HABAKUK 1:12 - KITAB NU TUMPU ALLA LELE MA'IMAI'

¹² Tumpu, daagi pe'e naipuan mae Belento memang Tumpu. Belento Tumpungku anu susi' sampe toka sidu-sidutu'. Tumpu, Tumpungku anu monjagai mae aku, bansa Babel aijo' pinile'anmo nu Belento ka' pinobaanimo nu Belento da mohukum kami.

HABAKUK 1:12 ပူးပေါင်းရင်းမြစ်များ

KAJADIAN 21:33

Lantas i Abraham nonsu'anmo sangkau na kau' tamariska kiijo' i Bersyeba ka' mulai tempo'nyo aijo' tampat aijo' binaumo ponsomban Tumpu, Tumpu Allah anu sampe toka sidu-sidutu'.

2 TOMU-TOMUNDO' 19:25

Ma'isa toho' beleyum nohongo, na iwi-iwi' aijo' tinanga'an-Kumo daagi' pe'e u'utu mae? Ka' uuka aiya kubaumo. Akumo na mombee'i kuasa' hi beleyum da mongidei iwi-iwi' na kota' anu ko bentengnyo sahingga memo tu'onyo.

MAZMUR 102:24

Tumpu nompato'imo kahosonanku tempo'nyo aku daagi' olitau, ka' nongkodo'imo umunku.

MAZMUR 118:17

Aku madi'mo silaka, panyo sabole-bolehmo tumuu' da mombebakon kalaja nu Tumpu.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 17:13

Tinjomo mae, o Tumpu, ewakonmo na sampobali'ku ka' patundu'mo na aha. Posalamatakon mae na aku nu bajak nu Belento, de aku nulambanimo mae nu mian anu ma'idek na kinyonyoanyo.

MAZMUR 18:1

Anu mongkapalai panyanyi. Mazmur i Daud, posaihon nu Tumpu. Inyanyiakon hi Tumpu salatan i Daud madi'mo pinoposia i Saul ka' aha anu monsampobali' ia.

MAZMUR 74:12

Salatanmo pe'e momonanyo Belentomo na tomundo'ku, o, Tumpu, Belentomo na nomposalamat mae kami.

MAZMUR 90:1

Doi i Musa, posaihon nu Tumpu. O, Tumpu, Belentomo na bau pihohungan mami molundu-lundu na tulunan mami.

MAZMUR 90:2

Ma'isa pe'e bungkutnyo iwi-iwi' pinotimbali, ma'isa pe'e tano' ka' dunia tinali' nu Belento, Belentomo na Tumpu anu sampe toka sidu-sidutu', madi' ko katampu'unannyo ka' madi' ko ka'ahenannyo.

MAZMUR 93:2

Kalaja'an nu Belento mahoson hondo salatanmo pe'e momonanyo, memang ma'isa pe'e iwi-iwi' pinotimbali, polo-polo'mo daagi' kino Belentonyo.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

YESAYA 37:26

Pa' ma'isa toho' nohongo na beleyum mongkona hahan aijo' iwi-iwi' te misa' polo'mo ahi' tinangka'an-Ku salatanmo pe'e naipuan mae? Ka' tempo uuka aiya Ku baumo ahi'. Akumo aiya na nombee'i beleyum kuasa da mohansunimo iwi-iwi na kota' anu ko bentengnyo sahingga hansunmo.

YESAYA 40:28

Minsoop i, akan mule' na beleyum madi' monsumbu' ka' mule' madi' nohongo? Tumpu anu sampe toka sidu-sidutu' anu nompotimbalimo songko-songko na dunia aiya. Ia madi' toho' mongoa'i lawe kabai pa' lu'us; pikilan-Nyo madi' opoko ala osumbu'-sumbu'.

YESAYA 43:15

Akumo na Tumpu nu beleyum anu susi', Tomundo' nu beleyum anu nompotimbalimo beleyum o, Israel!”

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YEREMIA 30:11

Aku tokamo mae ka' belemiu Ku posalamatmo. Bansa-bansa, tampat pinongga'a-ga'atakonan-Ku belemiu iwi-iwi' Ku silakaimo, panyo belemiu na madi' ahi' Ku bau sumo aijo'. Memang belemiu madi' ahi' bebas ihukuman panyo hukuman anu Ku bee' hi belemiu na adin ahi' sosok tiba anu sahondo-hondonyo. Aku, Tumpu notataemo.”

