokaumo mae aku da mompoto'i hi tomundo' Mesir potuunon sumo uuka, “Aku aiya sampobali' nu beleyum obuaa' daka-daka' hondo anu lewa' male' itotonga' nu kaunyo. Beleyum kinobubuunmo tukooyum beleyum na nombau ka' mule' tukooyum beleyumo na tumpunyo nu Kaunyo Nil aijo'.

DANIEL 4:30

aku notatae, “Soba toa na ko ima'nyo na kota' Babel aiya! Akumo aiya na nombau da tinimbali puso nu kota' nu negara da bau pomponyata kakuasa'anku ka' mule' kahosonanku, katalasanggoan, ka' kahebatanku!”

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

HABAKUK 1:11

Lantas sumo pinuhakon nu mombuun nambamo na mian haha aijo' anu monganggap kahosonan nu aha pokakanamo sumo pilogot nu aha.”

PO'ULE' INGULIT 8:17

Jadi boli hondo-hondo bapikin kalana usaha ka' kahosonan nu belemiu sahingga kinayamo na belemiu.