HABAKUK 1:10 - KITAB NU TUMPU ALLA LELE MA'IMAI'

¹⁰ To tomu-tomundo' ola nu wen nu aha ka' mule' to pega-pegawe anu toto tangka-tangkas na pangkatnyo ola suele lewa' nu kokojoi nu aha. Iwi-iwi na benteng nu anggap nu aha madi' ko gunanyo ka' tinabuhanmo nu aha nu tano' lantas tinumbuhanmo nu aha na benteng aijo'.

HABAKUK 1:10 ပူးပေါင်းရင်းမြစ်များ

2 TOMU-TOMUNDO' 24:12

Lantas i tomundo' Yoyakhin tiba tinanyo, to ana-anaknyo, to sulu-suludadunyo anu toto tangka-tangkas na pangkatnyo tiba to mia-mian anu ko pangkatnyo i Laigan nu tomundo' tinulutmo hi Nebukadnezar. Lantas i Yoyakhin i hakopmo ka' binoamo. Han aijo' jinadi i taun ko ualu'nyomo na i Nebukadnezar nompalentah.

2 TAWARIKH 36:10

Tempo'nyo taun bu'ou tinokamo mule' i Tomundo Nebukadnezar nomboamo i Yoyakim namba i Babel salaku mian anu i hakop, ka' to bala-balang anu mahan na olinyo i Laigan nu Tumpu suele binoanyomo. Lapas aijo' i Nebukadnezar nohangkatmo i Zedekia baabo' i Yoyakhin, binaumo tomundo nu Yehuda ka' Yerusalem.

2 TAWARIKH 36:6

Tempo'nyo i Nebukadnezar tomundo nu aha Babel nongkuasaimo Yehuda, i hakopnyomo na i Yoyakim ka' pinungunyomo nu lante' besak ka' binoanyomo i Babel.

YESAYA 10:9

Ku patundu'mo na kota' Kalno, tiba Karkemis, Hamat tiba Arpad. Kupantundu' mule' na kota' Samaria tiba Damsyik.

YESAYA 14:16

Aha anu ikiijo' montoamo ka' monjonohimo beleyum. Nu pokilawamo nu aha, ‘Aiyamo namian anu nonompokalangkabutmo dunia ka' mule' nompopangada'mo iwi-iwi na kalaja'an?

YESAYA 37:13

Iyamo mae na to tomu-tomundo' nu kota' Hamat, Arpad, Sefarwaim, Hena tiba Iwa?”

YEREMIA 30:5

“Ihongong-Kumo na kihis nu mian anu ilakatnyomo kihis nu mian anu nabuhukmo anu madi'mo kinokadamean.

YEREMIA 32:24

To mia-mian nu Babel nombau pagan mesen da bau pontumbuhian iduhu-duhuk na kota' da timbali opoko ala na kota' aijo' ka' uuka aiya aha nontumbuhimo. Pahampatean, kasusa'an i anu okaan, tiba panyakit anu molele na monsaduakonmo kota aiya matundu'mo hi lima nu aha Babel.

YEREMIA 33:4

Laigan nu tomundo' Yehuda tiba laigan anu i kota' Yerusalem tinatakanmo da bau pompohoson palatahanan mongahopi sampobali' de montumbuhimo mae. Panyo Aku, Tumpu, Tumpu Allah nu aha Israel mompoto'i saba',

YEHEZKIEL 21:31

Ku potudunmo na tambuha'Ku anu inoakmo susumo apu hi belemiu. Ka' belemiu Ku bee'mo hi to mia-mian anu talalo buhingison anu memang ahi' ingajanmo na mompatei.

YEHEZKIEL 26:8

To mia-mian anu jojoong i iwi-iwi na kota' opateimo i uno nu pahampatean aijo'. Sampobali' mongkekemo got bau palatahanan ka' mule' nontabuhimo pagan mesen haha aijo' da bau pontumbuhian ka' mule' nontambunmo kanta toto daka-daka' anu nu pake nu aha salaku benteng mongewa beleyum.

ZEFANYA 1:8

“I sinaa ponsilakaianmo aijo'” Tumpu nompoto'imo, “Aku mohukumo anu toto tangka-tangkas na pangkatnyo, to ana-anak mo'ane nu tomundo' ka' mule' iwi-iwi' na mian anu mombatukimo bau-baunyo nu mian anu isalipu'an.