YEREMIA 4:27

Tumpu nompoto'i kooNyo songko-songko na dunia saidi' mae timbalimo padang tampat anu mateges panyo Ia madi' ahi' monsilakaimo iwi-iwi'.)

YEREMIA 46:28

Jadi bolimo daagi' mabuhuk, o mian anu palesayamo hi beleng-Ku Aku tokamo mae momposalamat belemiu. To bansa-bansa, tampat pipinongga'a-gaa'takonan-Kumo belemiu iwi-iwi' Ku silakaimo, panyo belemiu na madi' ahi' sumo aijo'. Memang belemiu madi' ahi' bebas ihukuman panyo hukuman-Ku anu onabu'akon hi belemiu na adin ahi' madi' mompahasala' tiba anu tinantukanmo. Aku, Tumpu, notataemo.”

YEREMIA 5:18

Tumpu notatae, “Maumo ahi' sumo aijo' toka itempo' aijo' mian anu palesayamo hi beleng-Ku madi' ahi' Ku hopu'i.

MOHAANGI 5:19

Panyo Belento, o Tumpu, tataap balakuasa Belento mompalentah sampe toka sidu-sidutu'.

YEHEZKIEL 30:25

Memang totu'u, tomundo' Mesir madi'mo Ku pohoson panyo i tomundo' Babel Ku pohosonmo. De Ku bee'mo na bajak-Ku hi ia, ka' nu tangkakonmo sasu mokiijo' Mesir, nu sambu'je nu aha taalu' Akumo ahi' na Tumpu.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

HABAKUK 3:2

O Tumpu i hongongkumo na anu biaumo nu Belento. Sahingga kapandean bapikin ingoa'anku nanjoo'mo i uno nu kinyonyoangku. De timbali da palabuatan anu Daka' aijo' o'ulit pe'e nu belento ka' oponyata' mae nu belento hi kami tempo' uuka aiya. Tionyo ahi' kami aiya okalibosi mae nu Belento maumo ahi' Belento napanasmo na kinyonyoa.

HABAKUK 3:6

De Belento madi'mo lumajang dunia gayu'anmo, de Belento montonto'imo to bansa-bansa tasigalamo. Iwi-iwi na bungkutnyo anu salatanmo pe'e dunia aiya mobiha-biha'mo; to puge-puge' anu memang tinatapmo i tampatnyo hede'mo, i puge'nyomo haha aijo'; na kinalajangan nu Belento daagi pe'e naipuan mae.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MALEAKHI 3:6

“Akumo na Tumpu, ka' Aku madi' mongabali'. Kalana aijo' belemiu lee' mae i Yakub, madi' ahi' opatei.

SISIKON NU TO RASUL-RASUL 3:14

Ia Susi' ka' ma'ima', panyo komiu mombahakon Ia ka' mompakisa da i Pilatus molapasakon samian na topo patei hi komiu.

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

PO'ULE' INGULIT 33:27

Tumpu Allah saja' monjagai belemiu, botokonnyo sampe toka sidu-sidutu' monsakan belemiu. Ia na molaa' sampobali' nu belemiu anu atina' i ahop nu belemiu ka' mompokau belemiu mompatei aha.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

IBRANI 13:8

I Yesus Kristus tataap pokakana mau naipuan mae, tempo' uuka, ka' sampe toka sidu-sidutu'.

ANU PINOTO'I HI YOHANES 1:11

Lewo' aijo' notatae, “Tulismo apaa na anu tinoaum, ka' pakatumo na kitab aijo' toka i popitu' na jama'at aijo'mo: Efesus, Smirna, Pergamus, Tiatira, Sardis, Filadelfia, ka' Laodikia.”

ANU PINOTO'I HI YOHANES 1:8

“Akumo na anu i momona ka' anu i mihinyo,” koonyo nu Tumpu Allah, anu polo-polo'mo daagi', ka' anu daagi'mo, ka' anu sidu-sidutu' sabole-bole daagi', Anu Matangkas na Kuasanyo.

1 SAMUEL 2:2

Madi' koanu susi' susumo Tumpu! Ola Ia na moko ala monjagai mae.